《胡文池牧师kap布农族》

 | | | 转寄

后 记

作者 胡文池 2010.01.31

台湾山地传教总司令，孙雅各牧师siōng早派遣我到山地传教时，bat交代我boeh办二件事，就是：
1. tio̍h尽速传福音
2. tio̍h翻译圣经为布农话
我听从命令，一面传福音，一面学习布农话，以备翻译圣经，从m̄敢懈怠。

一、传福音
「万事lóng有时效。」(传道册三：1)
我进入山地传教hit时，台湾各地尚无电视，夜间boeh招请原住民来听福音真容易，in单纯ê心灵得tio̍h神特别ê祝福，福音就渐渐传开到每一个村庄了。一九七八年，布农族教会已经发展为中会，成做自治、自养、自传ê宣教团体。

二、翻译圣经
原住民自古以来虽然有语言，但是无文字。我到山地二年了后，就用罗马字制定十七个字母教授in。五年了后，出版布农语圣歌集kap马太福音传。

一九七三年，布农语新约圣经终其尾出版，完成ê了所受托ê任务。

有关出版布农语圣经，上帝一直kap我同在并有siōng良好ê安排。因为天主教方面mā希望使用chit本圣经，就派瑞士籍ê贝惠德神父来协助商讨出版事宜。

伊由瑞士招请小妹专程来台，为tio̍h这圣经phah字，奉献半年宝贵ê时间，准备原稿，来方便制版kap付印，贡献真大。

三、回首前尘lóng主恩
福音已经传遍布农族各村，新约圣经也已经翻译完成。

Chit时，我ê头毛已经苍白，小兵变成了老兵， bōe-sái koh再翻山jú岭。因此tī一九七一年八月申请退休，tńg来到平地来做自由传道工作。

无想tio̍h一九八二年六月十五日，台湾神学院认为我对山地传教有所页献，就赠送我荣誉神学博士学位。次年五月，台湾省政府mā以我热心公益，服务人群，特别表扬并颁赠奖牌。

得tio̍h远些奖赏，我除了满心感谢上帝外，iáu特别tio̍h感激ê是我妇人人-叶宝玉女士，伊是我传道几十年来siōng得力ê助手。伊tùi纯德高女毕业了后就kap我结婚，过tio̍h牧家勤俭刻苦ê生活。一九四0年通过台湾总督府助产士检定考试合格了后，m̄-nā ē-tàng为人接生贴补家用，hō͘儿女们lóng ē-tàng受良好教育，上帝mā赐hō͘妇人人满满ê爱心，hō͘伊常用实际行动帮助sàn-chhiah ê人，或帮助我接待原住民宣道师。

Tī传福音ê事工上伊mā真积极，常利用kap产妇接触ê机会传福音hō͘ in。最近tī台北亲友ê囍宴中，二位刘家súi ê姐妹前来对妇人人讲:「非常感激您将福音传hō͘我祖母，hō͘阮tùi án-ne lóng ē-tàng认织主，真正，非常多谢您。」福音传hō͘ in ê祖母刘陈彰美女十，是四十年前ê事，福音ê种子tùi-án-ni tī in家发芽，长大。现在伊ê二个kiáⁿ儿lóng是教会长老，孙儿tī团契或教会中mā lóng热心服事主，感谢上帝赐福chit-ê家庭。

妇人人除了当助产士外，iáu bat任「山地女子圣经学校音乐名师」二年，关山国中音乐老师二年，「玛利亚山地产院」院长十年，十年中接生了超过五千名娃儿，可见当初伊是何等无闲。我每pái外出关布道会、讲习会lóng tio̍h几工，伊除了无闲ê工作，iáu kā八个儿女lóng照顾得真好，厝里mā整理得清气整洁，hō͘我无后顾之忧。

我不是beh夸耀家己ê人，只是想表达我内心无限ê感激。如果无伊近半个世纪辛勤地配搭，恐惊我一生ê事奉就beh phah真大ê折扣。

「那美好ê仗我已经phah过了，当走ê路我已经走尽了。」现在对世间ê名利mā看淡了，只等待上主ê恩召，tī天堂享受永远ê荣光。