《台语荒漠甘泉（汉罗版）》

 | | | 转寄

信靠天父

作者 陈清俊 译 林俊育 汉罗翻写 2010.03.07

listen 三月初七(三月七日)

「阮(goán)....凡事(hoân-sū) tú-tio̍h 患难(hoān-lān)，」(哥林多后书7:5)

为(uī) 什么(sím-mih) 上帝(siōng-tè) chhōa 咱(lán) ê 路(lō͘)，lóng 是(sī) 有(ū) 不断(put-toān) ê 大(toā) 压力(ap-le̍k) tī 咱(lán) 身上(sin-chiūⁿ)？伊(i) ê 用意(iōng-ì) 是(sī) ài 咱(lán) 明白(bêng-pe̍k)，chit-ê 情形(chêng-hêng) 比(pí) 无(bô) tú-tio̍h 困难(khùn-lân) á 是(sī) 试炼(chhì-liān)，koh-khah 有效(ū-hāu) 来(lâi) 彰显(chiong-hián) 上帝(siōng-tè) 完全(oân-choân) 充足(chhiong-chiok) ê 能力(lêng-le̍k) kap 恩典(un-tián)。「若是(nā-sī) 阮(goán) 有(ū) chit 号(hō) 宝贝(pó-poè) khǹg tī 土(thô͘) ê 器具(khì-kū)，是(sī) beh hō͘ 极(ke̍k) 大(toā) ê 权能(koân-lêng) 做(choè) 上帝(siōng-tè) ê,m̄ 是(sī) 出(chhut) tī 阮(goán)。」(哥林多后书4:7)

另外(lēng-goā) 一个(chi̍t-ê) 用意(iōng-ì)，是(sī) ài 咱(lán) 警觉(kéng-kak) tio̍h 咱(lán) 时时(sî-sî) 需要(su-iàu) 伊(i)。上帝(siōng-tè) 不断(put-toān) teh 教示(kà-sī) 咱(lán) 如何(jû-hô) óa 靠(khò) 伊(i)。咱(lán) 完完(ôan-ôan) 全全(chôan-chôan) 受(siū) 牵(khan) tī 伊(i) ê 手(chhiú)，óa 靠(khò) tī 伊(i) ê 照顾(chiàu-kò͘) 下(ē)。
这(che) 正是(chiàⁿ-sī) 耶稣(Iâ-so͘) ê 立场(li̍p-tiûⁿ)，伊(i) 也(iā) ài 咱(lán) án-ni。咱(lán) ài 常常(siông-siông) óa 靠(khò) 伊(i)，无(bô) 靠(khò) 家己(ka-kī) ê 能力(lêng-le̍k)。咱(lán) óa 靠(khò) 伊(i) ê 表现(piáu-hiān)，ài 做(choè) 到(kàu) 咱(lán) 连(liân) 家己(ka-kī) mā m̄ 敢(káⁿ) 靠(khò) 家己(ka-kī) 踏(ta̍h) 一步(chi̍t-pō͘) 出去(chhut-khì)。Án-ni 教示(kà-sī) 咱(lán) 信靠(sìn-khò) 伊(i)，koh-khah 完全(oân-choân)。

除了(tû-liáu) 经历(keng-le̍k) 试炼(chhì-liān)、受(siū) 患难(hoān-lān)，无(bô) 有(ū) 其他(kî-tha) ê 方法(hong-hoat) 来(lâi) 学习(ha̍k-si̍p) 信心(sìn-sim)。试炼(chhì-liān) á 是(sī) 受(siū) 患难(hoān-lān) 是(sī) 天父(Thiⁿ-pē) 所(só͘) 设(siat) ê 信心(sìn-sim) 学校(ha̍k-hāu)。Tī 试炼(chhì-liān) 中(tiong) 学习(ha̍k-si̍p) 信心(sìn-sim) 比(pí) tī 安逸(an-ia̍t) 中(tiong) 学习(ha̍k-si̍p) khah 好(hó)、khah-chōe。一旦(it-tàn) 咱(lán) 学(o̍h) tio̍h 信心(sìn-sim) ê 功课(kong-khò)，咱(lán) 就(chiū) 永远(éng-oán) 得(tit) tio̍h 伊(i)，是(sī) 得(tit) tio̍h 永远(éng-oán) ê 财富(châi-hù)。人(lâng) 若(nā) 无(bô) 信靠(sìn-khò) 天父(Thiⁿ-pē)，虽然(sui-jiân) tī 地(toē) 里(nih) 有(ū) 极(ke̍k) 大(toā) 财产(châi-sán)，也(iā) 是(sī) teh 感觉(kám-kak) sàn-chhiah。―― tùi 「Tī 地(toē) ná tī 天(thiⁿ)」

为何(uī-hô) 我(goá) teh 哭(khàu)，别人(pa̍t-lâng) teh 唱歌(chhiùⁿ-koa)？
Beh 体验(thé-giām) 受苦(siū-khó͘) ê 深(chhim) kap 大(toā)。
为何(uī-hô) 人(lâng) teh 歇困(hioh-khùn)，我(goá) teh 工作(kang-chok)？
Beh 有(ū) 上帝(siōng-tè) 所(só͘) 赐(sù) 能力(lêng-le̍k) ê 幸福(hēng-hok)。
为何(uī-hô) 人(lâng) teh 得(tit) tio̍h,我(goá) teh 损失(sún-sit)?
Beh ài 知(chai) 失败(sit-pāi)、痛苦(thòng-khó͘) ê 实质(si̍t-chit)。
为何(uī-hô) 我(goá) ê 运命(ūn-miā) 无(bô) 你(lí) hiah 好(hó)？
因为(in-uī) 上帝(siōng-tè) 计画(kè-oē) 我(goá) 有(ū) 永远(éng-oán) ê 成果(sêng-kó)。
――(冬天(tang-thiⁿ) 风雪(hong-seh) 中(tiong) 细(soè) 只(chiah) 鸟(chiáu) á 歌(koa))


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com