《陈雷文选》

 | | | 转寄

凤凰起飞ê时阵

作者 陈雷 2007.11.25

（1）
　 　 Tī 台 中 这 个 美 丽 ê 都 市 ， 有 美 丽 ê 人 做 hō͘ 别人 欢 喜 ê 代 志 ， 尤 其 是 天 暗 了 后 ， 五 彩 ê 灯 火 四 界 点 光起来 ，大 家就知影是唱歌欢喜ê时 阵 。 Tī chia 这个 英 文 叫 做 ＭＴＶ ê凤 凰 城 ，少 年 歌 手 hai-kat-lah 头 ，声 kē人缘投 ， koh会 晓 唱 规 条 拢 是 英 语 I love yo͘ ， yo͘ love me ê 歌 。 陪 人 客 听 歌 ê小 姐有几 lōa种 化 装 打 扮 ê方 法，mā有肩胛头一 旁无 穿 衫 hit 款 温 柔 肉 感 ê 芳 味 。 但 是 风 度 标 phiat ê 头 家 娘 讲 ， 唱 歌 好 bái khah 无 差 ， 酒 上 要 紧 。

施 sàng是 头 家 娘 按 呢 上 界 亲 切 ê 叫 法 ，因 为 陈ê有 拍 电 话 来 通 知 ， 这 位 第 一 产 物 保 险 ê 经 理 ， 到 taⁿ人 生去 一 半 ， tú -chiah五 十 岁 ê生 日 ， 所 以 头 家 娘 有 特 别 照 顾 伊 ê 面 子 ， 五 罐 Otar ê酒 拢 是 伊亲身行穿长 liâu ê脚 步 来 kā开ê， koh讲 施 sàng 特 别 人 客 ， happy birthday ， 开 二 罐 送 一 罐 。 吩 咐饲 果 子 ê小 姐 ， 西 瓜 子 thuh hō͘ 清 气 ， 饲 khah 细 嘴leh，m̄通 hō͘人 客 chak着 。 讲 来 施 sàng是 陈ê绍介来ê ， 照 凤 凰 城 ê 规 矩 ， 抽 头 是 二 成 。

M̄-kú 今 á 日 施 sàng lim 酒 听 歌 ê 心 情 ， bē 输 一 块 giap三 层 猪 肉 ê san-to-i-chih ，有 二 方 面 ：一方面按产物保险 ê立 场来估计 ， 人 生 不 止 是 有 成 就lah，伊 时 常 kā人 客 讲 ， 第 一 保 险是永远第一保险ê；另外一方面，khiā tī 五 十 岁 生 日 ê 场 合 来 观 察 ， 总 是 愈 来 有 「 chiūⁿ siap 就 liap ， 青 春m̄转 来 」 hit款 ê 感 想 kap 气 概 。 有 人 讲 che 是 查 甫 人 中 年 期 心 理 衰 弱 ê 问 题 。 好 佳 哉 ， 头 家 娘 看 真 chē ， 上 有 理 解 。凡 是 来 tī 凤 凰 城 ê人 客 ， 真 chē hō͘ 小 姐 饲 细 嘴 果 子 惯 势 ê 经 理 ， kap 施 sang 仝 款 。 照 头 家 娘 内 行 人 ê 判 断 ， 这 个 症 头 ài 去 chhōe 阿 肥 ，m̄是 讲 听 歌 lim 酒 就 会 当 解 决 ê 。

（ 2 ）

阿 肥 这 行 生 理 tī 咱 chia 警 察 局 算 起 来 是 属 tī 娱 乐 业 ， 因 为 是 介 绍 查 某 gín-á hō͘ 人 客 娱 乐 欢 喜 hit款 ê 代 志 。 生 理 平 平 按 呢 做 ， 阿 肥ê kap 人 无 像 ， 货 色 好 koh chē ， 尤 其 是 hit款七 少 年 、 八 少 年 ê 查 某 gín-á，讲 是 头 摆 上 市 ê 新 鸡 nōaⁿ，普 通 人 chhìn-chhái kā 伊 叫 做 「 开 酒 矸 」 ， 也 有 人 khah 粗 鲁 kā 伊 叫 做 破西 瓜 ， 意 思 仝 款 ， 但 是 价 数 kap 普 通 ê 就 无 像 。 头 家 娘 吩 咐 ， 经 理 beh爱 ê，特 别 拜 托 ， 价 数 无 问 题 。 讲来 这 人 客 是 头 家 娘 介 绍ê，照 规 矩 mā是 抽 头 二 成 。

