有一个妇女信主了后,伊 ê 灵性进步真紧。人看伊轻轻松松就有成就,就问伊 ê 秘诀。伊 ê 回答真简单,「体会出上帝 ê 阻挡、禁止。」
真 chōe 人对上帝 ê 认识进步真慢,就是因为 bōe 晓体会 tio̍h 上帝 chit 种温柔 ê 阻挡,也就是伊对咱 ê 言行所禁 ê,真敏感用心去体会。伊用 hit-ê「微细 ê 声音」,真弱小但是不断、无停,耳孔真 oh 听见,ài 用心灵去感受。亲像清早微微 ê 风轻轻摸 tio̍h 你 ê 心一样。你若全心用心灵 ê 耳孔静静去体会,就会听起来 ná 清楚。
原来上帝 ê 声音是用有疼心 ê 耳孔去听 ê,有真正 ê 疼心,连 siōng 微细,siōng 弱小 ê 耳孔声也能听 tio̍h。总是咱若 boâi chhap 伊,无相信伊发出 ê 信息,伊疼 ê 话语就会无去。Ài 知,「上帝就是疼。」 (伊约翰 4:8)人 beh 认识上帝,听伊 ê 声音,应该不断安静来用内心 ê 耳孔,去感受 hit-ê 温柔细细 ê 接触。
所以,当你想 beh kap 别人讲话,想 beh 对伊讲 ê 是,若有感觉 tio̍h 上帝 ê 阻挡,听 tio̍h hit-ê 轻轻细细 ê 声音,就应该体会 tio̍h chit-ê 禁止,m̄-thang 讲 lah。若是你计画做甚么,表面看是清清楚楚应该做,总是 tī 灵里有一种 ê 感受,有说服力,也感觉平安,ài 你行另外一条路;应该留心听 chit-ê 微细 ê 声音,改变去行另外一条路,虽然 tùi 人 ê 智识看,chit-ê 变动是无理智,是戆 ê。
咱也应该学习 thèng 候上帝 ê 功课,明白伊 ê 心意。你心内有甚么想法,应该交付 hō͘ 上帝,hō͘ 伊一步一步来展开,来完成,千万 m̄-thang 靠家己 ê 聪明,展风神。常常上帝所做 ê kap 伊 hō͘ 你 ê 计画无 siâng,有时甚至是倒 páiⁿ 方向。上帝 ná 亲像矛盾,咱所会做 ê 指示照伊 ê 话去做,信靠伊。有时 tùi 表面看是荒唐无理。到后来咱 beh 明白「万项事相 kap 来 hō͘ 疼上帝 ê 人得 tio̍h 利益。」 (罗马 8:28) chit 句话 ê 真正意思。总是上帝 ê 计画 tī tú 开始 ê 时:
Tī 伊家己 ê 世界事,伊无挂意 lóng teh 输。
你若 ài 知上帝 ê 心意,应该无管成功 á 失败,无论成果 án-chóaⁿ,乌暗中伊 ài 你行,你就行。伊家己本身就是 hit-ê 光耀 ê 光,会照光 tī 内面。Án-ni 你 tùi 上帝 ê 智识会 tī 你心中 ná 泉水流出无停,kap上帝 ê 交往也有快速 ê 长进。Chit 种 ê 认识 kap 交通 thang 到深 ê 程度,是将你 kap 上帝契合做一个。不管你受 ê 考验是 jōa 强烈,你生活上受 ê 压力 jōa 大,上帝 lóng kap 你同在。 ――tùi 「信心之道」