《台语荒漠甘泉（汉罗版）》

 | | | 转寄

献o-ló ê歌声

作者 陈清俊 译 林俊育 汉罗翻写 2010.02.28

listen 二月二八(二月二十八日)

「所以(só͘-í) tio̍h 对(tuì) 耶稣(Iâ-so͘) 常常(siông-siông) 用(ēng) o-ló 做(choè) 祭(chè)，献(hiàn) hō͘ 上帝(siōng-tè)；」(希伯来13:15)

Tī 贫民(pîn-bîn) 窟(khut) 工作(kang-chok) ê 传道师(thoân-tō-su)，行(kiâⁿ) 入(ji̍p) 去(khì) 一(chi̍t) 栋(tòng) 公寓(kong-gū) 乌乌(o͘-o͘) 暗暗(àm-àm) ê 巷路(hāng-lō͘)，听(thiaⁿ) tio̍h 有(ū) 声(siaⁿ) 问(mn̄g) 讲(kóng)：「是(sī) 甚么(sím-mi̍h) 人(lâng) ah?」伊(i) 用(ēng) 番(hoan) á 火(hé) 点(tiám) to̍h,目睭(ba̍k-chiu) 前(chêng)，看(khoàⁿ) 是(sī) 属世(sio̍k-sè) ê 缺乏(khiàm-kheh) kap 苦难(khó͘-lān)，有(ū) 带(toà) tio̍h 圣人(sèng-jîn) tek ê 信靠(sìn-khò) kap 安宁(an-lêng) ê 气质(khì-chit)，看见(khoàⁿ-kìⁿ) 一个(chi̍t-ê) 满面(moá-bīn) 皱(jiâu) phè-phè ê 面容(bīn-iông)，有(ū) 一(chi̍t) 对(tuì) 坚定(kian-tēng)、吸引(khip-ín) 人(lâng) ê 目睭(ba̍k-chiu)，亲像(chin-chhiūⁿ) 乌(o͘) ê 木料(bo̍k-liāu) 所(só͘) 刻(khek) ê hiah-ni̍h 金(kim) 滑(ku̍t) koh 发(hoat) 光彩(kong-chhái)。这(che) 是(sī) tī 二(jī) 月(ge̍h) 寒冷(hân-léng) ê 暗时(àm-sî)，伊(i) 倒(tó) tī 一(chi̍t) 顶(téng) 破破(phoà-phoà) ê 眠床(bîn-chhn̂g)，无(bô) 火炉(hé-lô͘)，无(bô) 烧气(sio-khì)，也(iā) 无(bô) 电火(tiān-hé)。伊(i) 无(bô) 食(chia̍h) 早餐(chá-chhan)、中昼(tiong-tàu) kap 暗顿(àm-tǹg)。Ná 亲像(chhin-chhiūⁿ) 啥(siáⁿ) 物(mi̍h) mā 无(bô)，只有(chí-ū) 风湿病(hong-sip-pīⁿ) kap 伊(i) 对(tuì) 上帝(siōng-tè) ê 信心(sìn-sim)。舒适(su-sek) ê 环境(khoân-kéng) 离(lī) 伊(i) 真(chin) 远(hn̄g)，总是(chóng-sī) 下(ē) 面(bīn) 是(sī) 伊(i) 所(só͘) 唱(chhiùⁿ) 出(chhut) ê 歌(koa) 声(siaⁿ)：

无(bô) 人(lâng) 知(chai) 我(goá) ê 痛苦(thòng-khó͘)，
无(bô) 人(lâng) 知(chai)，除了(tû-liáu) 主(Chú) 耶稣(Iâ-so͘);
无(bô) 人(lâng) 知(chai) 我(goá) ê 苦楚(khó͘-chhó͘)，
吟(gîm) 荣耀(êng-iāu) Ha-lé-lú!

有时(ū-sî) 起(khí)，有时(ū-sî) 落(lo̍h)，
有时(ū-sî) tī 土脚(thô͘-kha) 倒(tó)，
有时(ū-sî) 出(chhut) 声(siaⁿ) o-ló,
吟(gîm) 荣耀(êng-iāu) Ha-lé-lú!