结 果 施 sàng本 人 这 方 面 也m̄是 完 全 外 行 ， 虽 然 酒 lim 了 有 淡 薄 á醉 ， m̄-kú 一 分 钱 ， 一 分 货 ， 确 实 有 hit个价值 lah。 这 个 细 汉 ê 查 某 gín-á， 穿 一 领 làu-làu ê 大 人 衫 ， 抹 一 面 厚 厚 ê 胭 脂 粉 ， 问伊讲 是 十八 岁 ，看来 mā犹 未 十 二 、 三 岁 niā niā。M̄知是见笑抑是m̄ bat， kiu kiu 惊 惊 ， kan -na 会 晓 衫 thǹg起来 ， 直 直 倒 tī hia ， bē 振 bē 动 ， 一 晡 kú在施sàng去 舞 ， 嘴 唇 咬leh m̄敢 哀 ， 到 尾a才痛 kah哀一 声 ...... 有 血 流出来，施 sàng 才 放 伊 soah去 。 因 为 头 家 娘 有 讲 ， 阿 肥 保 证 ， 有 流 血 才 有 算 数 。

He细 细 声 teh 哭 ê声音kā伊吵醒起来 ，目睭thí开 看 ， 这 间 豪 华 旅 馆 以 前 伊 bat 来 过 ， tī phiat 势 ê套 房 内 面 ， 有 一 张 大 张 西 洋 式 ê 眠 床 ， 一 块 框 金 ê 大 块 镜 ， 镜 内 面 有 二 个 褪 光 光 ê身 体 ， 一 个 大 人 肥 肥 白白 ， 大 个 腹 肚 thàng出来，一 个 gín-á sán-sán乌 乌 ， 双 手 面 掩leh teh 流 目 屎 。 这 个 ka学 生 款 头 鬃 ê gín-á， 头 家 娘 介 绍 伊 来 开酒 矸 ， 无 想 着 chiah 爱 háu 。 头 家 娘 讲 ， 伊 taⁿ-á开 始 teh发育ê青春，bē 输 一 矸 十 外 年 原封 ê 芳 酒 ， 气 味 充 足 ， 实 在 有 影 ， 讲 了 无 m̄-tio̍h， 比 he Otar koh-khah赞lah！ .....

这 时 伊 元 气 充 满 ， 雄 雄 有chiūⁿ-siap mā是bē liap ê感 觉 ， 按 眠 床 顶 翻 身 péng起来 ， 裤 袋 á内 jîm一 把 钱 ，beh theh hō͘ 这 个 gín-á 。 一 方 面 是 顾 客 ê 满 意 ， 庆 祝生日快 乐 ， 一 方 面 是 beh 叫 伊 钱 the̍h 去 买 物 件 ，m̄通 koh háu ， hit款 一 般 社 会 ê 同 情 心 ， 真 正 查 甫 人 ê 气 概 ， beh 用 这 五 千 kho͘ ê thi-puh 来 表 示 。 才 注 意 着这 个 大 蕾 目 睭 ê gín-á， 其 实 本 来 就 有 一 个 简单朴素 ê súi 面 ， m̄-kú伊 chit-má 面 厚 厚 ê 胭 脂 粉 ， 已 经 hō͘ 目 屎 hôe bái 去ah ， jôe 做 一 tah 红 红 ， 一 tah 青 青 ， 亲 像 戏 棚 顶 ê 做 戏 á ， 真实 gín-á teh 搬 大 人 戏 ， 若 真 若 假 。 Ah m̄-kú这 个 做 戏 á ê 表 情m̄知犹tà一 tah 面 熟 面 熟 ？ Kā看 khah真leh，原来tō 是 kap 厝 里 上 细 汉 ê 美 珠 仝 款 仝 款 ， 正 边 嘴 phóe 有 一 粒 圆 圆 ê 、 古 椎 ê 酒 窟 á ， 大 家 叫 伊 阿 súi a ， ...... 有 时 阿 súi a 美 珠 mā 是 真 爱 háu 。 Soah 无 意 中 加 问 伊 一 句 话 ， 你 号 做 啥 物 名 ？ 这 个 犹 teh 哭 ê gín-á，看 大 人 peh起来a ， the̍h 钱 beh hō͘ 伊 ， 知 影 今á 日 这 遍 ê 生 理 按 呢 tō是 beh 准 soah ah ， 这 个 大 kho͘ 肥 ê 人 客 已 经 有 够 khùi ， 无 beh koh 创 治 伊 ， kā 伊 按 呢 生 一 直 舞 。 伊 目 屎 先 停起来 ， 身 躯 拢 犹 未 掩leh ta̍ 伸 一 枝 sán-sán ê长 手 来 the̍h 钱 ， 手 骨 有 一 tah 一 tah ê 乌 青 ， 犹 kiu kiu 惊 惊 ， 讲 伊 是 翠 玉 。

