《生活e5台语，台语e5生活》

 | | | 转寄

2011年第27届北美教协神学研究会暨年会报告

作者 陈清芳牧师 2011.11.13

2011年10月11日到15日，tī加拿大温哥华台湾基督长老教会举行2011年第27届北美教协神学研究会暨年会。温哥华长老教会谢贯明牧师夫妇、长老、执事kap众会友ê完善筹备kap热情ê服事，hō͘大会非常圆满ê闭幕。继1998年，第二pái tī加拿大mā是tī温哥华举行。 欣见该教会ê同心kap成长，多年前，mā分设本拿比台湾基督长老教会，本拿比教会ê长老kap会友mā分担一kóa接送、招待kap导游ê工作。Chit-pái参加ê学员人数头一pái破 百，共有121位参加。温哥华教会出资雇用大型巴士早晚接送学员来回旅馆kap教会。三餐kap点心ê提供koh-khah是设想周到，服务亲切。 　　

今年主题「回厂保修–属灵ê更新」。切合每一位学员kap教会ê实际需要，讲员mā tī主题kap内容上，提供了明确ê教导kap指引，讲员们m̄-nā有风富ê学识，而且有牧会多年ê实际经验，着作真丰富，演讲mā极受爱戴。两位温哥华神学院教授Rev. Dr. Stephen Farris kap Rev. Dr. Richard Topping虽然大会m̄-bat，tùi该学院ê网站上搜寻ê资料，发掘in是siōng好人选。Rev. Dr. Farris来到温哥华神学院chìn前是多伦多大学ê讲道学kap敬拜学教授。

Rev. Dr. Topping bat tī蒙特娄牧养数千人ê教会，也bat tī McGill大学教授讲道学kap实践神学ê课程，目前教授改革宗ê神学、历史kap灵修学。In乐意用非常微薄ê车马费接受邀请，是上帝hō͘咱极大ê恩典。In深知灵命ê更新是tī上帝ê话语受造就，讲台m̄是道德伦理ê要求kap教导，koh-khah重要ê是传讲福音，会友一旦经历了上帝ê恩典，自然会有疼ê回应，mā就乐意顺服上帝ê旨意kap圣经ê律法要求。

Rev. Dr. Farris tùi释经学ê原理kap经文ê示例，透视整本圣经所揭示ê上帝福音，注重讲道kap正确ê解经，chiah ē-tàng有效来hō͘内在生命更新。 Rev. Dr. Topping tùi加尔文ê神学中，神ê话kap圣灵来阐述，神ê话kap圣灵是灵命更新ê两项要素，伊mā呼吁咱tio̍h 回归圣经，mài被现象或急功近利所迷惑，追求圣灵本身重tī圣灵恩赐，用上帝ê话来检验灵恩或一切ê灵界ê现象。

台湾长老总会mā供应咱一位杰出ê讲员庄孝盛牧师，伊tùi神学院毕业了后，被派到一间庄脚ê竹塘长老教会传道，了后被按牧，到taⁿ牧养该教会23年，一个无资源、无法度自立、被咒诅、将残ê教会hō͘伊翻转过来，成做宣教典范ê教会。牧师经历了属灵ê更新，有了异象kap远见，m̄惊艰辛困苦，投入社区ê需要，伊因为需要大胆地向父神祈求，建了上千万ê教育馆［对in来讲是天文数字，因会友ê更新，家家户户lóng乐意遵守什一奉献 ］成了神迹，教育馆提供中辍生向日葵学园ê教室kap社区ê活动场所。该教会koh-khah聚集附近乡镇七、八间弱小教会组立二林宣道中心，共同分享资源kap合作 。竹塘乡镇人口外流，却增加了400位ê外籍新娘，教会帮助in语言ê学习，kap生活ê适应，如siōng起码ê交通工具骑o-to-bái，笔试kap路考，lóng需要有人辅导in。Iáu有诸如活动图书馆，鼓励青少年阅读好ê册刊，送餐到居家老人，辅导儿童学业等。阮每间教会mā需要研究阮社区ê需要，成做传达ǹg望，落实上帝国ê精神–公义、和平、仁爱，kap hō͘ in生命ê教会。总讲一句，咱tio̍h认bat宣教是：教会kap人ê相交，上帝ê宣教，传达上帝ê救恩，chhōe求正义，布道，处境化，解放，进入文化，共同见证，上帝所有子民ê服事，向别种宗教信仰者作见证，神学，ti7ng3望中行动等。教会ê作法：以基督为中心，高举基督，倦tah-tah、忧伤、重担者ê心灵ê家，无围墙，拆除围墙kap社区phah成一片，共同chhōe生命，共同领受宣教ê使命 。若ē-tàng落实chiah-ê作法，教会必定会有良好ê见证kap成长。

