巴克礼普世版(试读本) 罗马书第十五章
无求满 足家己
1咱chiah-ê有能 力ê人,应 该kā软 弱ê人tàu担重 担,m̄-thang求家己ê满 足。2咱ta̍k人tio̍h hō͘厝 边欢 喜,hō͘ in得tio̍h利益来建 立信 心。3因为基督mā无求家己ê欢 喜,颠倒照圣 经记载:「侮 辱你ê侮 辱归tī我。」(注:诗69:9) 4早 前所记载.ê lóng是beh教示咱chiah来写,hō͘咱tùi忍 耐kah圣 经ê安慰,来得tio̍h ǹg望。5愿赐忍 耐kah安慰ê上 主,hō͘ lín大家同 心来学 习基督耶稣ê模样,6 thang同 心 同 声荣 耀上 主—咱ê主耶稣基督ê天父。
万 民ê福 音
7所以,为tio̍h荣 耀上 主,咱tio̍h互 相接 纳,亲 像基督有接 纳lín。8我kā lín讲,基督做受割礼ê人ê差 用,是beh显 示上 主ê信实,来证 明上 主对祖 先ê应允有实 现。9 Mā beh hō͘外 邦 人,因为上 主ê怜 悯归 荣 光hō͘上 主。照圣 经所记载,讲:「所以,我beh tī外 邦 人ê中 间称 赞祢,唱 歌o-ló祢ê名。」(注:诗18:49) 10 Koh讲:「外 邦 人ah,tio̍h kah上 主ê子 民做伙欢 喜。」(注:申32:43) 11又koh讲:所有ê外 邦 人tio̍h称 赞主,万 民tio̍h o-ló他。(注:诗117:1) 12以赛亚koh再 讲:耶西ê根会puh-íⁿ,他会兴 起来 统 治外 邦,外 邦 人会kā ǹg望khǹg tī他ê身 上。(注:赛11:10) 13愿赐ǹg望ê上 主,hō͘ lín tùi信来 充 满ta̍k种ê欢 喜kah平 安,koh hō͘ lín tùi圣 神ê权 能充 满ǹg望!
保罗ê宣 教使 命
14 亲 爱ê兄弟 姊 妹,我确 信lín非 常善 良,充 满ta̍k款ê智识,koh会晓互 相劝 勉。15 M̄-koh我好胆写chit张phoe hō͘ lín,kā lín提 醒几 点,因为上 主有赐我特 别ê恩 典,16 thang tī外 邦 人ê中 间服 事基督耶稣,宣 讲上 主ê福 音,thang hō͘外 邦 人成 做上 主所 接 纳,圣 神所圣 化ê祭 物。17因为我有kah基督耶稣结 联,所以我 看服 事上 主做荣 光。18别 项tāi-chì我m̄敢讲,只有讲一 项,就是基督通 过我ê言 语kah行 为, 19用神 迹kah奇事ê能 力以及圣 神ê能 力,hō͘外 邦 人顺 服上 主。我án-ne tùi耶路撒 冷一直到Í-lī-lí-kó͘ ê地区,我ta̍k所 在去 传基督ê福 音。20我立志beh去iáu m̄-bat听tio̍h基督ê名ê所 在传 福 音,chiah bē kah别 人ê工 作重 复。21照圣 经所记载讲:M̄-bat听tio̍h他ê信息ê人会看tio̍h,M̄-bat听tio̍h他ê人会 明 白。(注:赛52:15)
保罗计画访 问罗马
22因为án-ne,我不时tú-tio̍h阻 挡,bē-tàng去lín hia。23既然tī chiah-ê地区,我 已经完 成我ê工 作,koh因为几nā年来我一直ǹg望ē-tàng去lín hia。24 Chit遍beh去西班牙ê时,我ǹg望经 过lín hia ê时ē-tàng去 看lín。Seng kah lín有几日á ê交 陪了 后,chiah hō͘ lín欢送 去西班牙。25 M̄-koh我chit-má tio̍h去耶路撒 冷,供 给hia ê信徒ê需要。26因为马其顿kah A-kai-a ê教 会,欢 喜献一笔钱来 帮 助耶路撒 冷一kóa sàn-chhiah ê信徒。27这是in欢 喜做ê tāi-chì,其实mā是in所 欠ê债。既然犹太信徒有kah外 邦 人,做伙有份tī in灵 性ê福 气,外 邦ê信徒应 该tī物 质 上kā in帮 助。28等我chit项tāi-chì办好势,将募 款ê chit笔钱交hō͘ in了 后,chiah经 过lín hia去西班牙。29我 知我去见lín hia ê时,会 将基督丰 盛ê祝 福带 去hō͘ lín。30兄弟 姊 妹ah,我对咱ê主耶稣基督,mā对圣 神ê疼,请lín尽 力kah我做伙祈求上 主,31救我脱 离犹太 地区hiah-ê m̄信ê人ê陷 害,koh hō͘我为tio̍h耶路撒 冷所做供 给ê tāi-chì,得tio̍h信徒接 纳。32 Án-ne我ē-tàng照上 主ê旨意,欢 欢 喜喜去lín hia,kah lín做伙享 受安息。33愿赏赐平 安ê上 主kah lín同 在。阿们!