《陈雷文选》

 | | | 转寄

无情城市

作者 陈雷 2007.12.09

(1)

Che 菜 刀 早 起 阿 环 有 磨 过 ， 刀 嘴 有 利 。 乌 枪 ê 相 真 真 斩 落 去 ， he指 头 á 一 下 tō tok 断去 ， 齐 齐 一 节 落 tī土 脚 。He gín-á tō是嘴 hō͘ 人 用 布 chiⁿ leh ， 哀 bē 出 声 ， 惊 kah 目睭 liap起来 m̄ 敢 看。 总是 伊 ê 双 手 hō͘ 人 用 索 á 捆leh ，pe̍k tī 椅 á koai bē tín 动 ， kan-na会 晓 身 躯 phíh-phíh-chhoah 。鸡 kui á kā 索 á tháu 开放 lēng去 ， he手 骨ê血 才 流 过 来 手里， 雄 雄 按 tok 无 去 ê 大 头 姆 hia 作 一 下 bū出来 。

乌 枪 ê kā 菜 刀 piāng leh，kā落 tī土 脚 ê 指 头 ni起来，ùn he teh流 出来 ê血 ，像 tǹg 印á 按 呢 tòa 批 顶 面 tǹg 一 个 血 印 ， tī gín-á写 ê 名 边a。 He 烧 烧 ê 血 hō͘ 批 纸 suh ta去 ， tī批 顶 面 liâm-mi kian去 ， 红 红 四 角 四 角 ， 亲 像 咱 普 通 tī 文 书 顶 面 正 式 tǹg ê 印 á 仝 款 。

伊 kā 批 纸 áu 作 四 áu，hit tè 指 头 á giap tī纸 内 面，lok入去 批 lông封 好 势 ，袋 tòa裤 袋 á 。Kap鸡 kui á二 人 相 载 ， 头 壳 戴 乌 色 ê 安 全 帽 ， 面 khàm 起来 ， o͘-to͘-bái骑leh tō出去 。

Chông 过 市 内 ， 来 到 华美街医 生 馆 头 前 ， khang-páng koh 认 hō͘真，帽 á 无 thǹg tō 入去 。 Tú 好 he医 生 无 êng teh看 病，伊 kā批 tàn tòa桌 顶 ， 无 讲 半 句 话 ， 越 头 tō 出来 。 门 口 路 边 o͘-to͘-bài po̍k-po̍k-po̍k teh 等伊， 跳 上 车，摧 一 下 油 ， 放 一 pû 乌烟，sut一下 tō 走 kah 无 看去 。

Liâm -mi 医 生 馆 电 话 giang 三 声， 阿 贞a the̍h起 来 听 ， 一 个 查 甫 人 ê 声 ：“头 家 娘a，搅 扰 ho͘ⁿh，我 chia有khioh着 一 个 gín-á，m̄知 啥 人 ê … ”阿 贞 a问 ：“你 是 啥 人 ？”He查 甫 人 讲 ： ”朋 友 lah 。 Tú chiah ho͘ⁿh , he 批lông 内面 有 一 项 物 ， beh 拜 托 你 认 看 māi ，是 m̄ 是 恁 kiáⁿ ê ？ 若 是 ho͘ⁿh ，…后 日 中 昼 十 二 点 ， …现 金 三 百 万 …” 电话tō 挂 掉 去 。 阿 贞 chông 来 问 in翁 ： “ 是 啥 物 批 ？ ”He 医 生 才 会 记 得 ， tú- chiah 有 人 送 批 来 。 Thiah 开 内 面 一 张 批 纸 ， áu 作 四 áu 。 Thiah 开 看 ， 内 面 koh giap 一 tè 细 tè 肉 乌 度 红 乌 度 红 ， 斟 酌 kā 认， 夭 寿 ， 肉 顶 面 粘 一 块 指 甲 ， tō 是 一 节 tok 断 去 ê 人指 头 á ， 看 起来 犹 koh 鲜 鲜 ， 血 phí tú-chiah kian ta去 。 读 he 批 ， 有 gín-á 写 ê 名 『 陈 明 进 』 ， 下 面 koh 有 四字大 字 ：“报 警 察 ， 死 。” 边a 一 个 血 印 ， 四 四 角 角 ， 大 约 比 看 māi ， bē活lah， tú好 kap hit 块 指 头 á 平 大 模 。

