《台语荒漠甘泉（全罗版）》

 | | | 转寄

"Siu-chéng chheng-khì"

作者 陈清俊 翻译 2012.02.19

listen

Jī ge̍h cha̍p-káu (Jī ge̍h cha̍p-káu ji̍t)

"kìⁿ-nā kiat ké-chí ê, I chiū siu hō͘ i chheng-khì, hō͘ i kiat ké-chí koh khah chōe." (Iok-hān hok-im 15:2)

Ū chi̍t ê Chú só͘ thiàⁿ ê kiáⁿ-jî, siông-siông tú-tio̍h khó͘-lān, kám-kak cha̍p-hun ê oh lí-kái. Tī chi̍t ê chhiu thiⁿ, i kiâⁿ kàu chi̍t ê phû-thô-hn̂g, lóng bô chéng-siu. Phû-thô-tîn soan kàu ta̍k só͘-chāi, thô͘-kha iā sī cha̍p-chháu hoat kah chi̍t sì-kòe, kui ê hn̂g ná chhin-chhiūⁿ bô lâng koán-lí. I tng teh siūⁿ gán-chiân chêng-kéng ê sî, hit ê thiⁿ-téng ê tōa Hn̂g-teng sòe-siaⁿ tī i ê hīⁿ-khang piⁿ kóng ōe. I chi̍t ē thiaⁿ liáu, put-tek-put kóaⁿ-kín ài kap lâng hun-hióng chit ê pó-pòe ê sìn-sit.

"Góa só͘ thiàⁿ ê kiáⁿ ah, lí kám-kak lí só͘ siū ê chhì-liān chin chōe mah? Ōe kì-tit chit ê phû-thô-hn̂g, tùi i lâi o̍h chi̍t ê kong-khò. Hn̂g-teng tī phû-thô siu-sêng liáu, bōe koh kiat ké-chí ê sî, i chiū thêng-chí siu-chéng phû-thô châng, thô͘-kha ê cha̍p-chháu iā pàng i khì. In-ūi kiat ké-chí ê cheh-kùi kè-khì lah, bô su-iàu koh hē kang-hu lōng-hùi kang. Tùi lâng lâi kóng, lâng nā bô siū khó͘, lâng beh piàn-chiâⁿ pha-hng, hùi-bu̍t, bô lō͘-ēng. Lí ài góa thêng-chí tùi lí ê chéng-siu mah? Chhut-chāi lí khì mah?"

I móa-sim tit-tio̍h an-ùi, tōa-siaⁿ kóng, "M̄-thang thêng-chí chéng-siu." --- Homera Homer-Dixon

Ōe kiat ké-chí ê chhiū-ki, siu-chián, chéng-siu,
Chián liáu, khah gâu tōa, sìⁿ-miā koh hong-siu.
Sin íⁿ, sin hio̍h siu chián-khì,
Bí-hó ê chu-thài iā bô-khì;

Hoaⁿ-hí ê oa̍h-miā sit-lo̍h, bí-lē siū toa̍t-khì,
Goān-bōng kui tī thô͘, siū-siong thiah-li̍h.
Hoaⁿ-hí ah!
Sui-jiân goān-bōng, bōng-sióng, hi-bōng lóng siū-thiu,
Che sī chhut tī Siōng-tè thiàⁿ ê sèng-chhiú.

Giâ-to hit ê un-jiû ê chhiú, ēng chián, ēng koah, ēng siu,
Sī ài lí ê sìⁿ-miā koh khah tōa sêng-chiū. --- Annie Johnson Flint


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org