（ 3 ）

若 是 论 这 行 ê 专 业 ， 翠 玉 ê 条 件 是 足 好 ， 第 一 伊是 外 地 新 来 ， 面 新 人 客 爱 ， 第 二 伊 年 岁 轻 koh有 经 验 ， 所 以 今 á 日 这 个 场 合 ， 阿 肥 安 排 了 真 妥 当 。 M̄-kú 讲 来 人 生 bē 输 烧 酒 矸 ， bē 输 剖 西瓜 ， 做 处 女 总是 一 摆 niā-niā ， beh 按 怎 专 业 ？ 这 点 有 生 理 头 脑 ê 阿 肥 早 早 有 考虑着 ， 伊 有 去 请 教 人 台 中 ê 妇 产 科 。 Tú 好 这 位 姓 黄 ê妇 产 科 也 是 有 生 理 眼 光 ê 人 ， 详 细 问 伊 生 理 场 处 女 原 装 ê 条 件 。 阿 肥 解 说 hō͘ 伊 听 ： 「 Tō是 ài 有 一 tah 红 红 ê 血 ！ 」 黄 妇 产 科 讲 ： 「 按 呢 真 简 单 ， 随 时 若 beh ， chhōa 来 我 chia........ 」 。

结 果 阿 肥 kap 妇 产 科 技 术 合 作 ， 查 某 gín-á送 去 旅 馆 做 生 理 以 前 ， 叫 老 二ê 先 载 去 中 区 黄 妇 产 科 hia 「检 查 」 抽 血 。 He 医 生 有 研 究 发 明 这 种 新 ê 妇 产 科 ê 方 法 ， 用 一 丸 药 水 棉 á soh gín-á血 ， khǹg入 去 查某 ê 内 面 ， 按 呢 就 是 保 证 ê 处 女 ， ta̍k遍 会 流 血 ， 简 单 koh方 便 ， 随 时 beh tō有 。 有 时 有 个 gín-á像 翠 玉 细 汉无 胆 ， 看 着 大 枝 注 射 针 会 惊 ， 狗 怪 m̄ hō͘ 人 抽 血 ， 就 叫 老 二 ê kap 诊 所 ê 护 士 来 斗 掠 ， 一 个 掠 手 骨 ，m̄ 通 hō͘ 伊 武， 一 个 掩 嘴 ， m̄通 hō͘ 伊 大 声 哀 ， 按 呢 二 、 三 个 大 人 应 付 一 个 gín-á，用 强ê ，大 概 拢 总 m̄免 十 外 分 钟 tō会 好 势 。 但 是 有 时 也 个 掠 了 siuⁿ ân ， gín-á手 骨 会 乌 青 凝 血 ， 无 啥 要 紧 ， 家 己 会 好去 。

犹 一 点 ， 阿 肥 做 生 理 真 顶 真 ， 凡 是 新 来ê gín-á，拢 会 kā in 吩 咐 ， 说 明 职 业 上 几 点 要 点 ， 有 时 家 己 先 kā in试 看 māi ： 倒 tòa 眠 床 顶 m̄通 tín 动 ， 嘴 唇 咬 leh m̄通 哀 ， 了 ê 时 双 手 面 掩 leh细 声 一 直 háu ， 按 呢 thih -puh 就 会 khah chē 。 阿 肥 有 kā翠 玉 讲 ， 人 客 hō͘ 伊 thih-puh 若 是 khah chē ， 另 外 有 赏 。

所 以 今 á 日 施 sang生日 这 个 场 合 ， 穿 长 liâu ê 头 家 娘 ， 行 路 起来 ， 风 度 标 phiat ， 一 切 安 排 了 真 sù 是 。 Tī 台 中 这 个 美 丽 发 展 ê 大 都 市 ， 常 常 有 一 寡 人 做 hō͘ 别 人 欢 喜 会 爽 ê 代 志 。 Tō是 按 呢 天 暗 了 后 ， 凤 凰 teh 起 飞 ê 时 阵 ， 有 ê 人 客 介 绍 去 阿 肥hia 开 酒 矸 ， 抽 头 讲 是 起 码 二 成 。 但 是 关 于 处 女 品 质 控 制 这 方 面 ， 大 部 分 原 在 是 妇 产 科 医 生 ê 责 任 ， tī 台 中 这 个 凤 凰 飞 ê 城 市 ， 有 tâng 时 医 生 界 有 兼 娱 乐 界 ê 性 质 。