《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 帖撒罗尼迦后书第二章

作者 巴克礼普世版小组 2016.01.24

不 法(put-hoat)ê人(lâng)
1兄弟 姊 妹(hiaⁿ-tī chí-mōe)ah，关 系(koan-hē)咱(lán)ê主(chú)耶稣基督(iâ-so͘ ki-tok)ê再 临(chài-lîm)，以及(í-ki̍p)咱(lán)受 召 集(siū tiàu-chi̍p)kah他(i)做(chò)伙(hóe)ê tāi-chì，阮(goán)恳 求(khún-kiû)lín，2若有人(nā ū lâng)假冒(ká-mō͘)阮(goán)ê名(miâ)讲(kóng)阮(goán)预言(ī-giân)，á是(sī)传 讲(thoân-káng)，á是(sī)写(siá)phoe讲(kóng)：「主(chú)ê日(ji̍t)chit-má到(kàu)à。」Lín ê心(sim)m̄-thang随 便(sûi-piān)摇动(iô-tāng)，mā m̄-thang惊 惶(kiaⁿ-hiâⁿ)。3人(lâng)无论(bô-lūn)用 甚 么(ēng sím-mi̍h)方 法(hong-hoat)，lóng m̄-thang hō͘人(lâng)骗 去(phiàn-khì)，因为(in-ūi)hit日(ji̍t)beh到(kàu)chìn前(chêng)，一定(it-tēng)先有(seng ū)背 教(pōe-kàu)ê tāi-chì发 生(hoat-seng)，mā有不 法(ū put-hoat)ê人(lâng)，就是(chiū-sī)注 定(chù-tiāⁿ)灭 亡(bia̍t-bông)ê人(lâng)会 出 现(ē chhut-hiān)。4 Hit-ê人(lâng)反 对(hoán-tùi)所有(só͘ ū)ê神 明(sîn-bêng)á是(sī)敬 拜(kèng-pài)ê对 象(tùi-siōng)，koh骄 傲(kiau-ngō͘)讲(kóng)赢 过(iâⁿ-kòe)一 切(it-chhè)，甚 至(sīm-chì)去 坐(khì chē)tī上 主(siōng-chú)ê圣 殿(sèng-tiān)，自(chū)称 做(chheng-chò) 上 主(siōng-chú)。5我(góa)iáu kah lín做(chò)伙(hóe)ê时(sî)，bat kā lín讲(kóng)chiah-ê tāi-chì，lín kám bē记得(kì-tit)？6 Lín lóng知(chai)，chit-má是(sī)啥 物(siáⁿ-mi̍h)teh阻 挡(chó͘-tòng)hit-ê不 法(put-hoat)ê人(lâng)，hō͘伊(i)时期(sî-kî)到(kàu)chiah出 现(chhut-hiān)。7因为(in-ūi)hit-ê不 法(put-hoat)ê神秘(sîn-pì)势力(sè-le̍k)已经(í-keng)开始(khai-sí)teh运 作(ūn-chok)，m̄-koh等 到(tán-kàu)阻 挡(chó͘-tòng)ê势力(sè-le̍k)撤 离(thiat-lī)了 后(liáu-āu)chiah会 发 生(ē hoat-seng)。8 Hit时(sî)，不 法(put-hoat)ê人(lâng)出 现(chhut-hiān)，主耶稣(chú iâ-so͘)再 临(chài-lîm)ê时(sî)，会用(ē ēng)他(i)ê嘴(chhùi)吐(thò͘)一 口 气(chi̍t-kháu khì)来(lâi)kā伊(i)thâi死(sí)，用(ēng)他(i)再 临(chài-lîm)显 现(hián-hiān)ê荣 光(êng-kng)kā伊(i)消 灭(siau-bia̍t)。9 Hit-ê不 法(put-hoat)ê人(lâng)临 到(lîm-kàu)ê时(sî)，靠(khò)撒旦(sat-tàn)ta̍k种(chióng)ê权 势(koân-sè)，来行(lâi kiâⁿ)假神 迹(ké sîn-jiah)kah奇事(kî-sū)。10 Koh用 各 种(ēng kok-chióng)不义(put-gī)ê诡计(kúi-kè)，来 欺 骗(lâi khi-phiàn)hiah-ê teh beh灭 亡(bia̍t-bông)ê人(lâng)，因为(in-ūi)in无 接 纳(bô chiap-la̍p)ē-tàng hō͘ in得救(tit-kiù)ê真理(chin-lí)。11因为(in-ūi)án-ne，上 主(siōng-chú)hō͘ in产 生(sán-seng)强 烈(kiông-lia̍t)ê错 觉(chhò-kak)，去 相 信(khì siong-sìn)hiah-ê虚假(hi-ké)。12结 果(kiat-kó)hō͘ m̄信(sìn)真理(chin-lí)颠倒(tian-tò)意爱(ì-ài)不义(put-gī)ê人(lâng)，lóng受 定 罪(siū tēng-chōe)。

受 拣 选(siū kéng-soán)来得救(lâi tit-kiù)
13主(chú)所 疼(só͘ thiàⁿ)ê兄弟 姊 妹(hiaⁿ-tī chí-mōe)ah，阮(goán)tio̍h不时(put-sî)为(ūi)tio̍h lín感 谢(kám-siā)上 主(siōng-chú)，因为(in-ūi)上 主(siōng-chú)tùi起 头(khí-thâu)to̍h拣 选(kéng-soán)lín来(lâi)hō͘ lín得救(tit-kiù)，hō͘ lín óa靠(khò)圣 神(sèng-sîn)来 成 做(lâi chiâⁿ-chò)圣 洁(sèng-kiat)ê子 民(chú-bîn)，koh hō͘ lín相 信(siong-sìn)真理(chin-lí)。14上 主(siōng-chú)通 过(thong-kòe)阮(goán)所 传(só͘ thoân)hō͘ lín ê福 音(hok-im)呼 召(ho͘-tiàu)lín，来 享 受(lâi hiáng-siū)咱(lán)ê主(chú)耶稣基督(iâ-so͘ ki-tok)ê荣 光(êng-kng)。15所以(só͘-í)，兄弟 姊 妹(hiaⁿ-tī chí-mōe)ah，lín tio̍h坚 定(kian-tēng)信 心(sìn-sim)，坚 持(kian-chhî)遵 守(chun-siú)阮(goán)所教示(só͘ kà-sī)lín ê真理(chin-lí)，无论是(bô-lūn sī)用 嘴(ēng chhùi)讲(kóng).ê á是用(sī ēng)phoe写(siá).ê，一 切(it-chhè)所学习(só͘ ha̍k-si̍p).ê lóng tio̍h遵 守(chun-siú)。16愿(goān)疼 咱(thiàⁿ lán)ê主(chú)耶稣基督(iâ-so͘ ki-tok)kah咱(lán)ê天父(thiⁿ-pē)上 主(siōng-chú)，用(ēng)他(i)ê恩 典(un-tián)赏赐(siúⁿ-sù)咱(lán)永 远(éng-oán)ê安慰(an-ùi)kah美好(bí-hó)ê ǹg望(bāng)，17来安慰(lâi an-ùi)lín ê心(sim)，hō͘ lín有气 力(ū khùi-la̍t)thang做(chò)ta̍k项(hāng)好事(hó-sū)，宣 讲(soan-káng)ta̍k种(chióng)ê好话(hó-ōe)。