《台语荒漠甘泉（汉罗版）》

 | | | 转寄

无可能ê事

作者 陈清俊 译 林俊育 汉罗翻写 2011.11.27

listen
十一月二七（十一月二十七日）

「因为(in-ūi) 上帝(siōng-tè) 所(só͘) 讲(kóng) ê 话(ōe)，无(bô) 一(chi̍t) 句(kù) 无(bô) 力(la̍t)。」（路加(lō͘-ka) 1：37）

Tī 欧洲(au-chiu) siōng 高(kôan) ê 山(soaⁿ)，A-lí-phí-sú 山(soaⁿ)（Alpine)ê 山谷(soaⁿ-kok) 中(tiong)，上帝(siōng-tè) ta̍k 年(nî) 就(chiū) teh 创造(chhòng-chō) 奇迹(kî-chek)。日时(ji̍t-sî) 有(ū) 大(tōa) 太阳(thài-iông) 照(chiò)，暗时(àm-sî) 有(ū) 冰雪(peng-seh) 冻(tàng)，气候(khì-hāu) 变化(piàn-hòa) 真(chin) 大(tōa)。总是(chóng-sī) tī 冰雪(peng-seh) khah 薄(po̍h) ê 所在(só͘-chāi)，有(ū) 一种(chi̍t-chióng) 花草(hoe-chháu)，ōe 对(tùi) 冰(peng) ê 中间(tiong-kan) puh 出来(chhut-lâi) 真(chin) 灿丽(chhàn-lē) ê 花蕾(hoe-m̂)。这(che) 小小(sió-sió) ê 花(hoe)，叫做(kiò-chòe)「高山(ko-san) 钟(cheng) 花(hoe)」（soldanelle plant)，伊(i) thài ōe 有(ū) chiah-nih 大(tōa) ê 能力(lêng-le̍k) ah?

原来(gôan-lâi) chit 种(chióng) 花草(hoe-chháu)，当(tng) 热天(jo̍ah-thiⁿ) ê 时(sî)，伊(i) 将(chiong) 叶(hio̍h) chhun tī 地(tōe) 里(nih) 真(chin) 阔(khoah)，thang 吸收(khip-siu) 日头(ji̍t-thâu) ê 光(kng) kap 热(jia̍t)，chiah-ê 能(ōe) lóng 存(chûn) tī 伊(i) ê 根(kun) ê 内面(lāi-bīn)。当(tng) 春天(chhun-thiⁿ) 到(kàu)，雪(seh) 里(nih) ê 性命(sìⁿ-miā) 开始(khai-sí) 醒(chhíⁿ) 起来(khí-lâi)，小小(sió-sió) ê 花草(hoe-chháu) puh 芽(íⁿ)，奇妙(kî-biāu) 来(lâi) 发出(hoat-chhut) 细细(sòe-sòe) ê 热气(jia̍t-khì)，渐渐(chiām-chiām) 将(chiong) 顶面(téng-bīn) ê 雪(seh) 溶(iûⁿ) 出(chhut) 一个(chi̍t-ê) 气囊(khì-lông)。

Chit-ê 植物(si̍t-bu̍t) ná 大(tōa) 丛(châng)，tī 顶面(téng-bīn) ê 气囊(khì-lông) 就(chiū) ná 大(tōa) 粒(lia̍p)，一(chi̍t) 直到(ti̍t-kàu) 花(hoe) m̂ 安全(an-chôan) 形成(hêng-sêng) 好势(hó-sè)。Siōng 尾(bé)，盖(khàm) tī 顶面(téng-bīn) ê 冰雪(peng-seh) hō͘ 气囊(khì-lông) 大(tōa) 到(kàu) 破(phòa) 一(chi̍t) 孔(khang)。植物(si̍t-bu̍t) ê 花(hoe) m̂ 就(chiū) tùi chit-ê 孔(khang) chhèng 出来(chhut-lâi) 雪(seh) 顶(téng)，开(khui) 出(chhut) 细细(sòe-sòe) 紫色(chí-sek) ê 花(hoe)，伊(i) ê 花(hoe) 片(phiàn) 金(kim) siak-siak，ná 亲像(chhin-chhiūⁿ) 经过(keng-kòe) 一段(chi̍t-tōaⁿ) 真(chin) 痛苦(thòng-khó͘) ê 行程(hêng-têng) 所(só͘) 致(tì) ê 记号(kì-hō)。

Chit 种(chióng) 细细(sòe-sòe) 脆弱(chhùi-jio̍k) ê 花(hoe) hō͘ 我(góa) ê 心(sim) 有(ū) 大大(tōa-tōa) ê 感触(kám-chhiok)，m̄ 是(sī) tī 低(kē) ê 山坪(soaⁿ-phiâⁿ) 中(tiong)，花草(hoe-chháu) 所(só͘) 开(khui) chiok súi ê 花(hoe) 所(só͘) hō͘ 我(góa) ê 感触(kám-chhiok) 一样(chi̍t-iūⁿ)。咱(lán) ài 看(khòaⁿ) 无(bô) 可能(khó-lêng) ê 事(sū) 变做(pìⁿ-chòe) 可能(khó-lêng)，koh 成做(chiâⁿ-chòe) 事实(sū-si̍t)，上帝(siōng-tè) 也是(iā-sī) án-ni。

所以(só͘-í)，咱(lán) ài 坚持(kian-chhî)、忍耐(jím-nāi)，将(chiong) 咱(lán) ê 困境(khùn-kéng)、人类(jîn-lūi) ê 乌点(o͘-tiám)、怀疑(hôai-gî)、m̄ 信(sìn)、lóng 总(chóng) ê 困难(khùn-lân)、反对(hóan-tùi) 上帝(siōng-tè) ê 作为(chok-ûi)，lóng 推(thui) 送(sàng) tī 上帝(siōng-tè) ê 顶面(téng-bīn)，也是(iā-sī) bōe-thang 阻挡(chó͘-tòng) 上帝(siōng-tè) ê 奇妙(kî-biāu) 创造(chhòng-chō) 奇迹(kî-chek) ê 能力(lêng-le̍k)。愿(gōan) 咱(lán) ōe 专心(choan-sim) 信靠(sìn-khò) 伊(i)，因为(in-ūi) 伊(i) 是(sī)「ōe 做(chòe) 出(chhut) 不可能(put-khó-lêng)」ê 上帝(siōng-tè)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org