「因为咱 óa 靠神,tùi 信 teh thèng 候所 ǹg 望 ê 义。」 (加拉太5:5) 有时 ta̍k 项 lóng 看落真暗,暗到我需要 ǹg 望来 thèng 候。Ǹg 望来 thèng 候是真难 ê,但是当咱必须 ǹg 望来等,chiah 知真正 ê 忍耐。
当咱看 bōe 出成功 ê 影,却无失望,当咱 tī 暗暝 tùi 窗 á 看出无甚么物件,却将窗 á 薕 phah 开,因为星 beh 出现 tī 天里,当咱 ê 心空虚,却无 ài 任何 ê 物来添补,只有 ài 上帝 siōng 好 ê 物――就是宇宙中 siōng 大 ê 忍耐。约伯 tī 暴风中,亚伯拉罕 tī Mô͘-lī-a ê 路中,摩西 tī 米甸 ê 沙漠中,上帝 ê kiáⁿ tī 客西马利园,lóng 无别项比这 khah 强 ê 忍耐 thang 忍受。持守,因为咱看「所 bōe 看见 ê 主。」(希伯来11:27)这就是劝 ǹg 望来 thèng 候。
亲爱 ê 主,你 hō͘ thèng 候成做美好,hō͘ 忍耐成做神圣。你教示阮应当接受你 ê 旨意,只因为这是你 ê 旨意。你 hō͘ 阮知,看只有苦 ê 杯,也是愿意来 lim,因为深信你 ê 目睭看 khah 远。
父 ah,请赐我你圣 ê 力量,就是客西马利 ê 力量。赐我带 tio̍h ǹg 望 thèng 候 ê 意志能力,能 tī 无天星 ê 暝,看 ǹg 窗 á 外。甚至我 ê 喜乐无去 ê 时,hō͘ 我有气力 tī 乌暗暝胜利 khiā 在 án-ni 讲:
「Tùi 我 ê 天父看,日头 iáu 是 teh 照。」 一旦我学 tio̍h ǹg 望 ê thèng 候,我 ê 力量达到 siōng 高点。――George Matheson
Tī 实际生活中,努力去做 hiah-ê 少数人,in 会了解,会明白无论是早起时、中昼时,á 是暗暝,所有看能 tio̍h ê 世界 ê 背后有一位看 bōe-tio̍h ê 「天」,á 是「上帝」ê 存在。