《台语kah魔术》

 | | | 转寄

0311台湾教师节

作者 苏晏德 2024.03.10

教师节(台语文)
Kàu-su-cheh

三月十一教师节
Saⁿ-goe̍h cha̍p-it Kàu-su-cheh
老师用心来教册
Lāu-su iōng-sim lâi kà-chheh
文武双全逐项会
Bûn-bú siang-choân ta̍k-hāng ē
教阮表演展才艺
kà goán piáu-ián tián châi-gē

教师节庆有意义
Kàu-su chiat-khèng ū ì-gī
老师恩情无地比
Lāu-su un-chêng bô-tè-pí
疼咱袂输是亲生
Thiàⁿ lán bē-su sī chhin-siⁿ
金言玉语阮永记
Kim-giân gio̍k-gí goán éng-kì

教师佳节献感恩
Kàu-su ka-chiat hiàn kám-un
恩师辛苦为着阮
Un-su sin-khoó ūi-tio̍h gún
祝福老师永青春
Chiok-hok lāu-su éng chheng-chhun
身体健康一百分
Sin-thé kiān-khong chi̍t-pah-hun

教师节日谢恩师
Kàu-su cheh-ji̍t siā un-su
老师亲像咱爸母
Lāu-su chhin-chhiūⁿ lán pē-bú
教咱做人佮处事
Kà lán chò-lâng kah chhú-sū
生活充实阁丰富
Seng-oa̍h chhiong-si̍t koh hong-hù