《胡文池牧师kap布农族》

 | | | 转寄

忠心ê老仆人―胡牧师夫妇

作者 林 秋 雄 2010.02.14

原载一九九五年四月三十日纽奥良台福基督教会献堂感恩特刊
林 秋 雄

一九九一年胡文池牧师夫妇来美探亲。预定目nih-á khiā起停留，无想tio̍h chia空气新鲜、安静，一tòa就四年。这四年，却大大改变了阮纽奥良台福教会。

胡牧师一生奉献hō͘主，伊深入台湾siōng高ê山地传福音，m̄惊食苦kap艰难。第一步得先boeh学习in(布农族)ê语言。伊所学习ê m̄是普通ê会话，却是翻译语文ê研究。因伊甘愿立志奉献为山地。就必需了解in ê文化背景、生活习惯，然后翻译圣经kap圣诗，教in ē-tàng看ē-tàng唱、ē-tàng了解。Án-ne chiah ē-tàng将福音传hō͘ in，默默耕耘三十年ê岁月，将青春奉献hō͘山地ê原住民，拯救了数不尽ê灵魂。神重用伊、使用伊，并且伊乐意跟tòe、忠心服事、尽心尽力，不惊惶山地ê艰难，有时行路、爬山路七天才ē-tàng达到目的地，koh-khah m̄惊山蛇kap蚊á，食ê是山薯kap煮不熟ê山猪肉，常常闹腹肚，tòa ê是硬竹板，好佳哉伊lóng ē-tàng tòe遇á安，属ê恩惠tī伊身上。

牧师娘mā仝款奉献伊ê一生tī山地。孙雅各牧师娘创办玛利亚产院免费为原住民服务，伊被聘为产院院长兼助产士，十年中为原住民接生了五千gōa位âng-eⁿ-á。因此圣经讲:「传福音报喜信，其脚踪何其美。」in夫妇完完全全奉献hō͘原住民。胡牧师看tio̍h有人重生受洗，就报喜信hō͘天顶ê主，牧师娘看tio̍h婴孩出生就报喜信hō͘地上ê人。In ta̍k工喜乐，怪不得老仆人身躯健壮，如今八四岁耳目清醒，讲道有序。真是感谢神。

八十岁来美国，认为ē-tàng真正退休，但是看tio̍h咱ê教会像tú断奶ê婴儿，如任伊自由生活，真怪可怜。Tùi án-ne常常关心照顾，为阮祈祷，无论tī查经、讲坛，伊lóng m̄推辞，慢慢将伊扶养长大茁壮。阮教会几年来lóng是借用美国教会ê一间幼稚级教室，当崇拜聚会场所。常常tī阮主日崇拜了后，英国教会就khà电话来埋怨，m̄是阮教室整理无好，就是教室纸屑一大堆，án-ne hit种。老牧师娘听了心里真甘苦，kā阮讲:「如果自已有一间属家己ê教会m̄知jōa好!」tī伊ê祈祷里常常为chit件事关心，并且对主倾诉，tī祈祷会mā常常提出建堂ê事工。建堂ê tāi-chì对阮来讲是m̄敢想。但是老牧师讲:「上帝是从来to无创造有，只要有信心，事就必成。」老牧师娘讲:「咱牧会数十年，从来m̄-bat见过一间礼拜堂盖不起来ê，凭信心去求去做上帝就会赐hō͘咱一间自已ê礼拜堂。」因此in he有信心ê意志力，不断恳求ê心终其尾感动了神、感动了同工。有一工郭显达兄kap胡牧师夫妇暗暗á推进chit件艰难ê建堂事工，tùi án-ne同工会就成立了建堂委员会，积极chhōe合适ê教堂，最后神ê旨意，hō͘阮看tio̍h一间空房，四、000坪方，位置适当，对阮非常理想，以美金十万元买下。虽然设计，估价一波三折，神一再历练造就阮ài有信心，内部装潢十五万，设备三万元，kap其他共计需花费美金三十万之谱。Chiah-ê数字m̄是阮能力kap原来计画ê数字。数来数去lóng是差了一大笔。Ē-sái讲是神ê恩典，超过阮所ē-tàng，老牧师kap牧师娘为chit件事koh再祈祷，in tāi先奉献。

并且有信心，向台湾ê亲人朋友khà电话，结果是超过伊所想像ê。建堂事工终其尾tī in kap郭显达兄弟夫妇尽心尽力下并同工、兄姐努力奉献下听讲无举债，真是哈利路亚，感谢主。In来chia本以退休念头享年，无想tio̍h煞hō͘ in有chiah-ê负担。看tio̍h礼拜堂完成in心里感谢、满足，将荣耀归hō͘主。In无参加献堂感恩礼拜就回台湾了，献堂ê喜乐就留hō͘咱大家。In一生操劳为主忠心，真无愧为老仆人。