《生活e5台语，台语e5生活》

 | | | 转寄

信心ē-tàng得救

作者 原文英语：Shirley Lîm, 翻译：林宗良 2007.01.07

我想除夕是一个hō͘人欢喜koh hō͘人难过ê一工，咱用chit-ê时间thang回头看咱过去chit一年辛苦ê成果，也thang向前展望咱未来新ê一年ê计划。

新年是一个新ê开始，chit-ê新ê开始hō͘咱真chē新机会。顶礼拜咱tú过完了圣诞节，庆祝耶稣ê生日，mā koh一pái提醒咱耶稣ê来临，改变了咱ê世界，像新年仝款hō͘咱新ê希望。

今á日ê福音是有关一个破病了十二年ê女子，当咱读tio̍h chit-ê女子所受ê痛苦，咱联想tio̍h真chē kap伊类似ê所在。当然，今á日咱无可能致tio̍h血漏病十二年lóng无医治好，咱m̄免担心社会因为咱破病而赶咱出去， 咱mā bē-sái去摸耶稣ê衫裤。但是，tī真chē方面，咱真正ē-tàng了解chit-ê女子ê痛苦。

第一，咱lóng有破病ê经验，mā有看过别人破病，甚至有kóa人有经历过慢性病ê pháiⁿ处理，所以咱知影破病ê痛苦，mā知影爱赶紧好ê祈求。

今á日如果咱破病，咱会去病院看医生，无亲像chit-ê血漏病ê女人，不只所有ê物件lóng hō͘假医生骗去，伊ê病koh-khah严重。但是，咱mā知影去病院mā是一个极bái ê经验，tī病院咱常常无病看tio̍h有病。咱有jōa-chē-pái tú-tio̍h医生到病房看咱，kap咱讲话。但是m̄是真正teh kap咱讲话neh? 有时chūn咱真正会怀疑医生知影咱ê名字mah? 知影咱是谁mah?

当然teh看电视里面，所有ê医生lóng会围tī病人边a，关心病人，但是，这kám是真实ê情形mah? Tī真实ê情况，医生一般就kan-ta会问病人一kóa问题。看看病人ê情况， 医生bē管到其他ê问题，当然唯一ê例外，就是医生会问病人ê保险资料。一个tòa tī病院ê问题，就是咱会感觉咱kap以前无仝款，咱身上有病。

当我tī作一个tòa院牧师ê时，我常常听tio̍h护士boeh指示病人ê时， 是用房间号码(ná亲像是1,2,3 ê病人) ，或是用病况(ná亲像是心脏病ê病人) 。所以咱tī入病院了后，就无去姓名kap家己，完全hō͘人以咱ê病情来称呼。Tī马可福音ê chit-ê女人mā只被叫作一个血漏病ê女人，伊无名字，只有病名。

咱想像医生围tī chit-ê血漏病ê女人：中年年纪、低血压、心跳紧、缺血kap缺铁ê症状，血漏病已经十几年ā。当然，如果你破过病，你一定thang联想tio̍h chit-ê女人ê情形，但是，如果有人真好字运，从来m̄-bat破过病neh?

真chē人相信chit-ê女人ê病犯了tī利未记中ê法律，这mā hō͘真chē人认为chit-ê女子不只是破病，无清气，而且伊一直不断ê血漏病会感染伊tú-tio̍h ê任何物件kap人，mā因为伊hit时ê chiah-ê社会风俗，伊就变成一个被社会驱逐ê人。

咱thang了解伊ê寂寞kap隔离，不只是hit种看bē-tio̍h ê感觉。我相信咱真chē人mā有被排除在外ê感觉。可能是因为咱无法度融入一kóa地方， mā有可能咱无想boeh做别人teh做ê事。

当chit位血漏病ê女人有钱chhōe医生ê时chūn，可能有人会照顾chit-ê女人ê健康。但是现在伊已经一无所有à，连医生mā无boeh管伊lah。伊是iáu活teh，但是伊已经无koh是chit-ê社会或是chit-ê世界ê一部分lah。　

咱tī教会中，非常了解chit种感觉。咱mā感受tio̍h咱kap现代社会间ê无仝，chit几个月，咱教会中一直teh讨论社会正义kap咱教会ê目标。咱教会tī chit方面ê事工，lóng一直iáu teh摸索ê阶段，因为无论咱如何做，咱总是无法度tī Framingham chit地区拓展开来。不只是án-ne，无论咱是想beh服务无家可归ê人或是捐赠食品，咱想beh为chit地区ê服务kah-ná kap chit地区ê需求有kóa格格不入，可能是因为咱ê无仝hō͘咱无法度帮助siuⁿ大。　