医 生 想 ， taⁿ害ah ， che 明 明 是 绑 票 掠 gín-á 去 teh 创 治 ， m̄是 sńg假ê 。 Ah m̄-kú thái会 写 『 陈 明 进 』 这 个 名 ？ Kap in kiáⁿ 明 辉a tú 好 差 一 字 ？ 敢 会 是 青 狂 写 m̄ -tio̍h 去 ？ 看 hit 块 指 头 á ， 幼 幼 细 细 ，té-té 直 直 ， 指 甲 反 乌 绿 ， 想 讲 taⁿ bē活ah，che gín-á 指 头 á ， ta̍k枝 to相 像 ， beh 按 怎 去 认 是 啥 人 ê ？ 临 时 才 想 着 khà电 话 去 学 校 问 ， 佳 哉 in明 辉a chēng 早 起 tō 去 tī学 校 teh 上 课 。 赶 紧 车 驶leh 去 学 校 ， 马 上 kā gín-á chhōa 转 来 厝 。

问 in后 生 才 知 影 ， 仝 班 ê 有 一 个 陈 明 进 ， 注 死 m̄ 知 按 怎 ， chēng 昨 hng tō 无 来 学 校 上 课 。 He医 生 想 ， taⁿ苦a， 敢 会 绑 票 ê 青 猴 lia̍h m̄-tio̍h人 ？ 明 明 是 beh lia̍h in kiáⁿ 明 辉 ， 青 猴 lia̍h 着 陈 明 进 ， 糊 涂 来 teh kā 伊 讨 钱 ！ 阿 娘 ôe， 差 一 sut á in kiáⁿ tō hō͘人lia̍h 去 tok 指 头 á ！ Lú 想 lú 惊 ， 赶 紧 kā 明 辉a chhōa 去 三 楼 ， 房 间 锁 起 来 ， m̄ hō͘ 伊 出来 。

阿 贞问 in 翁 ：“ Taⁿ beh 按 怎 ？ ”In翁 讲 ：“ Gín-á 已 经 转 来 tī 厝里 ， taⁿ 无 代 志a ， m̄ 免 惊 。”“ 阿 贞 问 ：“敢 m̄免报 警 察 ？ ”In 翁 讲 ：“Beh 按 怎 报 ？ ”Hit 张 bak 血 ê 批 tu hō͘ 伊 看 ： “你 无 看 che 批 四 字 写 chiah 大 字 ？ ＜ 报 警 察 ， 死 ＞ ！ ”阿 贞 讲 ：“Ah 陈 明 进 啥 人 ê kiáⁿ ？ 咱 敢 m̄ 免 kā in父 母 通 知 ？ ”医 生 讲 ： “Beh 按 怎 通 知 ？ Chit-má ê 人 你 to 知 ， 好 人 bē 作得 ， 好 心 hō͘ 雷 chim 。 像 咱 chit-má 按 呢 ， tiām-tiām 上 盖 无 代 志 。 若 是 去 通 知 ， 警 察 刑 事 kô-kô-tîⁿ ， chhòng 了 无 好 势 ， soah 连 咱 也 嫌 疑 在 内 去 。 …” 阿 贞 讲 ：“ M̄-kú he电 话 有 明 讲 ， 若 beh见 kiáⁿ 一 面 ， 后 日 中 昼 十 二 点 ， …” 医 生 骂 伊 ：“ Hai-ioh ， ah he 也 m̄ 是 咱 ê kiáⁿ，kap 咱 无 关 系 ， 你 ná 拢 讲 bē听 ！ Kā你 讲 ， 咱 明 辉 有 安 全 转 来 tō 好a， 别 人 ê 代 志 咱 mài-chhap，人 in家 己 会 去 处 理 。 Ah 无 ， 你 是 beh替 in去 纳 hit个 三 百 万 是无 ？ ” 阿 贞 无 应伊 ， 听 听 leh ， 也 是 in翁 讲 了 有 理 。 想 想leh ， bē 放 心 ， kā 翁 讲 ： ”Ah 无 ， 阿 辉 a 咱 先 chhōa 来 去 台 北 阿 姑 hia bih 。 ”

(2)

签 抽 了 ê 时 ， 香 已 经 烧 一 半 去 a。 伊 kā 香 the̍h过 来 中 央 hit 个 大 香 炉 插 好 势 ， koh kā 神 明 拜 三 下 ， 才 oat 过 来 清 净 师 姊 ê 办 公 室 。 Che 师 姊 ê 办 公 室 头 前 一 丛 玉 兰 ， 上 盖 清 净 。 阿 贞 若 来 ， tō 泡 茶 切 西 瓜 ， 招 待 上 盖 亲 切 。

