《台语荒漠甘泉（汉罗版）》

 | | | 转寄

Thèng候

作者 陈清俊 译 林俊育 汉罗翻写 2009.11.01

listen
十一月初一(十一月一日)
「云(hûn) tī 会幕顶(hoē-bō͘-téng) 停(thêng)...以色列(Í-sek-lia̍t) 人(lâng) 就(chiū)...无(bô) 起身(khí-sin)。」 (民数记9：19)

这(che) 是(sī) 顺服(sūn-ho̍k) 上帝(siōng-tè) ê 最高(choè-ko) 考验(khó-giām)，云(hûn) 若(nā) 渐渐(chiām-chiām) 卷起来(kńg-khí-lâi) tī 会幕(hoē-bō͘) ê 顶面(téng-bīn)，以色列(Í-sek-lia̍t) 人(lâng) 就(chiū) 收拾(siu-si̍p) 帐房(tiùⁿ-pâng) 开始(khai-sí) 向前(hiòng-chêng) 行(kiâⁿ)。有(ū) 改变(kái-piàn)，有(ū) 变化(piàn-hoà)，hō͘ 人(lâng) 心神(sim-sîn) 兴奋(heng-hùn)，沿路(iân-lō͘) 看(khoàⁿ) 无(bô) siâng ê 风景(hong-kéng)，koh tī 无(bô) siâng 所在(só͘-chāi) 扎营(chat-iâⁿ)，一切(it-chhè) lóng 是(sī) 欢喜(hoaⁿ-hí) ê。

总是(chóng-sī) 一直(it-ti̍t) teh thèng 候(hāu) 无(bô) 起行(khí-kiâⁿ)，就(chiū) 无(bô) siâng 款(khoán) ê 心情(sim-chêng)。「当(tng) 云(hûn) 停(thêng) teh，」不管(put-koán) 扎营(chat-iâⁿ) ê 所在(só͘-chāi) 无(bô) 好势(hó-sè)，jōa-chiâⁿ 热(joa̍h)，不管(put-koán) 危险(guî-hiám) tī 四周围(sì-chiu-uî)，in 无(bô) 别项(pa̍t-hāng) 选择(soán-te̍k)，只有(chí-ū) 停(thêng) teh 无(bô) 移动(î-tōng)。

诗篇(si-phian) án-ni 讲(kóng)：「我(goá) bat 吞忍(thun-lún) thèng 候(hāu) 耶和华(Iâ-hô-hoa)，伊(i) àⁿ 落(lo̍h) ǹg 我(goá)，听(thiaⁿ) 我(goá) ê 求(kiû) 叫(kiò)。」 (诗篇40：1)上帝(siōng-tè) 怎样(cháiⁿ-iūⁿ) 对待(tuì-thāi) 旧约(kū-iok) 时代(sî-tāi) ê 圣徒(sèng-tô͘)，伊(i) 也(iā) siâng 款(khoán) án-ni 对待(tuì-thāi) 历代(le̍k-tāi) ê 信徒(sìn-tô͘)，总是(chóng-sī) 伊(i) 常常(siông-siông) ài 咱(lán) thèng 候(hāu)。当(tng) 咱(lán) tī 对敌(tuì-te̍k) 面对面(bīn-tuì-bīn) ê 头前(thâu-chêng)，tī 危险(guî-hiám) kap 惊惶(kiaⁿ-hiâⁿ) 所(só͘) 包围(pau-uî) ê 时(sî)，tī 无(bô) 坚固(kian-kò͘) ê 石磐(chio̍h-poâⁿ) 下(ē)，咱(lán) kiám iáu beh thèng 候(hāu)？这(che) kiám m̄ 是(sī) 咱(lán) ài 紧紧(kín-kín) 收拾(siu-si̍p) 行李(hêng-lí)，帐房(tiùⁿ-pâng) 离开(lī-khui) ê 时(sî) mah？咱(lán) kiám iáu-bōe 达到(ta̍t-kàu) 全然(choân-jiân) 倒(tó) 落去(lo̍h-khì) ê 地步(tē-pō͘) mah？咱(lán) kiám bōe-thang 脱离(thoat-lî) 汗(koāⁿ) 流(lâu) 满面(moá-bīn) ê 热(joa̍h)，进(chìn) 到(kàu)「青翠(chhiⁿ-chhuì) ê 草埔(chháu-po͘)...Thang 安歇(an-hioh) ê 水边(chuí-piⁿ)」mah？ (诗篇23：2)

上帝(siōng-tè) 无(bô) 讲话(kóng-oē)，静静(chēng-chēng)，「云(hûn) 停(thêng) tī 会幕顶(hoē-bō͘-téng)」，咱(lán) 必须(pit-su) thèng 候(hāu)。咱(lán) thèng 候(hāu)，因为(in-uī) 咱(lán) thang 肯定(khéng-tēng) 上帝(siōng-tè) 会(oē) 供应(kiòng-èng) má-ná，kap tùi 石磐(chio̍h-poâⁿ) 流(lâu) 出(chhut) ê 水(chuí)，伊(i) 会(oē) 遮(jia) chah 保护(pó-hō͘) 咱(lán) 无(bô) 受(siū) 对敌(tuì-te̍k) ê 攻击(kong-kek)。上帝(siōng-tè) hē 咱(lán) tī 现在(hiān-chāi) ê 位置(uī-tì)，一定(it-tēng) 保证(pó-chèng) 伊(i) ê 同在(tông-chāi)，koh 供应(kiòng-èng) 咱(lán) 日常(ji̍t-siông) ê 需要(su-iàu)。

少年人(siàu-liân-lâng) ah，ài thèng 候(hāu)，m̄-thang 猖狂(chhiong-kông)，乱乱(loān-loān) 改拜(kái-pài)。牧者(bo̍k-chiá) ah，khiā tī 你(lí) ê 工位(kang-uī)，直到(ti̍t-kàu) 云柱(hûn-thiāu) 清楚(chheng-chhó) 开始(khai-sí) 移动(î-tōng)。Thèng 候(hāu) 主(chú) hō͘ 你(lí) 伊(i) ê 快乐(khoài-lo̍k)！伊(i) bōe siuⁿ 慢(bān)！ ――tùi 《每日灵修》

一点钟(chi̍t-tiám-cheng) ê thèng 候(hāu) 是(sī) 需要(su-iàu) 应该(eng-kai)，
Beh 达到(ta̍t-kàu) siōng 高(koâiⁿ) ê 所在(só͘-chāi)！
我(goá) 渴望(khat-bō͘) 到(kàu) hia，总是(chóng-sī) koh-khah 渴望(khat-bō͘) 照(chiàu) 伊(i) ê 安排(an-pâi)！

我(goá) ê kiáⁿ ah，静静(chēng-chēng) khiā，
Thèng 候(hāu) 疑心(gî-sim) 惊惶(kiaⁿ-hiâⁿ) ê 人(lâng) 凋谢(tiau-siā)，
我(goá) 渴望(khat-bō͘) 到(kàu) hia，总是(chóng-sī) koh-khah 渴望(khat-bō͘) 信靠(sìn-khò) 伊(i) 来(lâi) 行(kiâⁿ)！

接受(chiap-siū) 是(sī) 好(hó)，付出(hù-chhut) 也(iā) 是(sī) 好意(hó-ì)，
Koh-khah 好(hó) ê 是(sī)
无论(bô-lūn) tī 远近(hn̄g-kūn)，高山(koâiⁿ-soaⁿ) 深渊(chhim-ian)，信靠(sìn-khò) 伊(i) ê 指示(chí-sī)！


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com