《台语荒漠甘泉（汉罗版）》

 | | | 转寄

存ǹg望来thèng候

作者 陈清俊 译 林俊育 汉罗翻写 2009.07.26

listen
七月二六(七月二十六日)

「因为(In-uī) 咱(lán) óa 靠(khò) 神(Sîn)，tùi 信(sìn) teh thèng 候(hāu) 所(só͘) ǹg 望(bāng) ê 义(gī)。」 (加拉太5:5)
有(Ū) 时(sî) ta̍k 项(hāng) lóng 看(khoàⁿ) 落(lo̍h) 真(chin) 暗(àm)，暗(àm) 到(kàu) 我(goá) 需要(su-iàu) ǹg 望(bāng) 来(lâi) thèng 候(hāu)。Ǹg 望(bāng) 来(lâi) thèng 候(hāu) 是(sī) 真(chin) 难(lân) ê，但是(tān-sī) 当(tng) 咱(lán) 必须(pit-su) ǹg 望(bāng) 来(lâi) 等(tán)，chiah 知(chai) 真正(chin-chiàⁿ) ê 忍耐(jím-nāi)。

当(Tng) 咱(lán) 看(khoàⁿ) bōe 出(chhut) 成功(sêng-kong) ê 影(iáⁿ)，却(khiok) 无(bô) 失望(sit-bāng)，当(tng) 咱(lán) tī 暗暝(àm-mî) tùi 窗(thang) á 看(khoàⁿ) 出(chhut) 无(bô) 甚么(sím-mi̍h) 物件(mi̍h-kiāⁿ)，却(khiok) 将(chiong) 窗(thang) á 薕(liân) phah 开(khui)，因为(in-uī) 星(chhiⁿ) beh 出现(chhut-hiān) tī 天里(thiⁿ-nih)，当(tng) 咱(lán) ê 心(sim) 空虚(khang-hu)，却(khiok) 无(bô) ài 任何(jīm-hô) ê 物(mi̍h) 来(lâi) 添补(thiam-pó͘)，只有(chí-ū) ài 上帝(Siōng-tè) siōng 好(hó) ê 物(mi̍h)――就是(chiū-sī) 宇宙(ú-tiū) 中(tiong) siōng 大(toā) ê 忍耐(jím-nāi)。约伯(Iok-pek) tī 暴风(po̍k-hong) 中(tiong)，亚伯拉罕(A-pek-la̍h-hán) tī Mô͘-lī-a ê 路(lō͘) 中(tiong)，摩西(Mô͘-se) tī 米甸(Bí-tiân) ê 沙漠(soa-bô͘) 中(tiong)，上帝(Siōng-tè) ê kiáⁿ tī 客西马利(Khek-se-má-nî) 园(hn̂g)，lóng 无(bô) 别项(pa̍t-hāng) 比(pí) 这(che) khah 强(kiông) ê 忍耐(jím-nāi) thang 忍受(jím-siū)。持守(chhî-siú)，因为(in-uī) 咱(lán) 看(khoàⁿ)「所(só͘) bōe 看见(khoàⁿ-kìⁿ) ê 主(Chú)。」(希伯来11:27)这(Che) 就是(chiū-sī) 劝(khǹg) ǹg 望(bāng) 来(lâi) thèng 候(hāu)。

亲爱(Chhin-ài) ê 主(Chú)，你(Lí) hō͘ thèng 候(hāu) 成做(chiâⁿ-choè) 美好(bí-hó)，hō͘ 忍耐(jím-nāi) 成做(chiâⁿ-choè) 神圣(sîn-sèng)。你(Lí) 教示(kà-sī) 阮(goán) 应当(èng-tong) 接受(chiap-siū) 你(Lí) ê 旨意(chí-ì)，只(chí) 因为(in-uī) 这(che) 是(sī) 你(Lí) ê 旨意(chí-ì)。你(Lí) hō͘ 阮(goán) 知(chai)，看(khoàⁿ) 只有(chí-ū) 苦(khó͘) ê 杯(poe)，也是(iā-sī) 愿意(goān-ì) 来(lâi) lim，因为(in-uī) 深信(chhim-sìn) 你(lí) ê 目睭(ba̍k-chiu) 看(khoàⁿ) khah 远(hn̄g)。

父(Pē) ah，请(chhiáⁿ) 赐(sù) 我(goá) 你(lí) 圣(sèng) ê 力量(le̍̍k-liōng)，就是(chiū-sī) 客西马利(Khek-se-má-nî) ê 力量(le̍k-liōng)。赐(Sù) 我(goá) 带(toà) tio̍h ǹg 望(bāng) thèng 候(hāu) ê 意志(ì-chì) 能力(lêng-le̍k)，能(oē) tī 无(bô) 天星(thiⁿ-chhiⁿ) ê 暝(mî)，看(khoàⁿ) ǹg 窗(thang) á 外(goā)。甚至(Sīm-chì) 我(goá) ê 喜乐(hí-lo̍k) 无去(bô-khì) ê 时(sî)，hō͘ 我(goá) 有(ū) 气力(khuì-la̍t) tī 乌暗(o͘-àm) 暝(mî) 胜利(sèng-lī) khiā 在(chāi) án-ni 讲(kóng)：
「Tùi 我(goá) ê 天父(Thiⁿ-pē) 看(khoàⁿ)，日头(ji̍t-thâu) iáu 是(sī) teh 照(chiò)。」
一旦(It-tàn) 我(goá) 学(o̍h) tio̍h ǹg 望(bāng) ê thèng 候(hāu)，我(goá) ê 力量(le̍k-liōng) 达到(ta̍t-kàu) siōng 高(koâiⁿ) 点(tiám)。――George Matheson

Tī 实际(si̍t-chè) 生活(seng-oa̍h) 中(tiong)，努力(ló͘-le̍̍k) 去(khì) 做(choè) hiah-ê 少数(chió-sò͘) 人(lâng)，in 会(oē) 了解(liáu-kái)，会(oē) 明白(bêng-pe̍̍k) 无论(bô-lūn) 是(sī) 早起(chá-khí) 时(sî)、中昼(tiong-tàu) 时(sî)，á 是(sī) 暗暝(àm-mî)，所有(só͘-ū) 看(khoàⁿ) 能(oē) tio̍h ê 世界(sè-kài) ê 背后(poē-āu) 有(ū) 一位(chi̍t-uī) 看(khoàⁿ) bōe-tio̍h ê 「天(Thiⁿ)」，á 是(sī)「上帝(Siōng-tè)」ê 存在(chûn-chāi)。

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com