Tō 是 旧 年 明 辉a 有 hit ê 病 ê 时 ， 清 净 师 姊 有 kā 伊 表 示 ： “济 佛 慈 悲 救 万 难 ”。 所 以 阿 贞 有 kap 神 明 约 束 hē 愿 ： “若 是 你 济 佛 保 庇 ， hō͘ 阮 阿 辉a一 个 月 平 安 无 代 志 ， 我 tō 一 个月 来 烧 香 拜 拜 ， 奉 献 神 明 五 万 kho͘ 。 ”神 明 马 上 答 应 ， 一 poa̍h tō三 个上 杯 。 因 为 hit 时 台 大 ê 专 科 教 授 有 kā 伊 说 明 ， 这 种 儿 童 ê 白 血 病 治 疗 了 后 ， 结 果 khah pháiⁿ 按 算 。 若 是 好 运 五 年 内 无 koh 再 发 作 ， 根 治 ê 机 会 tō 真 大 。 所 以 阿 贞 是 这 款 ê 拍 算 ： 咱 求 神 明 bē 输 kā 公 司 买 保 险 ， 一 月 日 纳 一 摆 ， 分 期 付 款 ， 五 冬 纳 了 若 无 代 志 ， ah tō好 势a。 所 以 伊 拢 有 照 起 工 一 个 月 来 一 摆 ， 到 taⁿ 已 经 纳 五 摆a， taⁿ也 成 绩 bē bái ， 阿 辉 一 切 平 安 无 事 。

这 日 下 晡 ， 清 净 师 姊 看 阿 贞 面 色 无 好 ， 见 面 讲 ： “ 无 清 无 净 ， 我 (ngó͘) 心 不 定 （tēng)。 ”阿 贞 kā hit 日 掠 gín-á tok 指 头 á ê 代 志 ， 按 头 到 尾 讲 hō͘ 师 姊 听 。 Koh the̍h tú-chiah 抽 ê hit 支 签 hō͘ 师 姊 看 ： “这 世 恩 怨 前 世 债 ，前 世 好 bái 这 世 赔 ， 命 中 注 定 有 大 劫， 明 辉 前 进 得 光 明 。 ” 师 姊 读 了 ， 目 睭 kheh ， 嘴 内 念 ： “ 阿 弥 陀 佛 ， 好 ê 来 ， bái ê 去 ， 济 佛 保 庇 ， 包 你 明 辉a无 代 志 。 ” 按 呢 阿 贞 才 放 心 ， 知 影 神 明 已 经 同 意 ， 用 明 进 代 替 明 辉 ， 解 决 这 个 问 题 。 因 为 伊 前 世 有 欠 明 辉 ê 债 。

( 3 )

