《台语chit条路》

 | | | 转寄

《台语chit条路》--加学、加听，做肥底 ― 洪惟仁访问(十四)

作者 杨允言 2008.08.03

台湾语言政策 (讲着福佬话受北京话透lām、入侵ê情形。)

卵：政权拢tī北部，北部愈来愈外来、愈放弃，北部khah早接受现代化，khah早放弃原来ê话。

洪：你若讲福佬话亡去，che确实是北京话ê竞争，he完全是政治ê，若讲台湾话腔口会变，che拢自然ê，像台北，讲外省人有25％，mā少数a，但是我一四界去听，拢讲华语，所以我讲台北已经沦陷去，chit-má台湾hò͘ⁿ，听话尚爽快ê，to宜兰、台东。

进：高雄mā bōe bái。

洪：市内ne，去hia食饭mā『欢迎光临』。

卵：老师你讲chit-ê我chiah想着，有一摆阮去师大分部hia食饭，入去in讲『欢迎光临』，可能阮tī内底讲福佬话，beh赐走ê时chūn伊着讲『chiah koh来』。

洪：一开始着假设你是外省人a，我真tu̍h-lān chit款ê，bōe chêng bōe着假设我是外省仔。我感觉语言hò͘ⁿ，m̄是咱tī chia推sak台语对好a，这是社会问题，社会问题着是政治问题，所以你政治ê问题先解决，koh来着是社会问题，所以我一直teh讲，讲华语ê人，你kā歧视mā无要紧，有人会讲『咱mài歧视in lah』，我kā你讲，咱hō͘ in歧视四十年a，歧视久，懒着有才调讲，ê，按呢m̄好，自然着会解决a。有当时仔爱khah残忍lah，一ê物件hông áu oan去，你若beh chhiâu hō͘直，着爱弯khah过来ê，chiah chhiâu会正，咱hông骂无要紧a，咱to甘愿去hông骂。

卵：老师：依对台湾未来ê语言政策，烤比讲共同语、语言环境按怎，老师ê理想是啥？

洪：你是讲，chiah呢chē ê语言做伙，beh按怎尚理想？

我感觉客人应该爱保存in ê母语，tī客人ê地区内底讲客语，che是in ê权利，但是若准tī全台湾，应该是福佬话做标准，che chiah是正常，因为全台湾福佬人占多数，多数人ê语言当做标准语真正常，华语kā当做外国语，咱对外国话mā m̄ thang好歧视，英语咱to teh学a，华语mā是真有路用ê一ê语言，是按怎爱kā歧视，无必要，尚介chē人讲ê话做标准话是正常，像讲印度，in有国家ê标准语，但是各省有各省ê省语，各省内底，各县mā可能有县语，che拢县定ê语言，是合法ê，你讲会乱，哪会使按呢讲，he本chiâⁿ着爱按呢a，一ê地区用in尚自然ê话做标准语，che尚介自然ê a。

卵：虽然che是真自然，但是chit-má iá koh无啥人敢讲。

洪：主要惊客人。

卵：我参加chiok chē客人ê活动，in若讲着共同语，拢主张用北京语，chit-ê问题chiok歹处理ê，伊tō讲北京话你mā听有，为啥么无爱用，chiok歹去kā人说服ê。

洪：像钟肇政，伊甘愿讲北京话，着是无爱讲福佬话。 卵：我听蕨伊讲福佬话lah。

洪：tī台湾笔会，伊第一句一定是客话，chiah讲北京话按呢福佬话绝对无爱讲。像伊kap巫永福讲北京语，巫永福kā讲『你讲客话lah，你讲客话lah，我听有。』其实，讲客话实在是听无lah，听三、四siâⁿ着chiok gâu ê。你chit-má kā说服无路用，in chit- má有一ê危机感，in感觉尚大ê敌人是福佬话，所以咱对chit种少数ê人，爱抱着一种爱护ê心理，但是mā bōe冻卒仔食过河a，siuⁿ过ah霸、siuⁿ过无理mā是抹使。