《胡文池牧师kap布农族》

 | | | 转寄

我ê外甥泰钟

作者 胡文池 2009.11.29

一九九四年ê十二月中旬，我tī美国突然接tio̍h一封tùi台湾寄来ê信，拆开一看竟然是失去联系多年ê外甥写ê。Tòe信并夹有，一张金额有淡薄á大ê支票，boeh奉献hō͘纽奥良教会建堂之用。

迫不急待地，我将信tùi头到尾阅读一pái。Hō͘我大惊一tiô ê是，chit位外甥竟然tī无久前信主受洗成做基督徒。并且夫妇kap gín-á lóng热心tī教会事奉，其信主过程之曲折kap惊奇，禁bē-tiâu由心底发出「感谢主，o-ló主」之赞叹!

回想过去，家妹尚tī人世时，嫁tī林家为媳，林家为一虔诚到项ê传统民间信仰家庭，而且严格遵守逢三、六、九食斋之规定。尚会记得，in每工清早早起必先盥洗，乘坐人力三轮车，先到附近庙宇烧香膜拜。事毕koh再tńg去厝里登上二楼清洁供桌kap更换供果。二楼专作供奉各路神明之用，并且聘有专任ê童乩念经诵佛。如遇厝内重大决定，或楼脚贸易公司之商业决策，lóng先由童乩抽签问神，然后再koh裁夺。每工清早做完chiah-ê供奉ê tāi-chì了后，chiah食khah早，开始一工ê工作，比起基督徒ê晨koh-khah之虔诚，有过之á无不及。

每pái我tùi东部到台北时，遇有机会beh向in传福音时，家妹则讲 「哥哥，我知影你是作牧师ê，若是你看阮厝ê红供桌顶chiah-ê神明kap神明ê祝福，你就不免koh讲。」hit时，的确家妹in ê seng-lí兴隆，非常富裕。我只好回头，默默为in一家ê得救，求神怜悯。事隔多年，家妹也已经破病过身，一间儿女分散各地，数人移居巴西，泰钟外甥mā tī其中。

来信中，据伊家己提起，一九八二年结婚了后移居巴西，兄弟姊妹各自为主。旋koh tńg去tńg来台湾，祖先留落来ê hiah-ê木石神明khǹg tī堂上，由伊一人照顾。因为主ê怜悯，hō͘伊tī多年前用寿杯问卜神明时，hiah-ê神明kā伊讲ài读「圣经」。到了一九九一年时，koh一pái，hiah-ê神明boeh伊去教堂祈祷，求上帝ē-tàng hō͘ chiah-ê堂上ê灵mā thang到教堂去。后来，koh tī卜寿杯中知影，堂上ê灵lóng到教堂去了，归属耶稣基督，因此m̄免koh再烧香拜拜了。Á chit位外甥一家，就如此奇妙ê信主得救了。

Tī我事奉ê生涯中，无论tī台湾山地或是东部地区、西部各地，看见过各式各样由m̄信、迷失ê景况到被主拯救ê过程。但是，像我ê外甥chit种藉民间信仰用卜杯，被神明指示去敬拜上帝成做上帝喜爱kap重用ê儿女，mā是我第一pái遇tio̍h ê。愿一切ê荣耀，感谢lóng归hō͘父上帝。阿门!