《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 帖撒罗尼迦后书第三章

作者 巴克礼普世版小组 2016.01.31

为 阮(ūi goán)祈祷(kî-tó)
1 兄弟 姊 妹(hiaⁿ-tī chí-mōe)ah，阮(goán)iáu有话(ū ōe)beh kā lín讲(kóng)，请(chhiáⁿ)lín tio̍h为 阮(ūi goán)祈祷(kî-tó)，hō͘主(chú)ê信息(sìn-sit)ē-tàng亲 像(chhin-chhiūⁿ)tī lín中 间(tiong-kan)，真 紧(chin-kín)传 开(thoân-khui)koh得(tit)tio̍h荣 光(êng-kng)。2 Mā祈求(kî-kiû)上 主(siōng-chú)hō͘阮(goán)ē-tàng脱 离(thoat-lī)hiah-ê邪恶(siâ-ok)ê人(lâng)，因为(in-ūi)m̄是(sī)所有(só͘ ū)ê人(lâng)lóng有信主(ū sìn-chú)。3上 主(siōng-chú)是(sī)信实(sìn-si̍t)可 靠(khó-khò).ê，他(i)会(ē)hō͘ lín坚 强(kian-kiông)，koh保守(pó-siú)lín脱 离(thoat-lī)hiah-ê pháiⁿ人(lâng)ê陷 害(hām-hāi)。4主(chú)hō͘阮(goán)对(tùi)lín有信心(ū sìn-sim)，相 信(siong-sìn)阮(goán)交带(kau-tài)lín ê tāi-chì，lín chit-má有(ū)teh做(chò)，后来(āu-lâi)mā会(ē)继 续做(kè-sio̍k chò)。5愿(goān)主(chú)引(ín)chhōa lín ê心(sim)，来 体 验(lâi thé-giām)上 主(siōng-chú)ê疼(thiàⁿ)kah基督(ki-tok)ê吞 忍(thun-lún)。

尽(chīn)做 工(chò-kang)ê义务(gī-bū)
6 兄弟 姊 妹(hiaⁿ-tī chí-mōe)ah，阮(goán)奉(hōng)咱(lán)ê主(chú)耶稣基督(iâ-so͘ ki-tok)ê名(miâ)命 令(bēng-lēng)lín，tio̍h闪 避(siám-phiah)hiah-ê生 活(seng-oa̍h)pîn-tōaⁿ，无 遵 守(bô chun-siú)阮(goán)传 授(thoân-siū)hō͘ lín ê教示(kà-sī)来行(lâi kiâⁿ)ê信徒(sìn-tô͘)。7 Lín家己(ka-kī)mā知(chai)tio̍h án怎(chóaⁿ)学(o̍h)阮(goán)，因为(in-ūi)阮(goán)tī lín中 间(tiong-kan)ê时(sî)生 活(seng-oa̍h)lóng m̄-bat pîn-tōaⁿ，8 mā m̄-bat白 白(pe̍h-pe̍h)食(chia̍h)人(lâng)ê饭(pn̄g)，颠倒(tian-tò)是(sī)暝日(mê-ji̍t)辛 苦(sin-khó͘)工 作(kang-chok)，chiah免(bián)造 成(chō-chiâⁿ)lín中 间(tiong-kan)任 何 人(jīm-ho lâng)ê负 担(hū-tam)。9阮(goán)án-ne做(chò)m̄是 讲(sī kóng)，阮(goán)无 权(bô koân)thang要求(iau-kiû)供 应(kiòng-èng)，只是(chí-sī)ài beh用(ēng)阮 家己(goán ka-kī)做(chò)lín ê模样(bô͘-iūⁿ)，hō͘ lín thang学(o̍h)阮(goán)ê款 式(khoán-sit)。10阮(goán)iáu kah lín做(chò)伙(hóe)ê时(sî)bat命 令(bēng-lēng)lín讲(kóng)：「无(bô)ài做 工(chò-kang)ê人(lâng)，mā tio̍h m̄-thang食(chia̍h)。」11阮(goán)án-ne讲(kóng)是因为(sī in-ūi)，有听(ū thiaⁿ)tio̍h lín中 间(tiong-kan)有人(ū lâng)pîn-tōaⁿ m̄做 工(chò-kang)，kan-taⁿ ài chhap人(lâng)ê闲(êng)á事(sū)。12阮(goán)奉 主(hōng chú)耶稣基督(iâ-so͘ ki-tok)ê名(miâ)警 告(kéng-kò)chit款(khoán)人(lâng)，苦 劝(khó͘-khǹg)in tio̍h安份(an-hūn)做 工(chò-kang)，家己(ka-kī)讨(thó)thàn来维持(lâi î-chhî)家己(ka-kī)ê生 活(seng-oa̍h)。13 M̄-koh兄弟 姊 妹(hiaⁿ-tī chí-mōe)ah，lín tio̍h做好事(chò hó-sū)，m̄-thang想(siūⁿ)倦(siān)。14若有人(nā ū lâng)无顺 服(bô sūn-ho̍k)阮(goán)chit张(tiuⁿ)phoe所 讲(só͘ kóng).ê，lín tio̍h kā伊(i)记(kì)teh，mā m̄-thang kah伊(i)来往(lâi-óng)，thang hō͘伊(i)感 觉(kám-kak)见 笑(kiàn-siàu)。15 M̄-koh m̄-thang kā伊(i)看 做(khòaⁿ-chò)敌人(te̍k-jîn)，tio̍h kā伊(i)当 做(tòng-chò)兄弟 姊 妹(hiaⁿ-tī chí-mōe)来 劝 勉(lâi khoàn-bián)。

最 后(chòe-āu)ê请 安(chhéng-an) 16 愿(goān)赏赐(siúⁿ-sù)平 安(pêng-an)ê主(chú)，常 常(siông-siông)用(ēng)ta̍k种(chióng)方 法(hong-hoat)亲 身(chhin-sin)赏赐(siúⁿ-sù)lín平 安(pêng-an)，愿(goān)主(chú)kah lín大家(tāi-ke)同 在(tông-chāi)！17我(góa)保罗(pó-lô)亲 笔(chhin-pit)kā lín请 安(chhéng-an)，我(góa)tī ta̍k张(tiuⁿ)phoe lóng有 签 字(ū chhiam-jī)。我(góa)lóng án-ne写(siá)：18愿(goān)咱(lán)ê主(chú)耶稣基督(iâ-so͘ ki-tok)ê恩 典(un-tián)，kah lín大家(tāi-ke)同 在(tông-chāi)！