《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 提摩太前书第四章

作者 巴克礼普世版小组 2016.02.28

假(ké)ê教师(kàu-su)
1 M̄-koh圣 神(sèng-sîn)明 明(bêng-bêng)讲(kóng)：tī后来(āu-lâi)ê时期(sî-kî)beh有人(ū lâng)弃(khì)sak信 仰(sìn-gióng)，意爱(ì-ài)hiah-ê迷 惑 人(bê-he̍k lâng)ê邪 灵(siâ-lêng)kah鬼(kúi)神(sîn)ê教示(kà-sī)。2 Chit款(khoán)ê教示(kà-sī)是(sī)tùi讲 白 贼(kóng pe̍h-chha̍t)ê人(lâng)ê伪 善(gūi-siān)来(lâi).ê。In ê良 心(liông-sim)已经(í-keng)hō͘魔 鬼(mô͘-kúi)用(ēng)热(jia̍t)ê铁印(thih-ìn)ù做记号(chò kì-hō)，来归 属(lâi kui-sio̍k)魔 鬼(mô͘-kúi)。3 In禁 止(kìm-chí)嫁 娶(kè-chhōa)，禁 戒(kìm-kài)一(chi̍t)kóa食 物(chia̍h-mi̍h)，就是(chiū-sī)上 主(siōng-chú)所 创 造(só͘ chhòng-chō)，beh hō͘信(sìn)koh了 解(liáu-kái)真理(chin-lí)ê人(lâng)，用 感 谢(ēng kám-siā)ê心(sim)来领受(lâi niá-siū).ê。4因为(in-ūi)上 主(siōng-chú)所 创 造(só͘ chhòng-chō)ê物(mi̍h)lóng是好(sī hó)，若(nā)用 感 谢(ēng kám-siā)ê心(sim)来领受(lâi niá-siū)，就(chiū)无 一 项(bô chi̍t-hāng)是(sī)禁 忌(kìm-khī)。5所有(só͘ ū)ê食 物(chia̍h-mi̍h)，通 过(thong-kòe)上 主(siōng-chú)ê话(ōe)kah人(lâng)ê祈祷(kî-tó)，就 成 做(chiū chiâⁿ-chò)圣 洁(sèng-kiat)。

基督耶稣(ki-tok iâ-so͘)ê好 差 用(hó chhe-ēng)
6你(lí)若 将(nā chiong)chiah-ê tāi-chì提 醒(thê-chhéⁿ)兄弟 姊 妹(hiaⁿ-tī chí-mōe)，就(chiū)会成 做(ē chiâⁿ-chò)基督耶稣(ki-tok iâ-so͘)好(hó)ê差 用(chhe-ēng)，用(ēng)所信(só͘ sìn)ê道理(tō-lí)kah所 顺 服(só͘ sūn-ho̍k)好(hó)ê教示(kà-sī)来得(lâi tit)tio̍h培 养(pôe-ióng)。7 Tio̍h弃(khì)sak粗 俗(chho͘-sio̍k)ê话(ōe)kah无影 无 迹(bô-iáⁿ bô-chiah)ê传 说(thoân-soat)，为(ūi)tio̍h敬 虔(kèng-khiân)ê生 活(seng-oa̍h)，tio̍h继 续(kè-sio̍k)操 练(chhau-liān)家己(ka-kī)。8操 练(chhau-liān)身 躯(seng-khu)有(ū)淡 薄(tām-po̍h)á利益(lī-ek)，m̄-koh敬 虔(kèng-khiân)对(tùi)ta̍k项(hāng)tāi-chì lóng有利益(ū lī-ek)，因为(in-ūi)有应允(ū èng-ún)thang得(tit)tio̍h现 今(hiān-kim)kah将 来(chiong-lâi)ê活 命(oa̍h-miā)。9 Chit句话(kù-ōe)咱(lán)thang相 信(siong-sìn)，值得(ta̍t-tit)咱(lán)完 全(oân-choân)接 受(chiap-siū)。10为(ūi)tio̍h chit-ê目 的(bo̍k-tek)，咱(lán)劳苦(lô-khó͘)phah拚(piàⁿ)，因为(in-ūi)咱(lán)ê ǹg望(bāng)在(chāi)tī永 远(éng-oán) 活 命(oa̍h-miā)ê上 主(siōng-chú)，他是(i sī)人类(jîn-lūi)ê救 主(kiù-chú)，特 别是(te̍k-pia̍t sī)信徒(sìn-tô͘)ê救 主(kiù-chú)。11你(lí)tio̍h将(chiong)chiah-ê tāi-chì， kā in劝 勉(khoàn-bián)kah教示(kà-sī)。12 M̄-thang因为(in-ūi)你(lí)ê少 年(siàu-liân)hō͘人(lâng)看 轻(khòaⁿ-khin)，tio̍h tī讲 话(kóng-ōe)、行 为(hêng-ûi)、疼 心(thiàⁿ-sim)、信 心(sìn-sim)kah纯 洁(sûn-kiat)做(chò)信徒(sìn-tô͘)ê模 范(bô͘-hoān)。13 Tio̍h致意(tì-ì)读(tha̍k)圣 经(sèng-keng)，劝 勉(khoàn-bián)kah教示(kà-sī)，直到(ti̍t-kàu)我来(góa lâi)。14 M̄-thang忽 略(hut-lio̍k)你(lí)所领受(só͘ niá-siū)属 灵(sio̍k-lêng)ê恩赐(un-sù)，就是(chiū-sī)通 过(thong-kòe)先知(sian-ti)ê话(ōe)kah长 老 团(tiúⁿ-ló-thoân)ê hōaⁿ手(chhiú)赐(sù)hō͘你(lí).ê。15你(lí)tio̍h致意(tì-ì)专 心(choan-sim)去 做(khì chò)chiah-ê tāi-chì，hō͘众 人(chèng-lâng)看(khòaⁿ)tio̍h你(lí)ê进 步(chìn-pō͘)。16你(lí)家己(ka-kī)tio̍h谨慎(kín-sīn)，mā tio̍h注意(chù-ì)你(lí)ê教示(kà-sī)，常 常(siông-siông)关 心(koan-sim)chiah-ê tāi-chì来做(lâi chò)，因为(in-ūi)án-ne做(chò)chiah会救(ē kiù)你(lí)本 身(pún-sin)kah听(thiaⁿ)你(lí)教示(kà-sī)ê人(lâng)。