「因为耶和华 ê 目睭 tī 全地看来看去;见若专心 ǹg 伊 ê,伊 beh 显明伊 ê 大气力帮赞伊。」 (历代志录下 16:9)
上帝 chhē 求 hiah-ê 心坚定 ǹg 伊 ê 男女,in 将一切信任伊,伊也热切 ài in 做 khah 大 ê tāi-chì。历史 ê 时钟已经 tī 十一点钟,最后 ê 时 chūn lah。
全世界 teh 看上帝 beh 将 hiah-ê 交托性命 hō͘ 伊 ê 人做甚么。M̄-nā 全世界,连上帝本身也 teh 等甚么人 siōng 完全将家己献 hō͘ 伊,甘心放 sat 一切,hō͘ 基督成做一切,完全照上帝 ê 旨意行事,能接受基督 ê 谦卑、信心、疼心 kap 力量,bōe 阻碍 tio̍h 上帝 ê 计画,永远 hō͘ 伊继续做伊奇妙 ê 工作。――C. H. P.
你若无求家己 ê 荣光,上帝通过你所做 ê 事是无限量 ê。
Mí-lá Jio-jí (George Mueller) tī 九十 gōa 岁 ê 时,tùi 一阵牧师 kap 基督徒工作者讲:「我是 tī 1825 年 11 月信主,但是到 1829 年 7 月我 chiah 完全将我 ê 心交托伊。到 hit 时,我 chiah 知,我 ài 名利、权势,kap 世间一切享乐 ê 心完全无去,上帝成做我 ê 一切。Tī 伊 ê 内面我有一切我所需要ê,我无其他 ê 愿望。靠 tio̍h 伊 ê 恩典,我明白 koh 得 tio̍h 伊 ê 充足,直到现在,hō͘ 我成做真正幸福 ê 人,我所关心 ê 只是上帝 ê 事。亲爱 ê 信徒朋友,我问 lín 是 m̄ 是将本身完全交托上帝,á 是,你 ê 性命中,无 chhap 上帝对你 ê 呼召,是 m̄ 是 iáu 有甚么物 m̄ 肯放,á 是交出来 ê mah?
Tī 我 iáu-bōe 交出性命 ê 以前,我看真 chōe 其他 ê 册,反 tńg 圣经看 khah 少。但是 tùi hit tiap 起,伊藉 tio̍h 圣经 hō͘ 我明白伊 ê 真理,hō͘ 我有讲 bōe 出 ê 福份。我现在诚实 tùi 内心讲出来,上帝是无限奇妙 ê 神!」
「请你定 tio̍h 决心,若无 tùi 心灵 siōng 深 ê 所在讲出,『上帝是无限奇妙 ê 神』,就 m̄ 放soah。」
我今 á 日 ê 祈祷是求上帝 hō͘ 我成做一个特别 ê 基督徒。――George Whitefield