继续(kè-sio̍k) 唱(chhiùⁿ) 落去(lo̍h-khì)，「无(bô) 人(lâng) 知(chai) 我(goá) 所(só͘) 做(choè) ê 工(kang)，无(bô) 人(lâng) 知(chai) 我(goá) 所(só͘) tú-tio̍h ê 艰难(kan-lân)，」lóng soah siōng 尾(bé) 句(kù)，「吟(gîm) 荣耀(êng-iāu) Ha-lé-lú!」直到(ti̍t-kàu) 最后(choè-āu) 一节(chi̍t-chat) 是(sī) án-ni:

无(bô) 人(lâng) 知(chai) 我(goá) 真(chin) 喜乐(hí-lo̍k)，
无(bô) 人(lâng) 知(chai)，除了(tû-liáu) 主(Chú) 耶稣(Iâ-so͘)!

「阮(goán) 凡事(hoân-sū) 受(siū) 患难(hoān-lān)，若是(nā-sī) 无(bô) 困迫(khùn-pek)、为难(uî-lân)，也(iā) 无(bô) 失望(sit-bōng)；tú-tio̍h 窘逐(khún-tio̍k)，也(iā) 无(bô) 受(siū) 放(pàng) sak;受(siū) phah 倒(tó)，也(iā) 无(bô) 死(sí) 无(bô)；」(哥林多后书4:8，9) Chit-ê 经文(keng-bûn) chiah 会(oē) thang 说明(soat-bêng) chit 位(uī) 老(lāu) 乌(o͘) 妇人(hū-jîn) ê 喜乐(hí-lo̍k)。
你(lí) kiám 知(chai) 路德(Lō͘-tek) 马丁(Má-teng)(Martin Luther) beh 死(sí) ê 时(sî) 所(só͘) 传(thoân) ê 信息(sìn-sit)：「今生(kim-seng) ê 痛苦(thòng-khó͘) kap 难处(lân-chhù) ná 亲像(chhin-chhiūⁿ) 活字版(oa̍h-jī-pán)，人(lâng) 看(khoàⁿ) 是(sī) tó-páiⁿ 排(pâi) ê,看(khoàⁿ) bōe 出(chhut) 伊(i) ê 意思(ì-sù)，lóng 无(bô) 意义(ì-gī)。总是(chóng-sī) 上帝(siōng-tè) 将(chiong) 咱(lán) ê 来世(lâi-sè) tùi 活字版(oa̍h-jī-pán) 印(ìn) 出来(chhut-lâi) ê 时(sî)，却(khiok) 变做(pìⁿ-choè) 真(chin) súi ê 文章(bûn-chiuⁿ)。咱(lán) 也(iā) m̄ 免(bián) 等到(tán-kàu) hit 时(sî) chiah 会(oē) 知(chai)，亲像(chhin-chhiūⁿ) 使徒(sù-tô͘) 保罗(Pó-lô) tī 海(hái) 上(siōng) tú-tio̍h 危险(guî-hiám)，伊(i) 行(kiâⁿ) 到(kàu) 甲板(kah-pán) 顶(téng) 对(tuì) 水手(chuí-siú) 讲(kóng)：「我(goá) 劝(khǹg) lín 安心(an-sim)；」(使徒行传27:22)保罗(Pó-lô)、路德(Lō͘-tek) 马丁(Má-teng)，也(iā) 有(ū) chit-ê 老(lāu) 妇人(hū-jîn)，lóng 亲像(chhin-chhiūⁿ) 人间(jîn-kan) ê 太阳花(thài-iông-hoe)，tī 充满(chhiong-moá) 乌暗(o͘-àm) ê 世界(sè-kài) 中(tiong)，会(oē) chhē 求(kiû) 并(pēng) 看见(khoàⁿ-kìⁿ) hit-ê 大(toā) 光(kng)，就(chiū) 是(sī) 基督(ki-tok)。――William C. Garnett


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com