《胡文池牧师kap布农族》

 | | | 转寄

月娘hō͘ in饮酒

作者 胡文池 2009.10.18

「酒」，对汉人来讲，是一种嗜好品，有人认为伊thang补体强身，有人借酒浇愁。Tī社交习惯上，宴飨人客mā lóng细jī地讲「敬备薄酒」，若无对人客是无酒to̍h 无得礼。

Tī传统上，祭鬼神、拜祖宗mā lóng必须「敬酒」三杯。Chiah-ê lóng成做bē-tàng缺少ê至上礼仪。
对山胞来讲，酒m̄-nā是一个人嗜好品，mā是团体ê娱乐。同时mā是in ê宗教，犯罪ê根源，剿家灭族ê暴君。日本政府bat用警察ê力量来强制矫正in酗酒ê恶习，却无效果，因为in讲月娘叫in饮酒。

直到福音传入山地了后，全能ê主耶稣chiah改变酒徒成做圣徒。
一位布农族老人对我讲起为什么in必须饮酒ê一段有趣味故事。
太古时代，有二个日头，每日tī上空日夜无停地照耀地上。

有一工，一位妇人带伊ê婴儿到山顶工作，伊将婴儿放在地上，用棕树插在地上作阴影遮盖婴儿，继续伊ê工作。不jōa久，伊听bē-tio̍h婴儿ê声音，回过头来一看，发现树叶已枯干，婴儿mā被日头ê炎烧热焦死并变成四脚蛇了。伊随时tńg去厝里将chit-ê tāi-chì kā丈夫讲。

伊ê尪非常震怒，带tio̍h长子向东方前进，beh为婴儿报仇。父子每日无停地前进，jú山过岭，几十年了后父亲死去，长子继承父亲遗志，无停地koh再前进。

最后到了日头升起ê所在。伊用弓矢向日头射去，果然成功地射中了日头ê目睭，chit-ê日头因流血siuⁿ过chē，失去了光辉，面色变苍白，就是现在ê月娘。

Chit位青年同情月娘流血ê痛苦，将家己kho͘-á tī胸前ê布献hō͘月娘拭去面上ê血迹。Hit时月娘对伊讲：「lín m̄知影，lín每工ê生活，万物ê生育lóng是óa靠我。就是因为lín忘恩负义，婴儿chiah会受罚á死，所以以后每月月圆ê时chūn， mài bē记得过节来纪念我ê恩惠，án-ne lín ê子孙chiah会兴旺。」

布农族人相信了这传说，所以in家己酿酒，并tī每月ê月圆之夜，畅饮欢乐，表示对月娘ê报恩。

Chit项传说，hō͘单纯ê族人陷入魔鬼ê诡计，成做酒奴、酒鬼，一生醉生梦死，迷信、犯罪，soah致使自灭。