《台语荒漠甘泉（汉罗版）》

 | | | 转寄

苦杯

作者 陈清俊 译 林俊育 汉罗翻写 2009.07.19

listen
七月十九(七月十九日)
父(Pē) 所(só͘) hō͘ 我(goá) ê 杯(poe)，我(goá) kiám 无(bô) beh lim mah？] (约翰18:11)

「Lim 父(pē) 所(só͘) hō͘ 我(goá) ê 杯(poe)」比(pí) hō͘ 风涌(hong-éng) 平静(pêng-chēng)，比(pí) hō͘ 死人(sí-lâng) koh 活(oa̍h) koh-khah 大(toā) ê 事(sū)。先知(Sian-ti)、使徒(sù-tô͘) 能(oē) 行(kiâⁿ) 神迹(sîn-jiah)，总是(chóng-sī) in 并(pēng) 无(bô) 常常(siông-siông) 照(chiàu) 上帝(Siōng-tè) ê 旨意(chí-ì) 行(kiâⁿ)，去(khì) 承受(sêng-siū) 苦难(khó͘-lān)。照(Chiàu) 上帝(siōng-tè) ê 旨意(chí-ì) 做(chò)，甘心(kam-sim) 受苦(siū-khó͘)，是(sī) 信心(sìn-sim) siōng 高峰(ko-hong)，基督徒(Ki-tok-tô͘) siōng 荣光(êng-kng) ê 成就(sêng-chiū)。

少年(Siàu-liân) 时代(sî-tāi) ê 大(toā) 志气(chì-khì) 已经(í-keng) 破碎(phoà-chhuì)，日日(ji̍t-ji̍t) 受(siū) 重担(tāng-tàⁿ) teh，lóng 无(bô) 歇(hioh) 喘(chhoán) ê 时(sî) chūn，虽然(sui-jiân) 有(ū) 心(sim) ǹg 望(bāng) 对(tuì) 别人(pa̍t-lâng) 做(chò) 好事(hó-sū)，为(uī) 所(só͘) 疼(thiàⁿ) ê 人(lâng) hō͘ in 有(ū) 好日子(hó-ji̍t-chí) 过(koè)，但是(tān-sī) 本身(pún-sin) hō͘ 贫困(pîn-khùn) 交缠(kau-tîⁿ)，身体(sin-thé) hō͘ 病痛(pīⁿ-thiàⁿ) 所(só͘) 缚(pa̍k)，完全(oân-choân) 孤单(ko͘-toaⁿ)，kap 所(só͘) 疼(thiàⁿ) ê 人(lâng) 分离(hun-lī)，单独(tan-to̍k) 面对(bīn-tuì) 性命(sìⁿ-miā) ê 打击(tá-kek)。虽然(Sui-jiân) 发生(hoat-seng) 这(che) 一切(it-chhè)，受(siū) chiah 大(toā) chiah 艰苦(kan-khó͘) ê 锻炼(toàn-liān)，你(lí) iáu 会(oē) 讲(kóng)：「父(Pē) 所(só͘) hō͘ 我(goá) ê 杯(poe)，我(goá) kiám 无(bô) beh lim mah？」这(Che) 是(sī) 信心(sìn-sim) ê 高峰(ko-hong)，是(sī) 心灵(sim-lêng) 成功(sêng-kong) 达到(ta̍t-kàu) 极点(ke̍k-tiám)。

大(Toā) 信心(sìn-sim) ài tī 受苦(siū-khó͘) ê 时(sî) chiah 会(oē) 充分(chhiong-hun) 表现(piáu-hiān) 出来(chhut-lâi)。――Charles Parkhurst