乌枪ê 一手 kā 细 汉 gín-á chang起来，大力 kā pa落去，“干恁 né ！恁母a kap恁 pē ī sńg ê ， m̄纳 钱 ， 恁 pē 斩 你 这 枝 手 tú 数 ！ ”一 刀 tō kā 斩落去 。 He gín-á bē 赴 哀 ， tú 好 五 枝 指 头 á 齐 齐 tok 无去。M̄甘愿，规 pak 肚 火 ， 菜 刀 giâ起来beh koh tok 。 鸡 kui a 按 外 口 入 来 ， tu 一 份 报 纸 hō͘ 伊 ， 讲 ： “干 ！ 你 看 。He报 纸 顶 面 有 一 张 细 张 相 ， kā 对 khah 真 leh ， 干 ， tō 是 这 个 m̄ 成 gín-á ê 。 叫 阿 环 来 读 hia ê 字 ， 龟 怪 koh 是 一 节 chhōe 人 ê 广 告 。 陈 明 进 无 故 失 踪 ， 父 母 chhōe 无 真 烦 恼 ， 报 消 息 ê赏 金 五 万 kho͘ 。 问 he gín-á ，讲 老 父 名 作 陈 进 发 ， tī 文 心路 开 电 器 行 ， m̄ 是 作 医 生ê ， 才 知 影 taⁿ 苦a，糊 涂 掠 m̄-tio̍h gín-á，结 局 冤 枉 tok m̄-tio̍h 指 头 á ，莫 怪 he 医 生 大 好 胆 ， 到 taⁿ m̄来 纳 钱 。 taⁿ 好a，到 chia 来 ，pû á 准 菜 瓜，芋 á准 蕃 薯 ， 七a 作 八a tō kā hut 。 拍 一 支 电 话 去 文 心 电 器 行 ， giang 三 声 ，头 家 娘 接 起 来 听 ， 乌 枪ê 讲 ： “头 家 娘 ， 搅 扰 ho͘ⁿh ，he报 纸 ho͘ⁿh ，有 讲 你 teh chhōe 无 陈 明 进 ， …”头 家 娘 紧 张 问 ： “ 伊 tī tó ？ 阮 明 进 tī tó ？ …你 是 啥 人 ？… ”乌 枪ê kā电 话 tu hō͘ gín-á， 叫 伊 kap 老 母 讲 话 。 He gín-á 惊 ， bē 晓 讲 话 ， kan-na电 话 中 “ 阿 母 … 阿 母 …”一 直 khàu 。 He 老 母 认 着 kiáⁿ ê 声 ， 心 狂 血 热 ， 直 直 问 ： “明 进a， ah 你 是 按 怎-lah ？ …你 tī tó lah ？ …” 乌 枪 ê 电 话 抢过来 ， 讲 ：“恁 明 进 ho͘ⁿ h， tī chia bē 惯 势 ， 吵 beh 转去lah， …若 是 beh koh 见 伊 一 面 ， 明 á chài 中 昼 十 二 点 ， …赏 金 三 百 万 ， …”He 老 母 听 kah 脚 手 phi̍h-phi̍h-chhoah，知 影 是 绑 票 ê掠 kiáⁿ去 ， 十 楼 ê 心 肝 拢 teh 火 烧 厝 ， 电 话 中 一 直 kā 哀 求 ： “拜 托leh，拜 托leh lah ： 好 心 我 ê gín-á m̄ 通 kā 我 kāng ，beh 外 chē拢 hō͘你 ， …”话 讲 一 半 ，电 话 khiak一下 tō切 断去 。

隔 转 日 ， 一 袋 钱 款 好 势 ， 照 电 话 中 ê 指 示 ， 陈 进 发 家 己 一 个 驶 车 去 草 屯 。 一 路 操 心 koh 紧 张 ， 无 注 意 着 后 面 早 tō一 只 o͘-to͘-bái teh kā tòe 。来 到 十 字 路 口， tú 好 红 灯 停 落 来 ， 雄 雄 一 只 o͘-to͘-bái chông óa来 。车顶 两 个 人 ， 头 壳 kap 面 khàm乌 暗 ê 安 全 帽 ，像 太 空 来 ê 外 星 人 掠 伊 看 。 后 面 hit个 按 pak 肚 边 抽 一 枝短 枪 出来，tú好 注 死 枪 管正 正 对 伊 ê 面 。 陈 进 发 m̄ 敢 tín 动 ， 乖 乖 身 躯 边 hit 袋 钱 the̍h hō͘ 伊 。 Tú 好 红 灯 换 绿 灯 ， he o͘-to͘-bái sut 一 下 ， 钱 kap 人 拢 chông无去 。

转 来 到 厝 ， 一 袋 钱 iā 出 来 土 脚 看 ， ná 看 ná 摸 ， lú 摸 lú 爽 ， 算 算leh ，足 足有 三 百 万 。 乌 枪ê 讲 ： “干 恁 娘 lé！像 按 呢 thàn 钱 m̄ chiah 有 心 适 。”鸡kui a讲：“你 有 听 着无 ？『 钱 beh 外 chē拢 hō͘你 。』干！beh 知 mā kā 出 五 百 万 。 ”三 个 人 薰 直 直 pok，bi-luh开 来 灌，乌 枪ê 假 ma-se，伸 手 摸 阿 环a ê 乳，beh thǹg伊 ê衫。 阿 环 人 肥 ， 青 kông剥 bē好 势 ， 一 领 衫 kap裙 thiah thiah 破 。三 个 人 起 爱 笑 ， 你 看 我 ， 我 看 你 ， 六 粒 目 睭 珠 á liàn过 来 liàn过 去 teh相 咬 。 雄 雄 听 着 房 间 内 面 gín-á teh háu ê 声 ， 阿 环 问 ：“Che gín-á taⁿ beh 按 怎 ？ ” 乌 枪ê讲 ： “Che 你 免 烦 恼 ， 我 kap鸡kui a 来 处 理 tō 好 。 ” Sòa 手 put 一 phóng 钱 hō͘ 阿 环 ：“Chia ê 钱 你 the̍h 去 买 siú 衫 。 ”

