《台语荒漠甘泉（汉罗版）》

 | | | 转寄

主对你ê计画

作者 陈清俊 译 林俊育 汉罗翻写 2010.07.25

listen
七月二五(七月二十五日)

「我(góa) 所(só͘) 做(chòe) ê，你(lí) 现今(hiān-kim) m̄ 知(chai)，后来(āu-lâi) 就(chiū) 会晓(ōe-hiáu) 得(tit)。」 (约翰(iok-hān) 13:7)

Tī 现世(hiān-sè)，咱(lán) 看(khòaⁿ) 上帝(siōng-tè) ê 作为(chok-ûi)，只有(chí-ū) 片面(phiàn-bīn)，无(bô) 完全(ôan-chôan)，所(só͘) 见(kìⁿ) tio̍h ê 只是(chí-sī) 一部分(chi̍t-pō͘-hūn)，á 是(sī) iáu 无(bô) 全然(chôan-jiân) 展出(tián-chhut) ê 现象(hiān-siōng)。总是(chóng-sī) 当(tng) 咱(lán) khiā tī 荣华(êng-hôa) 永远(éng-óan) ê 圣殿(sèng-tiān) 前(chêng)，咱(lán) 就(chiū) 会(ōe) 看(khòaⁿ) tio̍h 全景(chôan-kéng)，看(khòaⁿ) tio̍h 每(múi) 一项(chi̍t-hāng) 事(sū) án-chóaⁿ 奇妙(kî-biāu) 结合做(kiat-ha̍p-chòe) 一体(chi̍t-thé)。

咱(lán) thang 想像(sióng-siōng) tī 以色列(í-sek-lia̍t) 王(ông) 所罗门(só͘-lô-mn̂g) ê 时(sî)，黎巴嫩(lî-pa-lùn) ê 众(chèng) 山(soaⁿ)，你(lí) thang 看(khòaⁿ) tio̍h 一片(chi̍t-phiàn) 大(tōa) 丛(châng) 高高(kôaiⁿ-kôaiⁿ) ê 香柏树(hiong-phek-chhiū)。In thang 真(chin) 骄傲(kiau-ngō͘)，因为(in-ūi) bat 经历(keng-le̍k) 过(kè) 真(chin) chōe pái 寒冷(hân-léng) 北风(pak-hong) ê 扫(sàu)，热天(jo̍ah-thiⁿ) 太阳(thài-iông) ê 曝(pha̍k)，暗暝(àm-mî) 露水(lō͘-chúi) ê 湿(sip)。有(ū) 鸟(chiáu) á 造(chō) siū tī in ê 枝桠(ki-oe)，有(ū) 厌倦(ià-siān) ê 旅客(lí-kheh) kap 迁徙(chhian-sóa) ê 顾羊(kò͘-iûⁿ) 人(lâng) 歇(hioh) tī in ê 荫影(ìm-ńg) 下(ē)，来(lâi) 闪(siám) bih 炎热(iām-jia̍t) ê 日头(ji̍t-thâu)，强烈(kiông-lia̍t) ê 暴风雨(pō-hong-ú)。Siáng 知(chai)，忽然间(hut-jiân-kan) chiah-ê 大(tōa) 丛(châng) ê 柏香树(pek-hiuⁿ-chhiū) tī chhò 材(chhâ) 人(lâng) ê 斧头(pó͘-thâu) 下(ē)，lóng 倒(tó) 落去(lo̍h-khì)！

咱(lán) 看(khòaⁿ) 斧头(pó͘-thâu) tùi 柏香树(pek-hiuⁿ-chhiū) phut 头(thâu) 下(ē) 所(só͘) 产生(sán-seng) ê 伤痕(siong-hûn)，koh 将(chiong) 所有(só͘-ū) 枝桠(ki-oe) lóng 总(chóng) 削(siah) 去(khì)，到(kàu) kui 丛(châng) 树(chhiū) 大声(tōa-siaⁿ) 哀(ai) 一下(chi̍t-ē) 倒(tó) 落去(lo̍h-khì) tī 土脚(thô͘-kha)。咱(lán) beh 抗议(khòng-gī) chiah-ê 树(chhiū) 受(siū) chhò，受(siū) 剿灭(châu-bia̍t)，大自然(tāi-chū-jiân) 受(siū) 破坏(phò-hōai) 表示(piáu-sī) 愤慨(hùn-khài)。咱(lán) beh 亲像(chhin-chhiūⁿ) 先知(sian-ti) 撒迦利亚(sat-ka-lī-a) án-ni 讲(kóng)：「松树(siông-chhiū) ah，lín tio̍h 哮(háu)，因为(in-ūi) 柏香树(pek-hiuⁿ-chhiū) 已经(í-keng) 倒(tó)！」 (撒迦利亚(sat-ka-lī-a) 11:2)咱(lán) ná 亲像(chhin-chhiūⁿ) ài 请(chhiáⁿ) khah 细(sòe) 丛(châng) ê 树(chhiū) 表示(piáu-sī) 同情(tông-chêng)，请(chhiáⁿ) 无(bô) 活命(o̍ah-miā) ê 物(mi̍h) 也(iā) 表示(piáu-sī) 怨恨(òan-hūn) chit 种(chióng) 行为(hêng-ûi)。

