《台语kah魔术》

 | | | 转寄

实用的罗马字

作者 苏晏德 2017.11.19

实用的罗马字 Si̍t-ēng ê Lô-má-jī

罗马字 罗马字 Lô-má-jī Lô-má-jī
逐家来学罗马字 Ta̍k-ke lâi o̍h Lô-má-jī
话语书写真便利 Ōe-gí su-siá chin piān-lī
字母干焦十七字 Jī-bó kan-ta cha̍p-chhit jī

罗马字 罗马字 Lô-má-jī Lô-má-jī
台湾族语爱重视 Tâi-oân cho̍k-gí ài tiōng-sī
罗马拼音真趣味 Lô-má pheng-im chin chhù-bī
实用好记好准备 Si̍t-ēng hó-kì hó chún-pī

罗马字 罗马字 Lô-má-jī Lô-má-jī
台文写作爱靠伊 Tâi-bûn siá-chok ài khò i
真心写出台湾味 Chin-sim siá-chhut Tâi-oân-bī
记事方便有意义 Kì-sū hong-piān ū ì-gī

罗马字 罗马字 Lô-má-jī Lô-má-jī
你是阮的好兄弟 Lí sī goán ê hó hiaⁿ-tī
若是袂晓罗马字 Nā-sī bē-hiáu Lô-má-jī
你的人生欠一味 Lí ê jîn-seng khiàm chi̍t-bī