《胡文池牧师kap布农族》

 | | | 转寄

恶犬归回真主-tī头城教会

作者 胡文池 2009.03.15

br> 伊ê名字虽然不文雅，性情却温柔，伊m̄-bat伤害人。伊真孝顺年老母亲。听了福音以后归回真主，mā孝顺天顶父亲。

Tī头城有一位木工，名恶犬。Chit名字实在不文雅。为何父母为伊起án-ne无好听ê名字!

我m̄知影。大概因为古时ê迷信，认为名字恶劣ê婴儿鬼魔无爱，才 bē将伊掠去。如花莲加礼苑教会昔时一位长老名叫真臭ê「鸡膏」(to̍h是鸡屎)，mā有人名叫「犬屎」，我ê a舅叫「乞食」(乞丐)。Lóng是因为迷信ê关系。

有一pái，我因托伊修理木桶ê机会认bat伊。伊是一位老实勤劳而且真孝顺年老母亲ê青年。了后来我时常讲救主ê道理hō͘伊听并教授伊罗马字。伊患有中耳炎，耳孔发出恶臭，流出脓水来。大概因为sàn-chhiah，无钱chhōe医生治疗。为tio̍h帮助伊，我充当赤脚医生，hō͘伊红汞水擦耳孔，并为伊祈祷。无久，伊ê中耳炎竟痊愈了。

伊ē-tàng读罗马字，读过真道问答了后就信了主，参加礼拜。后来伊iáu被选做教会执事，成做头城教会栋梁。伊ê母亲虽然年纪大，却m̄是老顽固，伊hō͘ kiáⁿ儿信仰自由。这是我自神学院毕业了后第一pái奉献hō͘主ê礼物-领人归主，印象特别深刻，喜乐继续特别久，直到现在iáu 长留心底。