咱(lán) 无(bô) 应该(eng-kai) chiah 紧(kín) 就(chiū) 出(chhut) 怨言(òan-giân)，是(sī) 应该(eng-kai) tī「Chhui-lô 往(óng) Hō͘-lân」ê 工人(kang-lâng) 将(chiong) 树(chhiū) 运(ūn) 落山(lo̍h-soaⁿ)，kap chiah-ê 树(chhiū) 去(khì) 看(khòaⁿ) māi。经过(keng-kòe) 地中海(tē-tiong-hái) 船(chûn) ê 运送(ūn-sàng)，最后(chòe-āu) tī 上帝(siōng-tè) ê 圣殿(sèng-tiān) 中(tiong) 成做(chiâⁿ-chòe) 光光(kng-kng) 滑滑(ku̍t-ku̍t) 光辉(kong-hui) ê 大梁(tōa-niû)。当(tng) 你(lí) 想(siūⁿ) tio̍h chit 丛(châng) 树(chhiū) ê 最后(chòe-āu) ê 去处(khì-chhù)，看(khòaⁿ) tio̍h 伊(i) 成做(chiâⁿ-chòe) 至圣所(chì-sèng-só͘) 全能(chôan-lêng) 君王(kun-ông) 王帽(ông-bō) ê 一(chi̍t) 粒(lia̍p) 宝石(pó-chio̍h)，你(lí) iáu 会(ōe) tùi 心(sim) 中(tiong) 讲(kóng) chit-ê「黎巴嫩(lî-pa-lùn) 王帽(ông-bō) ê 宝石(pó-chio̍h)」树(chhiū) hông chhò 落来(lo̍h-lâi)，运搬(ūn-poaⁿ)，khǹg tī 尊贵(chun-kùi) ê 所在(só͘-chāi) 来(lâi) 出(chhut) 怨言(òan-giân)mah?Chit-ê 柏香树(pek-hiuⁿ-chhiū) bat 庄严(chong-giâm) khiā tī 大自然(tāi-chū-jiân) ê 殿堂(tiān-tn̂g) 里(nih)，总是(chóng-sī)「Chit 间(keng) 殿(tiān) 后来(āu-lâi) ê 荣光(êng-kng)，beh 赢过(iâⁿ-kè) 前(chêng) ê 荣光(êng-kng)。」(哈该(hap-kai) 2:9)

有(ū) 真(chin) chōe 人(lâng) 亲像(chhin-chhiūⁿ) 老(lāu) ê 柏香树(pek-hiuⁿ-chhiū)，上帝(siōng-tè) 试炼(chhì-liān) ê 斧头(pó͘-thâu) kā in 削(siah) 到(kàu) 光光光(kng-kng-kng)，咱(lán) bōe-thang 明白(bêng-pe̍k) 为何(ūi-hô) 需要(su-iàu) 受(siū) chiah 大(tōa) chiah 困苦(khùn-khó͘) ê 情境(chêng-kéng)，但是(tān-sī) 上帝(siōng-tè) 心(sim) 中(tiong) 有(ū) 高尚(ko-siōng) ê 目标(bo̍k-piau) kap 目的(bo̍k-tek)，就是(chiū-sī) beh hō͘ in khiā tī 天里(thiⁿ-nih) ê 锡安(sek-an) 山(soaⁿ) 做(chòe) 永远(éng-óan) ê 大(tōa) 柱(thiāu) kap 大(tōa) kông。伊(i) 对(tùi) in 讲(kóng)：「你(lí) beh tī 耶和华(iâ-hô-hoa) ê 手(chhiú) 中(tiong) 做(chòe) súi ê 王帽(ông-bō)，tī 你(lí) ê 上帝(siōng-tè) ê 手掌(chhiú-chiúⁿ) 做(chòe) 冕旒(bián-liû)。」(以赛亚(í-sài-a) 62:3) ――J. R. Macduff

无(bô) 求(kiû) 去(khì) 了解(liáu-kái)，去(khì) 明白(bêng-pe̍k) 我(góa) ê 十字架(si̍p-jī-kè)，
Khah 好(hó)，tī 乌暗中(o͘-àm-tiong) 有(ū) 你(lí) thang 摸(bong) tio̍h koh 跟(kun) tè。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org