《胡文池牧师kap布农族》

 | | | 转寄

磨练身心秘诀

作者 胡文池 2009.02.15

五十六年前，tī淡水中学一年级ê英文课本上，念到一句外国谚语．我iáu ē-tàng记得清清楚楚．chit句话就 是
Early to bed and early to rise, is the way to Health, wealth, and wisdom.
(早睡kap早起是通往健康、富有、智慧之道路)
谚语(to̍h是俗语)是人类生活体验出来ê结晶，一句简 单ê话语thang表达一大堆生活上ê真理，hō͘咱得tio̍h益处。

早睡
依照淡水中学规定，学生宿舍是暗时十点熄灯，强迫学生困。我tī当时养成了一生ê早睡习惯，hō͘我不致过劳thang保持健康ê快乐。虽然期考，我mā m̄-bat开夜车苦读苦害家己。真chē人因工作或娱乐到三更半暝，soah致使受凉或失眠，甚至引起其他病症。你看!大都市ê人比庄脚人晚睡，虽然三餐鱼肉不缺，反tńg四界lóng是大病院，每家病院，ta̍k工客满为患。

早起
小学时chūn，我ê身躯瘦弱，时常感冒，患有敏感性慢性鼻炎，鼻孔常阻塞无通。有一工tī报纸上看tio̍h医学报导「用冷水摩擦全身」对这毛病有效，就决心照办。自初中一年开始，我每工早起五点就起床，早祷了后就kap一位同学经过乌暗ê行廊，进入浴室以冷水用力摩擦全身，磨练肉体，hō͘伊m̄惊冷。虽然冷水透骨ê寒天mā m̄-bat间断。此法果然有效，半年以了后就无koh对寒冷敏感，鼻炎mā痊愈了：身躯mā强壮起来。Tùi-án-ni了后数十年，我继续照样做，保持健壮ê身躯，到山地奔走，传报主ê福音。

智慧、富有
Tī中学时，每工清早由浴室tńg来到寝室ê时chūn，真chē同学iáu teh享受甜睡美梦。但是这宁静ê早起却是我头脑siōng清晰，读册siōng好ê时光，因此我ê学业一直保持优良。

讲到财富，阮相信伊是上帝ê恩赐(历代志下三十二：29)，并m̄是人人追求thang得。

读册人所ē-tàng得tio̍h ê chit本册本上ê智慧kap精神上ê富有。我m̄是商人，mā m̄是企业家，所以金银虽然无，但有灵性上ê丰富，喜乐kap感谢ê生活。

胃病得痊愈
Tī淡水中学时，我时常胃部不爽快，mā可能是久坐读册，运动不足所致，食了真chē药品lóng无看tio̍h效。

了后来得tio̍h启示!我想：我饮开水就bē胃痛，食了饭菜就胃痛。án-ne，我若将各样食物嚼细为汤状，就一定bē痛chiah是。所以我就将每一嘴饭菜慢慢咀嚼七十次，一直到食物变成水一般chiah吞落去，án-ne 继续落去，以后胃就不痛了。

咱ê身躯是上帝ê殿(林前三；16 )，为tio̍h hō͘主使用，咱必须tio̍h保护身躯维持健康。