《台语荒漠甘泉（全罗版）》

 | | | 转寄

"Lâi tè Góa"

作者 陈清俊 翻译 2009.03.15

listen

Saⁿ ge̍h cha̍p-gō͘ (Saⁿ ge̍h cha̍p-gō͘ ji̍t)

"Chhin-chhiūⁿ tō͘-ún ê Ngá-kok, … Góa beh hō͘ lí chòe phah gō͘-kak sin ê khì-kū." (Í-sài-a 41:14-15)

Sī-m̄-sī chit nn̄g hāng ū siong-tong ê cheng-chha, tō͘-ún kap sin koh ū khí ê khì-kū? Thâng, tō͘-ún sī chhùi-jio̍k ê, hō͘ chio̍h-thâu kòng, chhia-lián géng chiū sí-bô; ū khí, lāi-lāi ê phah niû ê khì-kū, ū-sî ōe phah chhùi chio̍h-thâu, á-sī chiong chio̍h kā siah chi̍t khih. Choân-lêng ê Siōng-tè beh chiong chi̍t hāng piàn chiâⁿ chòe lēng-gōa chi̍t hāng. I ê lêng chù-ji̍p khì, chhin-chhiūⁿ nńg-nńg ê tō͘-ún ū it-chhè ê jio̍k-tiám ê lâng, á-sī bîn-cho̍k ê sin-chiūⁿ, hō͘ hit lâng, á-sī bîn-cho̍k hoat-hui chhiong-hun ê le̍k-liōng, tī in ê le̍k-sú sî-tāi chòe-chhut chhim-oán ê éng-hióng.

Sui-jiân sī chi̍t-chiah sió-sió ê tō͘-ún, iā thang ióng-kám khí-lâi, Choân-lêng ê Siōng-tè ōe hō͘ lán ū lêng-le̍k khek-ho̍k khoân-kéng, hō͘ chêng-sè tùi lán piàn chòe iú-lī. Khò Siōng-tè ê tōa-lêng, lán ê lêng beh iâⁿ-kè it-chhè. Sīm-chì lán beh tùi-hù siōng o͘-àm ê sit-bāng, kā I li̍h--khui, phòa--khui, beh hoat-hiān pó-chio̍h tī lāi-bīn. Thiⁿ-pē sù lán ū kǹg-thih-pan ê ì-chì, phòa khui khùn-lân, ná thih-pê pê chhùi siōng tēng ê thô͘. I tī téng-bīn ê keng-bûn án-ni kóng “Góa beh hō͘ lí…” I kiám bōe án-ni chòe mah? – John Henry Jowett

Ki-tok ēng tē-chiūⁿ phòa-chhùi ê mi̍h lâi kiàn-li̍p I ê kok-tō͘. Lâng lóng sī beh ēng kong-kiông, sêng-kong, sèng-lī kap siōng ióng ê mi̍h lâi kiàn-li̍p ông-kok. Chóng-sī Chin-sîn sī hiah ê bô sêng-kong, sit-pāi ê lâng ê Siōng-tè. Thiân-tông tú-tú hō͘ chiah ê jîn-kan phòa-chhùi ê sìⁿ-miā lâi pó͘-móa. “Siū-siong ê lô͘-úi” (Í-sài-a 42:3) bô chi̍t ki bô hō͘ Chú Ki-tok the̍h lâi, hoe-ho̍k tī siū chiok-hok koh bí-hó ê êng-iāu tē-ūi ni̍h. I chiong chi̍t ê siū thòng-khó͘ pi-siong teh-chhùi ê sìⁿ-miā piàn-chòe chi̍t ê ōe hoat-chhut o-ló siaⁿ-im ê khîm. I chiong tē-chiūⁿ sit-pāi, siong-sim ê, thê-seng chòe thiⁿ-téng ê êng-kng, sèng-lī.

“Lâi tè Góa, Góa beh hō͘ lí…”
Kóng-chhut Góa ū-la̍t ê ōe khí-tāng,
Chòe lîn-bín ê kang,
Sûi-sî pang-chān ê lâng.

“Lâi tè Góa, Góa beh hō͘ lí…”
Chòe lí só͘ bōe chòe ê tōa,
Ū sìn, jîn-ài, koh in-chhōa,
Chhin-chhiūⁿ Góa.


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com