但是咱mā有咱ê问题，总讲一句，咱教会mā有需要检讨ê，咱本身mā有咱血漏病ê伤口。但是咱有解药，咱有耶稣，咱只要好好反省家己，咱thang医好咱ê伤口，hō͘咱ê教会再次健康起来。

无论咱是因为什么原因hō͘咱停止服务咱ê社区，咱应该lóng已经知影beh放弃是jōa-ni̍h-á容易。咱thang真容易ê讲：「Hō͘咱tiàm tī咱ê族群中pah，咱台湾人ê社会中mā有真chē事ài作，咱beh继续tī波士顿台湾人中服务，所以咱为什么tio̍h帮助hiah-ê一点lóng bē感谢咱帮忙ê人neh？」

Chit-ê无名字ê血漏病ê女人，大慨最后mā感觉无望ā，如果是咱，咱是m̄是mā会感觉无望neh？尤其是咱已经开尽咱所有ê钱tī医生上，而且iáu是无法度治愈？koh-khah何况chit-ê女子m̄-nā无好转，颠倒病koh-khah严重neh。　

但是有一工，chit-ê血漏病ê女子听tio̍h一个人自称是神ê kiáⁿ儿，伊来到chit位女子tòa ê附近。有关chit-ê神ê kiáⁿ儿ê tāi-chì传了真chē，真chē人称伊是奇迹ê人。　

Chit-ê血漏病ê女子知影耶稣tú tú治好一个被魔鬼缠身ê人，hit时有真chē人tī耶稣边a，看tio̍h耶稣ê所作所为，lóng非常ê gōng-gia̍h。然后有一个地方官叫Jarius 就来求耶稣解救伊ê女儿，耶稣答应伊。然后所有ê人就跟tòe耶稣行到Jarius ê厝。

Chit-ê血漏病ê女人当然无chiah-ni̍h勇敢，伊m̄是当官ê，无真有钱，mā m̄是一个男人，koh-khah令伊担心ê是惊有人注意tio̍h伊，然后kā伊指出来，或者伊无小心tú-tio̍h别人，kā人chhòng lah-sap到破病。

但是已经十二年ā，这有可能是chit-ê血漏病ê女人beh康复ê最后希望。 绝望ê时，伊想对家己讲：「如果我只摸伊ê衫裤，我就会被医好。」所以chit-ê血漏病ê女人就混入去人群中，chhōe-tio̍h机会，伸出手去摸耶稣ê外衫。续落来，伊感觉tio̍h有一股伊无法度解释ê力量。另外，伊mā注意tio̍h伊ê血漏病已经停止lah，非常欢喜。伊向后退，想beh退入人群中，忽然伊听tio̍h耶稣讲话：「啥人摸tio̍h我ê衫裤?」

Chit-ê医好血漏病ê女人tī吓(heⁿh)惊ê中间停落来，伊想tio̍h伊是lah-sap ê，是无纯洁ê，耶稣chit-má一定被感染loh。不管耶稣是m̄是神ê kiáⁿ儿，伊mā真有可能会tī社会hō͘人排除tī外口。 Chit-ê医好血漏病ê女人听tio̍h耶稣ê学徒对耶稣讲：「你看，chiah-ni̍h-chē人围tī你身边，你iáu问：啥人摸tio̍h我neh？」但是耶稣无tín动，耶稣四界看看leh，然后伊就看chit-ê医好血漏病ê女人，耶稣ê眼神金金金。

Chit-ê医好血漏病ê女人知影耶稣已经知影是啥人碰tio̍h耶稣ê衫裤。所以chit-ê医好血漏病ê女人就跪落来，kā耶稣讲kui件tāi-chì。虽然chit-ê医好血漏病ê女人真无想beh讲，但是真奇怪，耶稣并无用责备ê眼神看chit-ê医好血漏病ê女人。耶稣ê眼神是充满了怜悯kap关怀，耶稣有一个重要ê信息beh hō͘ chit-ê医好血漏病ê女人。