Chit-pái研究会亦安排张瑞雄牧师两堂课，绍介台湾宣教简史。张牧师kúi-nā pái奔波到英国、苏格兰追chhōe早期宣教师写回 家乡ê信件，kap差会ê档案资料，并访问归国ê老宣教师。第一堂课绍介外来移植篇，to̍h是绍介早期来台宣教师ê生平kap事工，一张张老旧ê图片，说明了in ê见证 kap牺牲ê故事。第二堂课绍介在地人本土化篇，讲述第一代信徒kap本土传教师ê见证kap代代传承ê信仰故事，充满了血目屎ê英勇事迹，唤起咱今á日ê责任，信耶稣 m̄是单是今生ê好处，tùi án-ne是行一条背十字架跟tòe主ê道路。

萧清芬牧师主持第一代kap第二代移民ê对话，教会如何回应这两代无仝ê需要，教会ê领导者需 ài有智慧kap决心去chhōe求上帝ê领导，教会chiah不致断层。
林俊育长老koh再绍介网路资源kap福音事工，林长老kap一阵年青同工无放轻松teh开拓kap发展网路事工，出版书籍影音、刊物，并无遗余地四界奔走推广母语福音事工，咱只要举手之劳上网，就ē-tàng使用chiah-ê非常丰富ê资源，ē-tàng非常有效tek传福音。
大会mā安排林兴隆长老两堂伊ê信仰历程，林长老是纽约笔会ê创会员之一，着述真丰富，tī真chē所在神学院学习，受教tī名师。伊分享旧约kap新约一kóa故事ê真义，非常深入ê思考，大开学员ê眼见，mā挑战学员作进一步ê深入探讨。

Chit-pái研究会tī两个暗时分别安排了事工分享，kap信徒长执、牧者、师母分组分享。1999年台湾921大地震 了后，台湾中断了牧者来美ê进修，chit-pái koh再恢复，有15位ê牧师［包括多位无仝族群ê原住民牧师］，hō͘分组讨论了后，听取三组ê综合报告，包括老中青三代ê 牧师、牧师娘、kap众会友ê意见kap分享，趣味横生，充满了幽默ê欢笑，不断来拍掌，具有智睿ê深度kap札实ê内容，可惜时间太短。

大家tī一礼拜ê相处中，把握tio̍h每餐ê用餐交谈，kap歇困ê时间，有了深入ê彼此认bat，kap交换意见，心灵有讲bē出ê收获kap喜乐，大家无愿意错失这相聚ê良机，引颈期待下次ê研究会快快来到。多谢北美教协教育组同工ê精心设计ê节目，尤其组长纪元训牧师ê辛劳，伊差不多每堂课ê前后，lóng讲一则富有神学意义ê笑话，有人滚笑讲，kan-ta听chiah-ê笑话已经值一半ê费用。

今年年会因有多位新代表加入，hō͘年会ê讨论kap决议koh-khah充满了新机kap新气象。虽然然教会非常分散，无法度不时联系kap同齐同工，但深信祈祷中，藉tio̍h彼此ê代祷kap关怀，是咱共同得力ê根源，是咱继续前进ê动力。
愿上帝赐福大家。后会有期。