《胡文池牧师kap布农族》

 | | | 转寄

谁比较聪明

作者 胡文池 2009.08.02

「自称做聪明，反成了愚拙。」(罗马册一：22)

一九四九年，我到马远传福音，当时kui-ê村庄lóng无人信主。有一人名叫披马(pi-ma)，伊真想信主但koh惊惶受骗。Tùi án-ne布道会结束了后，伊行到附近ê杂货店问老板ê意见。

那时chūn ê原住民不时到杂货店买酒lim，每工lóng lim得醉醉ê，昏昏沉沉ê过日子。杂货店thàn siōng chē ê mā就是in ê酒钱。老板惊原住民信主了后会清醒，会戒烟酒，á影响了伊ê seng-lí。所以当披马来问伊该无应该信主时，伊用了一句自认为真有智慧ê话反问披马讲:

「你认为阮平地人比较聪明。Iáu是lín山地人?」
「当然lín比较聪明!」披马坦承ê讲。因为伊想tio̍h族人tī山间艰苦ê生活，怎样ē-tàng和平地ê文明人相比。
「那就对了!你看看阮平地人无几个信基督教，如果基督教真正真好，阮早lóng去信了。阮m̄信，你为什么boeh戆戆ê去相信neh?」老板讲。

披马听了，感觉真有道理。但是圣灵tī伊内心动工，伊m̄-nā接受耶稣为救主，了后来iáu去读玉山神学院，成做传道师、牧师。

当初我到马远布道时，按马bat热诚地接待我到in-tau tòa宿，并将屋中kan-ta有ê一件毛毯hō͘我盖。In则tī厝内用木柴生火，一家人缩身围靠火边取暖，度过寒冷ê冬夜。过了几年，我koh有机会到马远教会讲道，披马koh再接待我到in家，无想tio̍h in全家信主了后，家境改善了真chē，厝内m̄-nā已经有kúi-nā件温暖ê棉被，iáu增添了bē少ê家俱，甚至连缝纫机、脚踏车mā lóng有了。

感谢主，福音ê好消息不似改变了in ê心，mā改善了in ê生活。

马远教会设教四十周年感恩礼拜时，我koh度遇tio̍h披马，伊感激ê对我讲:「佳哉你来传福音，kā chiah-ni̍h重要ê信息kā阮讲。Hō͘阮chiah有今á日，真是多谢您。」由in感恩ê心，我mā禁bē-tiâu感谢主赐hō͘ in智慧ê心来接受福音。

「你tio̍h专心仰赖耶和华，bē-tàng倚靠家己ê聪明;tī你一切所行ê事顶面，lóng tio̍h认定伊，伊必指引你ê路。Mài自认为有智慧， tio̍h敬畏耶和华，远离恶事，这便医治你ê肚脐、滋润你ê百骨。你tio̍h以财物kap一切初熟ê土产，尊荣耶和华。Án-ne，你ê仓房，必充满有chhun;你ê酒榨，有新酒盈溢。」(箴言三：5－10)