《台语chit条路》

 | | | 转寄

《台语chit条路》--加学、加听，做肥底 ― 洪惟仁访问(四)

作者 杨允言 2008.05.25

凰：chit-má oan-ná六十外？ 洪：chit-má六十几岁a ，hit当时三十五niâ，我讲，蔡茂丰哪会chiah少年，我料做老阿公a leh。以后我翻译，翻译几lō年，我靠che生活mà，我着想讲，he日本á写册，也无比我khah gâu leh，我soah bōe晓家己写，着m̄着？小生理秘诀lah，koh chit-má我版税mā iá koh teh？，我tī he联经出版社kā in出版差不多多六、七本，其他ê iá koh有，永过一年差不多多四、五万。 凰：一本四、五万？ 洪：拢总lah。逐年拢mā有？chit-má差不多两万，旧册a，无人买。 言：he是抽siâⁿ iá是按怎？ 洪：抽版税，所以我翻译hit几本册，出版了后oan-ná算做支持我生活ê一部分。 研究台语 凰：你ê台湾话是按怎开始研究ê？ 洪：siōng起头是家tī无师自通ê，像讲台湾话有七音，我家tī发现ê，家tī发明一套渔号，hit chūn根本着无老师a。 后来真正语言学入门，是kap钟露升教授学ê，伊定定爱去做方言调查，我着拢tòe伊那做，算是实习。chit-má读语言学ê，全理论，阮hit chūn m̄是。hit当时台湾做方言调查做尚chē着是钟露升。 廖：;老师你hit chūn做方言调查是按怎做？ 洪：其实我tòe老师做干taⁿ做两ê方言niâ，老师？一本普林斯顿ê方言调查表，做调查。hit当时阮kap美国华盛顿大学hit ê罗杰瑞教授做伙做，伊chit-má是美国hit？研究汉语方言「第一把交椅」，但是hit当时伊来台湾是iá koh teh写博士论文，teh收集资料，着kap钟露升做伙做方言调查，做闽北，也有山地ê，in两ê那做ê时chūn，我着tiàm边a那学，看in按怎做，我着按怎记，咱che巧巧仔人，看着会晓a，阮hit chūn训练无通好像chit-má我teh训练学生按呢一字仔一字仔kā in讲neh，in ti7hia做，你若问siuⁿ多着kā你讲：『mài吵lah，mài吵lah！』按呢你知无？但是咱有一ê概念a，我耳仔koh好，koh语音学有训练过。 言：以后kám有一直继续做调查？ 洪：去牛奶岛大学有小khòa仔做淡薄仔，出来了后一直做翻译，完全停止。以后哪会想beh koh tńg来做台语leh？着是，写日吴语ê hit寡翻译写kah会烦，虽然hit当时我已经翻译kah出名a，但是我chiok m̄甘愿ê，我kám干taⁿ kā人翻译ê才niâ？所以我着想beh来写有关台语ê册，第一本着是【河洛话声调研究】，因为对声调ê研究我真早着有心得，所以hit本册写两、三个月着写好a。