《台湾谚语咸酸甜》

 | | | 转寄

爸.一头，母.三担。（献hō͘伟大ê母亲）

作者 Lahjih 2007.07.15

自从hit工父母创造我生命， 十月怀胎，lóng tòa-tī阿母ê子宫内， 病囝真厉害，腹肚chiah大kâi， 心情郁卒，偷偷流目屎； 阿爸kan-nā会晓欢喜我beh来，恬恬期待。 ôaⁿ-á一声来到世界，阿母thiám-kah嘴á裂鳃鳃， 为tio̍h幼chiN2e5红婴，一目nih都m̄敢离身边， beh困àⁿ-tī keh-lang-kha,食奶惜tiàm胸前， chhōa尿、溢奶，放屎、洗浴，hō͘阿母真无闲； 阿爸chhāi-tiàm阿母身边听命令，心情清清。 一岁两岁手里抱，三岁四岁土脚sô， iah-beh洗衫，iah-beh煮食， iah-beh顾chit-ê金囝，阿母m̄-bat讲一句「厌」， 拖磨mā好，快乐mā好，为tio̍h金囝，阿母lóng真心适； 阿爸kā我抱chhit-thô，lóng tī心情好。 五岁六岁beh读册，学校那leh行灶脚， 惊我tòe人be7tioh8，逐日陪leh读册， 惊我bē大，送饭包koh陪我食， ùi入学到出业，学校有i chiâⁿ chē脚迹； 阿爸关心--ē是「习题有写抑无写？」 十一二岁beh tńg大，生理、心理lóng要紧， cha-po͘会变声，爱相扑，莽莽撞撞tio̍h-ài教， cha-bó͘囡á ê ta̍p-tih tio̍h-ài thōa，知影M.C是啥？ tīm补、营养，装súi、买奶裌á，tio̍h阿母chiah知影； 阿爸ê任务，付出钱银，以外--ê可以免听。 升学竞争，阿母上牺牲， 早起款饭包，送出门，一分一秒等，期待平安入门， 为tio̍h考大学，读到一半暝，阿母仝款等到三更， 拴茶汤、泡牛奶，惊我寒，随时kā我添衫； 阿爸为tio̍h一家会生活，已经入眠准备明á载koh拚。 ùi细汉kā阮chhiâⁿ，chhiâⁿ kah大汉beh嫁娶， 阿母iáu原bē放心，不sám时都leh kā我问， 你有快乐无！恁翁á某tio̍h-ài和好！ 知影阿母m̄是leh lô-so,因为阮mā已经是人ê父母； chit-chūn ê阿爸，阿母好，i就好，好好好！bē lô-so。 「爸.一头，母.三担」，讲去无têng-tâⁿ， 生囝、饲囝、chhiâⁿ囝，lóng是靠父母， 阿爸是山，hō͘阮倚靠， 阿母ê疼，阿母ê惜，âⁿ阮大汉，是心灵ê水泉， 伟大ê母亲，永远是阮阿娘。

【注解】： 1.爸.一头，母.三担：一担分两头，三担是一头ê六倍。 2.thiám-kah嘴á裂鳃鳃：虽然生囝艰苦，但是心内欢喜。 3.幼chíⁿ：幼嫩。 4.àⁿ-tī keh-lang-kha：[在胳肢窝下呵护]。 5.溢奶：ek-leng。 6.洗浴：sé-e̍k。 7.chhāi-tiàm：[站在]。 8.iah-beh：[又要，也要]。 9.厌：ià，讨厌，厌倦。 10.心适：sim-sek,趣味。 11.那leh行灶脚：[像出入厨房那样，时常。] 12.tòe人be7tioh8：[跟不上别人]。 13.tńg大：进入青春期。 14.ta̍p-tih：lô-so代志。 15.tio̍h-ài thōa：需要学习。 16.tīm补：煮补品。 17.装súi：[打扮]。 18.M.C：月经（menstrualcycle）。 19.奶裌á：leng-kah-á，[乳罩]。 20.添衫：thiⁿ-saⁿ。 21.chhiâⁿ：养育栽培。 22.不sám时：随时，常常。 23.无têng-tâⁿ：无m7tioh8。 24.âⁿ：[呵护]。 25.出业：似为日语「卒业」之转；毕业也。