(4)

到 第 九 工 ， 阿 贞 才 tī 报 纸 顶 看 着 这 个 消 息 。 Tī 草 屯 ê 公 路 边 ， 有 人 发 现 一 个 查 甫 gín-á ê 尸 体 。 初 步 法 医 鉴 定 ， 讲 是 hō͘ 人 chhui ām-kún 死ê 。 手 骨 拍 chi̍h去 ， 其 他 身 躯 有 伤 ， 正 手大 pū -ong kap倒 手 指 头 á拢 无去 。 阿 贞 心 内 想 ，这个 tō 是 hit 个 hō͘ 人 掠 m̄-tio̍h 绑 票 去ê 细 汉 gín-á 。因 为 伊 ê pē母 无 人 通 知 ，m̄ 知 影 通 去 纳 钱，按 呢 hō͘人 作 掉去 。

Hit 日 伊 家 己 一 个 转 来 慈 济 宫 ， 因 为 顶 礼 拜 有 kā神 明讲 好a，代 志 若 顺 是 解 决 ， tō 是 这 款 安 排，伊 beh转 来 kā神 明 特 别 说 多 谢 。

He清 净 师 姊 听 着 gín-á 谋 杀 ê 消 息 ， 知 影 代 志 完 满 解 决a，替 阿贞欢喜，kā 伊 讲 ： “恭 喜 ！ 恭 喜 ！ ”mā是 泡 茶 切 西 瓜 ， 上 盖 亲 切 。 阿 贞 讲 ： “感 谢 师 姊 点 示 。”按 皮 包 内 the̍h 一 张 支 票 出来 ， 双 手 交 hō͘师 姊，koh 另 外 添 油 香 五 千 kho͘ 。 师 姊 the̍h hit 张 支 票 tī 手里， 真 安 静 清 白 ê 面 容 ， 一 手 lu̍t 光 彩 金 金 ê 佛 珠 ， 嘴 里 念 ：“阿 弥 陀 佛 ”，连 续 三 句 ， 钱 kap支 票 才 收去 。 这 时 阿 贞 感 觉 ， 一 切 完 满 结 局 ， 因 为 普 通 tī 这 款 ê 场 合 ， 师 姊 是 kan-na 念 一 遍 “阿 弥 陀 佛 ” niā-niā 。 又 koh 对 这项 代 志 ， 伊 kap in 翁 拢 是 仝 款 ê 看 法 ， 若 是 明 进 会 thang 代 替 明 辉 ，为 着 in这个心肝 íⁿ -á ê kiáⁿ，这三百万奉献 hō͘ 神 明 ， 定 tio̍h是 比 hō͘ 绑 票ê the̍h 去 黑 白 开 加 真 有 意 义lah。

伊 一 方 面 按 呢 想 ， 行 离 开 师 姊 ê 办 公 室 ê 时 ， 无 张 持 去 注 意着 ， tú 好 寺里 ê 玉 兰 已 经 开 始 大 开 ， hit 日 下 晡 成 实 是 满 四 围 ê 清 芳 ， 一 礼 拜 以 来 that tī 心 头 ê 千 斤 万 担 ， hit 款 作 人 老 母 固 执 ê 私 心 kap 爱 心 ， 放 舍 bē 去 ê 操 烦 ， 这 时 才 若 像 鸟 á 放 出 笼 (lang)， 作 一 下 飞 无去a。

总 是 犹 有 一 个 问 题 ， in翁 kap 伊 bē tàng 完 全 理 解 。 He 纸 明 明 有 写 ， gín-á 正手大 pū -ong kap 倒 手 指 头 á 拢 无去 ， 是 按 怎 in 到 taⁿ才 拢 总 收 着 一 枝 指 头 á niā-niā ？ 因 为 m̄ 爱 jiá 事 ê 关 系 ， 关 于 这 点 kap 这 个 案 件 其 他 方 面 ê 内 容 ， in 无 koh 进 一 步 去 研 究 ， tiām-tiām chôaⁿ 按 呢 到 chia 准 soah去 。

无 彩六 个 月 以 后 ， 阿 辉 ê 白 血 病 koh 再 发 作 ， 治 疗 无 效 。 Gín-á过 身 了 后，阿 贞 tō 无 koh ta̍k个月 转 去 慈 济 ， 点 香 烧 金 ， 分 期 付 款 hō͘ 神 明 。