「女儿ah，你ê信心已经医治好你ê病loh，chit-má平平安安tńg去pah。 你m̄免koh再为你ê病痛苦loh。」

耶稣m̄-nā无责备chit-ê医好血漏病ê女人，耶稣颠倒原谅伊，并且hō͘伊脱离病ê苦恼。耶稣kā chit-ê医好血漏病ê女人当众叫出来，是beh hō͘大家知影chit-ê女人并m̄是大家认为ê hit种人。 Chit-ê医好血漏病ê女人是健康ê，是忠实ê，是有爱心ê，神ê kiáⁿ儿认同chit-ê医好血漏病ê女人，chit-ê sàn-chhiah、无清气、受病害ê女人是耶稣家庭中ê一员，耶稣án-ne做mā只有一个原因：因为chit-ê医好血漏病ê女人有信心。

Chit-ê医好血漏病ê女人已经m̄是一个无名字ê人，伊mā m̄是一个血漏病ê女人à。伊chit-má是神ê女儿loh。如果咱详细kā伊看，chit-ê医好血漏病ê女人是tī整部马可福音书中，唯一被耶稣称做女儿ê人。

耶稣m̄-nā接受了chit-ê医好血漏病ê女人，mā欢迎所有信耶稣ê人进入耶稣ê家庭。好消息就是耶稣mā会án-ne对咱，透过咱ê信心，咱也ē-tàng被医好，thang m̄免受tio̍h痛苦；透过咱ê信心，咱thang加入耶稣基督ê家庭。

今á日咱教会整体，无koh再亲像以前hit种内部血漏病lah，咱已经kā咱ê病稳定落来，而且咱iáu teh成长。Tī神ê祝福中，今á日咱是一个勇壮成长，崇拜神ê教会。

咱已经医好了咱内部ê苦恼，但是咱iáu无kap外面ê人讲，咱ná亲像hit-ê医好血漏病ê女人仝款，有信心来摸耶稣ê衫裤，咱相信he简单ê摸一下，就ē-tàng医好咱，因为咱大家无其他ê选择，只有耶稣ē-tàng医好咱。

今á日，咱有困难踏入咱周围ê社会，有时想看bāi，这是thang理解ê。 有时chūn咱ná亲像是被社会驱逐出来ê人，因为咱无完全是美国人，咱习惯讲咱ê语言，咱深深关心台湾ê状况，咱并无赞同美国ê功利主义文化。

但是咱thang感受tio̍h beh服事咱周围ê人。Chit两个里想thang讲是对咱教会ê挑战，尤其是像过去án-ne，当咱有内部问题ê时，tùi chit礼拜ê福音，因为咱ê信心，咱tio̍h相信耶稣有医治咱ê能力。 咱ē-tàng非常容易讲咱tio̍h服事咱ê社会，但是beh kā达成社会正义当做一种生活习惯无容易，但是因为咱强大ê信心，咱有非常好ê鼓励。实际上， 咱已经开始teh做真chē事，但是，咱一定tio̍h继续反省，并且继续实践咱ê责任。大家互相鼓励，踏入咱周围ê社会，chhōe出咱ê角色。

顶礼拜日，去唱圣诞节诗歌ê时，养老院非常欢迎咱。咱只需要用几小时ê时间，就ē-tàng带hō͘咱周围ê人真chē欢乐，这是真正ê佳节祝福。

Koh再十几点钟，咱又ài进入新ê一年loh，咱koh有一个新ê开始ê机会。当耶稣hō͘ hit-ê血漏病ê女人摸伊ê时，耶稣也tio̍h求hit-ê血漏病ê女人宣布伊ê信心，然后耶稣医好hit-ê血漏病ê女人，hō͘伊ē-tàng重新tńg去社会，并且进入耶稣ê家庭，我认为这是一个koh-khah好ê地位。

现在hit-ê血漏病ê女人已经被医好lah，伊有机会koh再kap hiah-ê人，厝里ê人作伙，伊thang koh再hō͘人爱，thang结婚，thang有家己ê家庭，thangkoh再为社会服务。

咱也thang tī新年有一个新ê开始，咱thang开始一个新生活。 kā大家讲咱是耶稣ê kiáⁿ儿，hō͘咱继续互相鼓励，一步一步来。先tùi一个理念开始，然后一个计画，hō͘大家无论老幼，lóng thang加入。跟tòe神ê祝福， 发挥咱ê信心。像耶稣teh讲：「你ê信心已经医治好你ê病loh，chit-má平平安安tńg去pah。你m̄免koh再为你ê病痛苦loh。」