《台语荒漠甘泉（汉罗版）》

 | | | 转寄

信心ê成长

作者 陈清俊 译 林俊育 汉罗翻写 2009.07.12

listen
七月十二(七月十二日)
「总是(Chóng-sī) 伊(I) 知(chai) 我(goá) 所(só͘) 行(kiâⁿ) ê 路(lō͘)；伊(I) 试炼(chhì-liān) 我(goá) 了后(liáu-āu)，我(goá) beh 亲像(chhin-chhiūⁿ) 过(kè) 锻炼(thoàn-liān) ê 金(kim)。」 (约伯记23:10)

暴风(Po̍k-hong) 中(tiong) 信心(sìn-sim) 增长(cheng-tióng)！Chit 句(kù) 短短(té-té) ê 话(oē) 对(tuì) 一个(chi̍t-ê) 经历(keng-le̍k) tio̍h 有(ū) 性命(sìⁿ-miā) 威胁(ui-hia̍p) ê 人(lâng) 是(sī) 有(ū) 何等(hô-téng) 大(toā) ê 意义(ì-gī)！

信心(Sìn-sim) 是(sī) 上帝(Siōng-tè) 所(só͘) 赐(sù) ê 力量(le̍k-liōng)，实施(si̍t-si) 起来(khí-lâi)，会(oē) 看(khoàⁿ) tio̍h 所(só͘) bōe-thang 看见(khoàⁿ-kìⁿ) ê tāi-chì。对(Tuì) 超自然(chhiau-chū-jiân) ê 事物(sū-bu̍t)，hō͘ 无(bô) 可能(khó-lêng) ê 变(piàn) 做(choè) 可能(khó-lêng)。是(Sī)，信心(sìn-sim) tī 暴风(po̍k-hong) 中(tiong) 增长(cheng-tióng)，tī 灵性界(lêng-sèng-kài) 层次(chân-chhù) ê 扰乱(jiáu-loān)，扰乱(jiáu-loān) 中(tiong) 成长(sêng-tióng)。暴风(Po̍k-hong) 是(sī) 当(tng) 自然(chū-jiân) 力(la̍t) 互相(hō͘-siong) 冲突(chhiong-tu̍t) 中(tiong) 产生(sán-seng) ê；灵性(lêng-sèng) ê 暴风(po̍k-hong) 也是(iā-sī) tī 超自然(chhiau-chū-jiân) 界(kài) 对反(tuì-hoán) 力(la̍t) ê 冲突(chhiong-tu̍t) 所(só͘) 产生(sán-seng) ê. Tī chit 种(chióng) 冲突(chhiong-tu̍t) ê 气氛(khì-hun) 中(tiong)，信心(sìn-sim) chhē tio̍h siōng 肥(puî) ê 土(thô͘)，thang 真(chin) 紧(kín) 成熟(sêng-se̍k)。

Siōng 粗(chho͘) siōng 大(toā) ê 树(chhiū) m̄ 是(sī) 生(siⁿ) tī 树林(chhiū-nâ) 内(lāi)，却是(khiok-sī) 生(siⁿ) tī 四面(sì-bīn) 有(ū) 风(hong) 吹来(chhe-lâi) 吹去(chhe-khì) ê 旷阔(khòng-khoah) ê 所在(só͘-chāi)。狂风(Kông-hong) 会(oē) 吹(chhe) 弯(oan)、吹(chhe) 折(chih)、弯曲(oan-khiau)，hō͘ 伊(i) 变(piàn) 做(choè) 大(toā) 树头(chhiū-thâu)。

Chiah-ê 树(chhiū)，木料(bo̍k-liāu) siōng 坚定(kian-tēng)，木匠(ba̍k-chhiūⁿ) 用(ēng) 来(lâi) 做(choè) 工具(kang-kū) ê 柄(pìⁿ)。

