《台语荒漠甘泉（汉罗版）》

 | | | 转寄

上帝ê实在

作者 陈清俊 译 林俊育 汉罗翻写 2010.09.26

listen
九月二六(九月二十六日)

「因为(in-ūi) 阮(góan) teh 行(kiâⁿ)，是(sī) tùi 信(sìn) m̄ 是(sī) tùi 所(só͘) 看(khòaⁿ)。」 (Ṳ 哥林多(ko-lîm-to) 5：7)

做(chòe) 一个(chi̍t-ê) 基督徒(ki-tok-tô͘)，咱(lán) 行(kiâⁿ) tāi-chì 是(sī) 照(chiàu) 信心(sìn-sim)，m̄ 是(sī) tùi 看见(khòaⁿ-kìⁿ) ê，上帝(siōng-tè) 永(éng) 无(bô) ài 咱(lán) 凭(pîn) 感觉(kám-kak) 来(lâi) 行事(hêng-sū) 做(chòe) 人(lâng)。Tī 咱(lán) 内面(lāi-bīn) ê 自我(chū-ngó͘) ài 咱(lán) 凭(pîn) 感觉(kám-kak)，撒旦(Sat-tàn) 也(iā) 是(sī) ài 咱(lán) 照(chiàu) 感觉(kám-kak)，但是(tān-sī) 上帝(siōng-tè) ài 咱(lán) 面对(bīn-tùi) 事实(sū-si̍t)，m̄ 是(sī) 感觉(kám-kak)。伊(i) ài 咱(lán) 面对(bīn-tùi) 基督(ki-tok)，伊(i) 为(ūi) 咱(lán) 完成(ôan-sêng) 完全(ôan-chôan) ê 工(kang)。咱(lán) 一旦(it-tàn) 面对(bīn-tùi) chiah-ê 宝贝(pó-pòe) ê 事实(sū-si̍t)，koh 相信(siong-sìn) 上帝(siōng-tè) 所(só͘) 讲(kóng) chiah-ê 事实(sū-si̍t)，伊(i) 会(ōe) 照顾(chiàu-kò͘) 咱(lán) ê 感觉(kám-kak) kap 感受(kám-siū)。

上帝(siōng-tè) m̄ bat ài 咱(lán) 用(ēng) 感觉(kám-kak) 来(lâi) 信靠(sìn-khò) 伊(i)，伊(i) 也(iā) 无(bô) hō͘ 咱(lán) 感觉(kám-kak) 讲(kóng) 咱(lán) 是(sī) 已经(í-keng) 完全(ôan-chôan) 信靠(sìn-khò) 伊(i)。当(tng) 伊(i) 看(khòaⁿ) 咱(lán) ê 信靠(sìn-khò) m̄ 是(sī) 照(chiàu) 感觉(kám-kak)，chiah 会(ōe) hō͘ 咱(lán) 有(ū) 感觉(kám-kak)，hit 时(sî)，咱(lán) ê 信靠(sìn-khò) 是(sī) 信靠(sìn-khò) 伊(i) ê 话(ōe)，信靠(sìn-khò) 遵守(chun-siú) 伊(i) ê 应允(èng-ún)。Chiah-ê 伊(i) 所(só͘) 赐(sù) ê 感觉(kám-kak) 只有(chí-ū) tī 伊(i) ê 疼(thiàⁿ) tùi 个(ê) 别(pa̍t) ê 状况(chōng-hóng) siōng 有利(iú-lī) ê 时(sî) chiah 赏赐(siúⁿ-sù)。

所以(só͘-í) 咱(lán) 面对(bīn-tùi) 感觉(kám-kak) kap 面对(bīn-tùi) 上帝(siōng-tè) ê 实在(si̍t-chāi) 之(chi) 间(kan) ê 选择(sóan-te̍k)，咱(lán) ê 感觉(kám-kak) thang 讲(kóng) 是(sī) 亲像(chhin-chhiūⁿ) 海洋(hái-iûⁿ)，流沙(liû-soa) hiah-nih 无(bô) 可靠(khó-khò)，不时(put-sî) teh 变化(piàn-hòa)，但是(tān-sī) 上帝(siōng-tè) ê 实在(si̍t-chāi) 亲像(chhin-chhiūⁿ) 万古(bān-kó͘) 石磐(chio̍h-pôaⁿ) hiah-nih 可靠(khó-khò)，「耶稣(Iâ-so͘) 基督(ki-tok)，昨日(cha-ji̍t) 今(kin) á 日(ji̍t) 同(tâng) 一样(chi̍t-iūⁿ)，直到(ti̍t-kàu) 代(tāi) 代(tāi)。」 (希伯来(hi-pek-lâi) 13：8)

乌暗(o͘-àm) 遮(jia) 伊(i) 疼痛(thiàⁿ-thàng) ê 面(bīn)，
我(góa) tī 伊(i) bōe 变(piàn) ê 恩典(un-tián) 安眠(an-bîn)，
每(múi) pái 暴风(po̍k-hong) 大(tōa) 雨(hō͘) 冲(chhiong) 紧紧(kín-kín)，
我(góa) thang 安稳(an-ún) 歇(hioh) tī 伊(i) 内面(lāi-bīn)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org