《生活e5台语，台语e5生活》

 | | | 转寄

台湾宣教DIY—台湾宣教家己来

作者 张杨宜宜 2011.02.06

面对一大阵来自四面八方热情ê兄弟姊妹，本会今年（2010）十一月六日tī纽约举行ê台湾宣教感恩大会中，我提起最近不断听tio̍h ê消息：欧美宣教机构tng-teh不断将in tī台湾中文真老练ê宣教师调tńg去本国，来应付大量涌入来ê中国大陆新移民kap留学生ê宣教需要。中国铁幕phah开以来，全球宣教机构已经将宣教重点khǹg tī宗教真空ê中国kap福音siōng难传ê回教地区，soah bē记得台湾。真少新宣教师来台湾，老宣教师亦日渐凋零、á tī台湾ê宣教师koh被调离，咱tio̍h如何来因应目前特殊ê台湾宣教困境neh？我呼吁与会者「台湾宣教DIY (Do It Yourself!)」，to̍h是台湾宣教家己来。

福音入台145年久，目前讲起来至少mā有数十万基督徒，最近甚至有数据指称台湾基督徒已经达到4-5% ê将近百万。咱岂ē-tàng继续óa靠外国宣教师neh？

看起来，三年半前上帝呼召本会设立台湾宣教机构kap宣教训练学校，m̄是无原因ê。阮m̄-nā装备台湾基督徒ē-tàng台湾宣教DIY(家己来)，iáu不断建立管道hō͘大家方便去宣教，包括台湾kap全球ê台湾社区。

Chit-pái感恩大会中ê「救难课程」，to̍h是训练基督徒kā福音通过疼心kap行动带出去。Hit工to̍h是组成一队十gōa人ê「志愿救难队」！朋友！您有负担mah？时不延迟，hō͘咱同齐来「台湾宣教DIY—台湾宣教家己来」pah！

欢迎上网浏览「台湾宣教基金会(TMF)」ê网址http://taiwanmissionfoundation.org/ （原载台湾宣教基金会通讯第四期,2010.01）