《胡文池牧师kap布农族》

 | | | 转寄

酒是万恶根源

作者 胡文池 2009.10.25

一九四七年，我初到关山时，常看tio̍h布农族人蹲tī街道边，三五结群饮酒，谈笑欢乐。有kóa人已经醉倒tī路边困。无论iáu teh饮酒ê或倒tī路边ê lóng是全身lah-sap不堪，情景十分可怜。

「酒」，布农话是「davus」kap「甜」(madavus)同一语源。Tī山区无糖仔，hit种iáu未变成酒ê发酵饭，甜甜ê，是高级ê米糕饭，莫怪「酒」ê名字叫「甜」，确实不虚其名。

一九四八年，有一个暗时，我tī延平乡桃源村布道了后，当地ê乡民代表真细jī地留我tī in-tau过夜。

早顿时，桌顶只放了一大碗朱红色ê饭，其他无任何佐料。我食时chiah发现饭是甜甜ê，我问主人「这是什么?」伊答讲：「是造酒ê原料，这饭无久会变成酒。」

In造酒方法非常简单。经过发酵ê米饭内含酒精，只要除去其渣滓，汁就ē-tàng饮用了。Chit种粗制ê酒，虽然含有杂质，饮多了仝款thang hō͘人醉倒。

酒tī山地确实造成真大ê损害。

一、粮食ê损失
日人统治ê初期，in thang自由造酒。M̄知节制ê山胞先民因制酒耗尽了庞大ê粮食。当久旱收成无好时，欠缺粮食，soah致使全家饿死ê事件也bat发生。

二、金钱ê损失
自从小镇卖有米酒了后，山胞纷纷前来购买，无钱只好赊账，因此每工lóng可见到山胞挑运蕃薯或薪木前来iáu酒帐。还了旧帐koh再欠新帐，次日劳碌工作koh来iáu帐。Án-ne继续落去，永久成做酒ê奴隶。

Tòa-tī靠近山地ê商人，大thàn原住民ê酒钱soah致使发财。原住民若口袋有三元五元，总不考虑留待明á载，即时买酒，无人kā钱存在银行。直到福音传入山地，智识大开，现在已经有真chē人将钱存入银行了。

三、健康受损
饮酒了后容易患感冒，这是人人lóng知ê事实。

原住民饮酒不时不醉不散，非醉无停，醉酒了后tòe地倒下困。寒天koh-khah易招来伤风感冒。

以前ê原住民，无患高血压或心脏病者。但是to̍h是有百分之七十人口是肺病患者，因为in不注重卫生，感冒、慢性气管炎soah致使变为肺病。

四、犯罪之源
「浓酒hō͘人喧哗」(箴言二十：l)

In醉酒了后，性情变hia-pai凶暴，soah致使时常发生争论，甚至相打。若tī村庄内底，男女老幼集体饮酒，有ê人故意少饮，tī大家醉倒了后行淫。的确，「酒会hō͘人放荡」(以弗所册五：18) 十多年前，tī关山附近有一位布农族人，因醉酒倒tī路边，无thang奈何，其妻叫不醒伊只好先tńg去厝里看顾子女。

其夫醒来时已经是午夜，步履蹒跚地tńg来到了家，伊怀疑其妻另有新欢，chiah会放弃伊独自tńg去厝里。Tī酒意iáu未完全清醒时，糊糊涂涂地，竟然the̍h起自用猎枪，对准其妻开枪，「碰」了一声，其妻卧地，血流不止á死。

翌晨治安人员来到in-tau，以手铐铐了凶手，beh chhōa伊行时，伊ê四岁gín-á，giú-tiâu伊ê衫裤不放，并大声啼哭讲：「爸爸!为什么你要phah死妈妈?为什么?」

旁观者lóng流出了同情ê目屎，感觉可怜。

五、出草(猎人头)ê原因
以前有一句俗语讲：「大陆有虎，台湾有高山族。」

这是当时ê人siōng惊ê事。日本政府bat tī山麓界线teh铁线kā围，带有高压电，来防止in落山。

In为什么高山族以前bat残忍凶暴，出来猎人头neh?

根据in由先民传落来ê故事讲：「大约三百年前，有一个台湾人名叫Baksia，有一工，伊邀请数名族人到集集街饮酒，m̄知何故，伊tī酒中放毒杀害了这数名族人。因此in ê同胞为tio̍h报仇，就开始猎人头。」

被欺负受压迫ê人，tī无法度忍耐时出手伤人，mā是真自然ê事。In siōng早ê动机mā可能是报复，但是了后来tī山胞ê心目中，有出草(猎人头)ê胆量chiah会hō͘人尊为英雄。

但是beh出来猎人头mā是一件危险ê事，因此tī出发时，必须饮酒壮胆。饮了酒，chiah会丧失理性，后果真是不堪设想。

六、酗酒soah致使不生育
上帝对始祖讲：「lín tio̍h生养真chē儿女，hō͘ lín ê后代遍满全世界。」这是上帝对人类ê祝福。所以人口增加是自然ê事。

一九四五年台湾光复时，布农族ê人口是一万八千人。Chit-ê数目是自十多年来一直维持来ê，一点lóng m̄增加。查其原因有二点。第一点是结婚了后ê女人有半数不生育。第二点是，因为in不bat育儿ê方法，真chē婴儿患破伤风，或营养不良á夭折。

对tī平地人来讲，除非用人工避孕，或者患病，若无一般ê妇人lóng会生育ê。布农kap平地人lóng是仝款上帝ê儿女。其不生育ê原因只在tī酒ê问题。

自开始向原住民传道以来，阮长老会ê方针是坚决禁止信徒饮酒。到一九七0年布农总人口已增加到二四、二0七人，增加人数多达六千gōa人。由此可见酒毒害了真chē布农女人bōe-sái生育。

一九七0年以后ê人口问题我bōe-sái koh再提起，因为这时代to̍h是政府奖励节制生育，kap酒ê问题已无关系了。