《宁毁不銹―马偕e5故事》

 | | | 转寄

弦á声永远bē停

作者 曹永洋 2009.04.05

马偕自1871年离开祖国加拿大，不知不觉已经进入第káu-ê年头。

1879年ê秋天，加拿大母会海外宣道会希望伊回国休假述职。马偕翁á-bó tio̍h kā 20所教会kap 3百gōa名信徒，交hō͘其他ê传道人员负责，tī仝年12月26日离开淡水，敢程回加拿大。

In先坐船到南部，传道师kap会友lóng含tio̍h目屎kā in送行。1880年1月1日船离开台湾经厦门、香港。新加坡、槟榔屿、锡兰到印度。In沿途拜访教会kap学校．mā tī各地证道。

4月1日离开印度到埃及，了后访问耶路撒冷、耶利哥、约旦河、死海、奥地利、法国，达到英国伦敦时，tòa-tī马雅各医生厝内。最后经苏格兰，tī 6月24日安然tńg到加拿大魁北克。

因为chiah-ê日chí以来，马偕tī台湾ê宣教工作，成绩真好，伊tńg来到祖国，甚至到美国各地所做ê证道演讲，随时受tio̍h真chē人ê关心、兴趣kap参与，伊ê募款工作mā得tio̍h热烈ê响应。Chit位昔日hō͘人看做是「chi̍t位急出头ê青年」，chit-pái回国soah变成逐家心目中ê「海外宣教英雄」。

Kap伊同行ê chit-ê台湾sin-pū，koh-khah是引起真chē人ê好奇kap关心。伊tòe马偕tī各地教会证道ê时chūn，伊kúi-nā-pái kā台湾ê情形讲hō͘妇女听。伊tī亲友为in tńg去台湾前举行ê欢送会应邀上台，简单来报告（马偕翻译），伊tī加拿大旅行ê美妙感受。

马偕牧师kap牧师娘ê tńg来国内，hō͘牛津郡左拉村ê故乡乡民，感觉无比ê光荣kap欣慰。透过报纸ê报导披露，募集加币6千2百15元，全部交hō͘马偕chah..tńg来台湾。

马偕翁á-bó带tio̍h家己故乡得来ê募款，怀tio̍h感恩kap喜乐ê心情，tī 1881年12月29日由加拿大tńg来台湾，积极筹建chi̍t间现代化ê学堂，koh kā故乡捐款人ê希望hō名做「理学堂大书院」简称「牛津学堂」（Oxford College）。伊成做台湾教育史上历史siōng久ê学校之it。

牛津学堂设tī现在ê真理大学校园内底（hit间学校原本是淡水工商管理学校。1999年热天奉准改名「真理大学」）。牛津学堂tī 1882年7月21日起好，siōng早设立ê目的是培育训练传道人材，mā是今á日阳明山岭头台湾神学院前身。当初是由马偕自加拿大tńg去台湾了后，选择tī淡水炮台埔ê小山仑顶完成..e。

马偕ùi厦门买砖瓦，亲自绘图设计，koh监督工程ê进行。伊kap早期ê台湾真chē所在城墙建筑仝款，因为当时无红毛土，是用石灰搅煮熟ê chū米、乌糖kap水代替，建造完成后mā算坚固。

Chit-ê红色砖á起ê建筑，tī百gōa年了后ê今á日，已hō͘人列为国家jī级古迹。伊除了做hit间学校校史馆之用，mā成做hit间学校ê精神标竿kap无价之宝。

当时ê牛津学堂前，有铺真chē条小路，siōng súi ê是学堂头前ê hit条。nn̄g旁有种高大ê cheng-á。路面铺ê是小基隆海边取得ê粗沙，沙中参夹tio̍h góⁿ彩缤纷ê贝壳。透早ia̍h-sī黄昏，马偕时常家己tī chit条小道顶头散步。

自台北捷运系统淡水线通车了后，真chē游客tī参观soah淡水红毛城了后，mā lóng会sah去设tī红毛城后面ê真理大学校园内，参观古色古香ê牛津学堂。