《胡文池牧师kap布农族》

 | | | 转寄

哀哉!盖tī沙土上ê教会

作者 胡文池 2009.03.01

打马烟教会是噶玛兰族ê代表性教会。教堂kap信徒ê厝起tī海边沙地上，灵性上mā是án-ne。

打马烟教会，伊bat有过二百gōa名信徒。但是像晕花一现，转瞬消失tī教会历史中。原因何在?

我受派到头城教会，tī一九三六年四月第一主日，主持礼拜时， 看tio̍h tī会众最后列，坐有二位老太太，in身穿褪色ê乌色粗布衫裤，无穿鞋，面kap脚手lóng乎日头晒成赤铜色，垂头á坐，暮气 沉沉!一看就知影是庄脚人。了后chiah知影in是打马烟渔村教会残留落来ê信徒。

一八八三年末，偕牧师带领一阵门徒，浩浩荡荡前来噶玛兰地方传道。当时ê噶玛兰族(平埔族一支派)听信妖言，惊惶死了后会hō͘基督教传道师挖眼，取心。Siōng早m̄敢信教。了后头目「阿督」tī外地听了道，koh因被偕牧师挽嘴齿á信了主。阿督回乡了后劝告全部族人除去偶像，改信基督教领受洗礼。家己iáu借用偕牧师ê姓冠tī家己名字上。

偕阿督献出家己房屋为礼拜堂。每礼拜日人数有二百名之多。但是，该族民智未开，嗜酒、lán-si、吸鸦片样样来，徒有基督信徒之名，á无圣徒新生活之实，soah致使无法度tī本地kap勤俭成性ê汉人竞争，伊迁花莲谋生者真chē。因此打马烟教会ê人数渐渐减少，终到kui-ê教会消失。

一九一七年，徐春生传道师看tio̍h打马烟教会前途无望，tùi án-ne转向汉人khiā起ê头城传道，得tio̍h数名信徒，了后创立了头城教会，chiah将残留ê打马烟少数信徒合并过来。

虽然一九0一年偕牧师往生以了后，北部教会为tio̍h纪念伊tī噶玛兰方面ê传道功绩，bat捐献一座石造教堂tī打马烟， beh挽回教势，却得bē-tio̍h一丝á效果。无久以了后，盖tī海边沙地上ê所有茅屋，连石造ê教堂mā被暴风狂浪渐渐拖行，最后沉入去海底去了。

「那听见我chiah-ê话á不实行ê，ná亲像一个愚戆
Ê人，kā房屋盖tī沙土上，一遭风吹、雨phah、
水冲，房屋就倒塌了。」(马太福音七：26-27)

●哀 歌
衰哉!打马烟教会
「有谁像你遭受án-ne灾难?
你ê灾祸像大洋无边无际。」(哀歌二：13)

「主teh发怒ê日子，
连家己ê圣殿mā丢了。
(哀歌二：1)

「lín是上帝ê殿，上帝ê灵tòa-tī lín内面。
因此，若是有人毁坏了上帝ê殿，上帝一定
tio̍h毁灭伊。」(歌林多前书三：16-17)