Ài 有(ū) 受苦(siū-khó͘) ê 救主(Kiù-chú)，chiah 有(ū) 怜悯(lîn-bín) 人(lâng) ê 上帝(Siōng-tè)。真正(chin-chiàⁿ) ê 同情(tông-chêng) 是(sī) tùi 有(ū) 受(siū) tio̍h siâng 款(khoán) 痛苦(thòng-khó͘) ê 人(lâng) 来(lâi)。苦痛(khó͘-thàng) 是(sī) hō͘ 咱(lán) 有(ū) 力量(le̍̍k-liōng) 去(khì) 同情(tông-chêng) 别人(pa̍t-lâng) ê 代价(tāi-kè)，见若(kìⁿ-nā) 愿意(goān-ì) 帮赞(pang-chān) 别人(pa̍t-lâng) ê，必须(pit-su) 家己(ka-kī) 先(seng) 受苦(siū-khó͘)。咱(Lán) 若(nā) 希望(hi-bāng) 帮赞(pang-chān) 别人(pa̍t-lâng)，需要(su-iàu) 先(seng) 面对(bīn-tuì) 十字架(si̍p-jī-kè)。无(Bô) lim 耶稣(Iâ-so͘) 所(só͘) lim ê 苦杯(khó͘-poe) ê 人(lâng)，无(bô) 亲像(chhin-chhiūⁿ) 伊(I)，hiah-nih 愿意(goān-ì) 谦卑(khiam-pi) 受(siū) 约翰(Iok-hān) 洗礼(sé-lé) ê 人(lâng)，绝对(choa̍t-tuì) 体验(thé-giām) bōe tio̍h tùi 服事(ho̍k-sāi) 人(lâng) 来(lâi) 得(tit) tio̍h hit 种(chióng) 大(toā) 无(bô) 比(pí) ê 快乐(khoài-lo̍k)。

大卫(Tāi-pi̍t) 王(ông) siōng 安慰(an-uì) ê 诗篇(si-phian)，是(sī) tī 伊(i) ê 性命(sìⁿ-miā) 经过(keng-kè) 受(siū) 苦难(khó͘-lān) ê 时(sî) 所(só͘) 压(ap) 出来(chhut-lâi) ê。使徒(Sù-tô͘) 保罗(Pó-lô) 身上(sin-chiūⁿ) 若无(nā-bô)「hit 支(ki) 刺(chhì)」 (哥林多后书12:7)，咱(lán) 今(kin) á 日(ji̍t) 就(chiū) bōe 得(tit) tio̍h hiah chōe tī 伊(i) ê phoe 信(sìn) 所(só͘) 表达(piáu-ta̍t) 温柔(un-jiû) 安慰(an-uì) ê 心声(sim-siaⁿ)。

若是(Nā-sī) 你(lí) 已经(í-keng) 将(chiong) 本身(pún-sin) 交代(kau-tāi) 主(Chú)，目前(bo̍k-chêng) 你(lí) ê 环境(khoân-kéng) tú-tio̍h 重担(tāng-tàⁿ) teh-tio̍h，是(sī) beh tī 天父(Thiⁿ-pē) ê 手(chhiú) 中(tiong) kā 你(lí) 雕刻(tiau-khek) 做(chò) 永活(éng-oa̍h) 形体(hêng-thé) 美好(bí-hó) ê 作品(chok-phín)。所以(Só͘-í) 相信(siong-sìn) 伊(I)，永远(éng-oán) 无(bô) sak 开(khui) 伊(I) tú-teh tī 你(lí) 身上(sin-chiūⁿ) 使用(sú-iōng) ê 工具(kang-kū)，无(bô) 失去(sit-khì) 伊(I) beh tī 你(lí) 性命(sìⁿ-miā) 中(tiong) 结出(kiat-chhut) 好(hó) 果子(ké-chí)。

有(Ū) 显现(hián-hiān) 确实(khak-si̍t) 奇怪(kî-koài) kap 困难(khùn-lân)，
总是(Chóng-sī) tè tī 后面(āu-bīn) 是(sī) 赐福(sù-hok) kap 平安(pêng-an)。
苦难(Khó͘-lān) 学校(ha̍k-hāu) 所(só͘) 毕业(pit-gia̍p) ê 是(sī) 杰出(kia̍t-chhut) ê 学者(ha̍k-chiá)。

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com