Siâng 款(khoán)，tī 灵性(lêng-sèng) 上(siōng)，当(tng) 你(lí) 看(khoàⁿ) tio̍h 一位(chi̍t-uī) 灵性(lêng-sèng) 有(ū) 成就(sêng-chiū) ê 人(lâng)，你(lí) 若(nā) kap 伊(i) 同行(tâng-kiâⁿ)，hit 条(tiâu) 路(lō͘) 并(pēng) m̄ 是(sī) 永远(éng-oán) 太阳(thài-iông) 灿烂(chhàn-lān)，野花(iá-hoe) 满(moá) 四界(sì-koè)。Tú-tú 相反(siong-hoán)，he 是(sī) 危险(guî-hiám) 真(chin) chōe 石头(chio̍h-thâu) koh 狭(oe̍h) ê 小路(sió-lō͘)，有(ū) 地狱(tē-ga̍k) ê 风(hong) 想(siūⁿ) beh kā 伊(i) 吹(chhe) 倒(tó)，有(ū) 尖尖(chiam-chiam) ê 石(chio̍h) 伤(siong) 伊(i) 脚底(kha-té)，有(ū) 刺(chhì) á 凿破(chha̍k-phoà) 面皮(bīn-phê)，亦(ia̍h) 有(ū) 毒蛇(to̍k-choâ) tī 四周围(sì-chiu-uî) teh 吐舌(thó͘-chi̍h) tng 等(tán)。

信心(Sìn-sim) ê 路(lō͘) 有(ū) 悲伤(pi-siong) 也有(iā-ū) 快乐(khòai-lo̍k)，有(ū) 困苦(khùn-khó͘) 也有(iā-ū) 医好(i-hó) 安慰(an-uì)，有(ū) 流(lâu) 目屎(ba̍k-sái) 也有(iā-ū) 笑(chhiò) ê 时(sî)，有(ū) 试验(chhì-giām) 也有(iā-ū) 胜利(sèng-lī)，有(ū) 冲突(chhiong-tu̍t) 也有(iā-ū) 得胜(tek-sèng)，而且(jî-chhiáⁿ) iáu 有(ū) 真(chin) chōe 困难(khùn-lân)、危险(guî-hiám)、受(siū) phah、窘迫(khún-pek)、受(siū) 误会(gō͘-hoē)、患难(hoān-lān)、困苦(khùn-khó͘) 等等(téng-téng)。不过(Put-kò)「tī chiah-ê lóng 总(chóng) ê 事(sū)，咱(lán) tùi 疼(thiàⁿ) 咱(lán) ê,得胜(tek-sèng) 到(kàu) 有(ū) chhun.」(罗马8:37)

Tio̍h, tī「lóng 总(chóng) ê 事(sū)」，甚至(sīm-chì) tī 暴风(po̍k-hong) 中(tiong)，siōng 强烈(kiông-lia̍t) ê 大风(toā-hong) 中(tiong) lóng「得胜(tek-sèng) 到(kàu) 有(ū) chhun」。你(lí) 可能(khó-lêng) 想(siūⁿ) ài 逃闪(tô-siám) 考验(khó-giām)，无(bô) ài 受(siū) 强烈(kiông-lia̍t) ê 暴风(po̍k-hong) ê 拖磨(thoa-boâ)，总是(chóng-sī) 你(lí) 应该(eng-kai) 面对(bīn-tuì) 伊(i)！上帝(Siōng-tè) tī 每(muí) 一个(chi̍t-ê) 考验(khó-giām) 中心(tiong-sim) teh thèng 候(hāu) 你(lí)，伊(I) 会(oē) 将(chiong) 伊(I) ê 秘密(pì-bi̍t) kā 你(lí) 讲(kóng)。当(Tng) 你(lí) 出来(chhut-lâi) ê 时(sî)，面(bīn) beh 发光(hoat-kng)，koh 有(ū) 连(liân) 地狱(tē-ga̍k) ê 恶魔(ok-mô͘) 都(tō) bōe-thang 摇动(iô-tāng) ê 信心(sìn-sim)。――E. A. Kilbourne

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com