《台语荒漠甘泉（汉罗版）》

 | | | 转寄

M̄-thang心内不平

作者 陈清俊 译 林俊育 汉罗翻写 2010.10.10

listen
十月初十(十月十日)

「m̄-thang...心内(sim-lāi) 不平(put-pêng)。」(诗篇(si-phian) 37：1)

我(góa) 认为(jīm-ûi) chit 句(kù) 经文(keng-bûn) kap「m̄-thang 偷(thau) the̍h」 (出埃及记(chhut-ai-ki̍p-kì) 20：15) siâng 款(khóan)，lóng 是(sī) 上帝(siōng-tè) ê 命令(bēng-lēng)。心(sim) 不平(put-pêng) 是(sī) 甚么(sím-mi̍h) 意思(ì-sù) neh? 有(ū) 人(lâng) kā 伊(i) hē 定义(tēng-gī) 讲(kóng)：「伊(i) 会(ōe) hō͘ 人(lâng) 变(piàn) 粗鲁(chho͘-ló͘)、粗(chho͘) 粗(chho͘)，将(chiong) 家己(ka-kī) kap 别人(pa̍t-lâng) 中间(tiong-kan) ê 摩擦(mô͘-chhat) 到(kàu) 损害(sún-hāi) ê 地步(tē-pō͘)。」Kiám m̄ 是(sī) mah? 一个(chi̍t-ê) ài 受气(siū-khì)，无理(bô-lí) 气(khùi) koh ài 批评(phoe-phêng) ê 人(lâng)，m̄-nā hō͘ 本身(pún-sin) 消磨(siau-mô͘) 气力(khùi-la̍t) tī 气(khùi) phut-phut ê 状态(chōng-thài)，也会(iā-ōe) hō͘ 别人(pa̍t-lâng) 真(chin) 讨厌(thó-ià) 无奈(bû-nāi)？当(tng) 人(lâng) 忧虑(iu-lū)、不平(put-pêng) ê 时(sî)，会(ōe) hō͘ 别人(pa̍t-lâng) 烦恼(hôan-ló)，无(bô) ài chhap。诗篇(si-phian) m̄-nā 是(sī) 讲(kóng)：「M̄-thang 因为(in-ūi) 做(chòe) pháiⁿ ê 人(lâng) 心内(sim-lāi) 不平(put-pêng)。」也(iā) 无(bô) hō͘ 人(lâng) 心(sim) 存(chûn) 不平(put-pêng) ê 余地(û-tē)。心(sim) 怀(hôai) 不平(put-pêng) 是(sī) 大(tōa) 有(ū) pháiⁿ 处(chhù)，上帝(siōng-tè) 无(bô) ài 咱(lán) 伤害(siong-hāi) 家己(ka-kī) á 是(sī) 别人(pa̍t-lâng)。

医生(i-seng) 会(ōe) 对(tùi) 你(lí) 讲(kóng)，发(hoat) 一(chi̍t) pái ê 脾气(phî-khì) 比(pí) 发烧(hoat-sio) tùi 身体(sin-thé) ê 损害(sún-hāi) khah 大(tōa)。经常(keng-siông) 心(sim) 怀(hôai) 不平(put-pêng) tùi 身体(sin-thé) ê 健康(kiān-khong) 绝对(cho̍at-tùi) 无(bô) 好(hó)。Tùi 心(sim) 怀(hôai) 不平(put-pêng) 发展(hoat-tián) 落去(lo̍h-khì)，就(chiū) 常常(siông-siông) 发(hoat) 脾气(phî-khì)，就是(chiū-sī) 受气(siū-khì)。愿(gōan) 咱(lán) 会(ōe) 断然(tòan-jiân) 将(chiong) 伊(i) 放离(pang-lī)，简单(kán-tan) 遵守(chun-siú)「m̄-thang 心内(sim-lāi) 不平(put-pêng)」ê 命令(bēng-lēng)。――Margaret Bottome

果园(kó-hn̂g) ê 心声(sim-siaⁿ)

青笛(chhiⁿ-tî) á 对(tùi) 雀鸟(chhek-chiáu) á 讲(kóng)，
「我(góa) ài 知(chai) chiah-ê 人类(jîn-lūi) 为甚么(ūi-sím-mi̍h) teh 猖狂(chhiong-kông)
烦恼(hôan-ló)、无闲(bô-êng)，乱乱(lōan-lōan) chông。」

雀鸟(chhek-chiáu) á 对(tùi) 青笛(chhiⁿ-tî) á 回诉(hôe-sò͘)，
「朋友(pêng-iú)，我(góa) 想(siūⁿ) 一定(it-tēng) 孤孤(ko͘-ko͘)
是(sī) 因为(in-ūi) in 无(bô) 亲像(chhin-chhiūⁿ) 咱(lán) 有(ū) 天父(thiⁿ-pē) ê 照顾(chiàu-kò͘)。」――Elizabeth Cheney


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org