《胡文池牧师kap布农族》

 | | | 转寄

大奇迹!长子出生时-tī头城教会

作者 胡文池 2009.03.08

伊一生只有这一pái来访问我，tú踏入门tio̍h知影阮某难产，gín-á生bōe出来，伊马上转身回宜兰叫来伊助产士ê姐姐，我ê长子tùi án-ne得救。

上帝是咱患难中及时ê帮助(诗篇四六：1)

头城(当时叫头围)是一个小乡镇，教会mā小，礼拜日只有二十名左右ê信徒聚会。

一九三七年三月三十日清早，阮某腹肚忽然痛起来，这痛并m̄是因讨厌ê胃病所引起，却是hō͘人惊喜koh紧张ê阵痛 ，十月怀胎，阮期待已久ê小宝宝teh-beh来临了。

当时ê头城小镇无病院、诊所、甚至连助产士lóng无。只有古老、非专业性、无牌照ê老阿婆为人接生。阮某阵痛，这是头一胎，无生过子女ê经验，所以我随时请来一位接生婆。伊真紧to̍h来，无带出诊医药包、诊察器或听诊筒。双手空空ê来，用这双手摸摸阮某ê大腹肚，问东问西，然后讲：「是beh生了，但是只是tú tú开始有徵状，距出生iáu有一段时间。」讲完伊就tńg去了。

到了下晡，阮某腹肚一阵一阵痛kah厉害koh紧促，接生婆koh来看，chit-pái伊讲；「teh要生了!快准备婴儿用品。」伊叫阮某用力，伊mā助阵出大力帮忙，ē-sái讲是久久婴儿就是生不落来。接生婆焦急如烧热锅上ê蚂蚁，mā lóng无办法。

大约下晡四点，有一位神学生来访问我，伊名字叫李雅各，是宜兰教会郑苍国牧师娘ê小弟(李雅各了后来留学美国，成做台湾神学院ê教授。)真奇怪，我kap伊并无熟，伊突然来访，这是伊第一pái访问头城教会，了后mā无koh来过，的确是上帝所差派来ê。

李雅各一踏入门就听tio̍h阮某痛苦ê Aih hngh声，得悉是gín-á生bōe出来ê难产，无kap我交谈几句话就讲beh tńg去厝叫姐姐来帮助。伊姐姐就是宜兰教会郑苍国牧师娘，mā就是大名鼎鼎ê正牌助产士郑李秋兰女士。由头城到宜兰当时tio̍h坐一点钟头ê火车。助产士匆匆赶来头城，已经是日落西山了。

伊马上为妇人人phah催生针，婴儿无久就降生了，但因时间拖延siuⁿ久，婴儿出生时不哭mā不呼吸，看起来kah-ná绝望了。助产士马上为婴儿注射强心剂，并用各种急救方法操作，婴á终其尾「oah oah!」哭出声来。助产士讲：「假使koh再延迟五分钟，婴儿就无救了。」

「上帝是咱患难中及时ê帮助」，伊ê话一点mā无错。如果m̄是上帝差遣李雅各来看看我，郑秋兰女士mā bōe知影阮正需要帮助， án-ne后果真不堪设想。

Chit件事对我厝来讲是比主耶稣救活眶鲁ê cha-bó͘-kiáⁿ koh-khah直接、koh-khah切实，mā hō͘我亲身体验到上帝tī我身上所行ê神迹。

郑牧师娘救活了我ê gín-á了后，看时间已经暗时八点了。为tio̍h beh jiok-tio̍h最后一班车，伊快步走往火车站。一上车，火车就开了。但是郑牧师娘当时家己mā有身孕。为tio̍h救活我ê gín-á，生死关头时ê紧张，加上走往火车站ê激烈运动，伤害了腹中ê小生命，soah致使保不住家己ê胎儿，竟然làu胎了。这实在是真大ê牺牲。

数日了后，我往宜兰教会。向牧师娘感谢了后问伊接生费ài jōa-chē时，伊讲：「同工么，讲什么接生费!帮忙是应该ê」。伊以爱心坚持m̄收礼，阮感觉过意m̄去。为tio̍h表示一点小意思，过了二、三工koh再往宜兰送伊一只大阉鸡。了后chiah知影，chit只鸡被关tī鸡舍了后，隔工就phah无见去。是被偷neh?iáu是逃命neh?bē-tàng á知，总讲一句是一去无koh tńg来了。

郑牧师kap牧师娘lóng是真慈祥ê人，爱护同工，提拔了后辈。阮tī头城时，时常往访in，领教良多。In ê宿舍是兰阳一带传教师ê免费旅馆，饭厅是同工ê免费食堂。

郑牧师kap牧师娘bat体验过传道师生活ê清苦，所以鼓励阮某ài读产婆学，做助产士来帮助家计。因为伊ê指导内人才买来二本助产学，tī厝苦读：因看上主帮助，竟然考tiâu助产士。

自此以后m̄-nā阮ê生活改善，mā hō͘八个子女lóng受tio̍h良好教育。