《台语荒漠甘泉（汉罗版）》

 | | | 转寄

信心ê thèng候

作者 陈清俊 译 林俊育 汉罗翻写 2011.11.20

listen
十一月二十（十一月二十日）

「见若(kìⁿ-nā) thèng 候(hāu) koh 到(kàu) 一(chi̍t) 千(chheng) 三(saⁿ) 百(pah) 三十五(saⁿ-cha̍p-gō͘) 日(ji̍t) ê，hit-ê 人(lâng) 有(ū) 福气(hok-khì)。」（但以理(tān-í-lí) 12：12）

Thèng 候(hāu) kah-ná 是(sī) 真(chin) 快(khòai) ê 事(sū)，做(chòe) 一个(chi̍t-ê) 基督(ki-tok) ê 兵丁(peng-teng)，却(khiok) 需要(su-iàu) 真(chin) chōe 年(nî) ê 训练(hùn-liān) chiah 学(o̍h) tio̍h 这(che) 功课(kong-khò)。对(tùi) 上帝(siōng-tè) ê 兵丁(peng-teng) 来(lâi) 讲(kóng)：行军(hêng-kun)、操练(chhau-liān)，若(nā) kap thèng 候(hāu)、静静(chēng-chēng) 来(lâi) 比较(pí-kàu)，是(sī) khah 容易(iông-īⁿ)。

当(tng) tú-tio̍h tāi-chì，心(sim) 乱(lōan) chhau-chhau，m̄ 知(chai) 头前(thâu-chêng) ê 方向(hong-hiòng)，也(iā) m̄ 知(chai) beh án 怎(chóaⁿ) 做(chòe)，连(liân) siōng 有(ū) 信心(sìn-sim) ê 人(lâng)，ài 为(ūi) 主(chú) 来(lâi) 行(kiâⁿ) 一生(it-seng) ê 人(lâng)，也会(iā-ōe) tú-tio̍h chit 种(chióng) 情形(chêng-hêng)，beh án 怎(chóaⁿ)？是(sī) 失望(sit-bōng) 灰心(hoe-sim)？是(sī) 回头(hôe-thâu) 忍(jím) neh?是(sī) 无(bô) 方向(hong-hiòng) lām-sám 向前(hiòng-chêng) 冲(chhiong) mah?

Lóng m̄ 是(sī)，这(che) 是(sī) ài 你(lí) thèng 候(hāu) ê 时(sî)，祈祷(kî-tó) teh thèng 候(hāu)，求(kiû) 上帝(siōng-tè)，将(chiong) 你(lí) ê 困境(khùn-kéng) 排列(pâi-lia̍t) tī 伊(i) ê 面前(bīn-chêng)，将(chiong) 困难(khùn-lân) 讲(kóng) hō͘ 伊(i) 听(thiaⁿ)，koh 提醒(thê-chhíⁿ) 伊(i) 答应(tap-èng) beh 帮赞(pang-chān)。

Tī 信心(sìn-sim) ê thèng 候(hāu)，坚决(kian-koat) 不疑(put-gî) 相信(siong-sìn) 伊(i)。若是(nā-sī) 伊(i) ài 你(lí) 等到(tán-kàu) 半暝(pòaⁿ-mî)，你(lí) 也是(iā-sī) 相信(siong-sìn)。伊(i) beh tī 极(ke̍k) 适当(sek-tòng) ê 时(sî) 来(lâi) 实现(si̍t-hiān) 伊(i) 为(ūi) 你(lí) 备办(pī-pān) ê 将来(chiong-lâi)。

Thèng 候(hāu)，平静(pêng-chēng)、安心(an-sim)、耐心(nāi-sim) ê thèng 候(hāu)，莫得(bo̍h-tit) 为(ūi) tio̍h 你(lí) 所(só͘) 想(siūⁿ) 出(chhut) ê 原因(gôan-in) 来(lâi) 埋怨(bâi-òan)，这(che) ná 亲像(chhin-chhiūⁿ) 以色列(í-sek-lia̍t) 人(lâng) 对(tùi) 摩西(mô͘-se) 出(chhut) 怨言(òan-giân) 一样(chi̍t-iūⁿ)。接受(chiap-siū) 现今(hiān-kim) ê 情形(chêng-hêng)，全心(chôan-sim) 交代(kau-tāi) tī 上帝(siōng-tè) ê 手中(chhiú-tiong)，除去(tû-khì) 家己(ka-kī) ê 想法(siūⁿ-hoat)，对(tùi) 主(chú) 讲(kóng)：「主(chú) ah，无(bô) 照(chiàu) 我(góa) ê 意思(ì-sù)，是(sī) 照(chiàu) 你(lí) ê 旨意(chí-ì)。」（路加(lō͘-ka) 22：42）我(góa) m̄ 知(chai) beh án 怎(chóaⁿ) 做(chòe)，我(góa) 是(sī) tī 极(ke̍k) 困苦(khùn-khó͘) 中(tiong)，需要(su-iàu) 你(lí)，我(góa) beh thèng 候(hāu)，等(tán) 你(lí) 将(chiong) 目前(ba̍k-chêng) ê 大海(tōa-hái) 分开(pun-khui)，等(tán) 你(lí) 将(chiong) 前面(chêng-bīn) ê 对敌(tùi-te̍k) 赶走(kóaⁿ-cháu)。假使(ká-sú) 我(góa) ài 等(tán) 真(chin) 久(kú)，我(góa) 也(iā) beh 等(tán)。亲爱(chhin-ài) ê 主(chú)，我(góa) 专心(choan-sim) thèng 候(hāu) 你(lí)，等(tán) 你(lí) ê 拯救(chín-kiù) nā-tiāⁿ。我(góa) ê 灵(lêng) 全心(chôan-sim) 自信(chū-sìn) teh 等待(tán-thāi) 你(lí)，你(lí) 是(sī) 我(góa) ê 拯救(chín-kiù)，我(góa) ê 喜乐(hí-lo̍k)，「因为(in-ūi) 你(lí) 是(sī) 我(góa) 逃闪(tô-siám) ê 所在(só͘-chāi)，做(chòe) 我(góa) 坚固(kian-kò͘) ê 高台(kôan-tâi)，thang 脱离(thoat-lî) 对敌(tùi-te̍k)。」（诗篇(si-phian) 61：3）

Thèng 候(hāu)，耐心(nāi-sim) ê thèng 候(hāu)，
上帝(siōng-tè) 无(bô) 失效(sit-hāu)，
你(lí) ê 计画(kè-ōe) hē tī 上帝(siōng-tè) ê 手头(chhiú-thâu)，
Thèng 候(hāu) 伊(i) 来(lâi) tháu，
Thèng 候(hāu)，koh thèng 候(hāu)，
耐心(nāi-sim) ê thèng 候(hāu)。

信靠(sìn-khò)，ǹg 望(bāng) ê 信靠(sìn-khò)，
上帝(siōng-tè) teh 做(chòe)；
除去(tû-khì) 你(lí) 心内(sim-lāi) ê cho-cho。
伊(i) ê 旨意(chí-ì) 将(chiong) 你(lí) 生活(seng-o̍ah) 改造(kái-chō)，
信靠(sìn-khò)，koh 信靠(sìn-khò)，
Ǹg 望(bāng) ê 信靠(sìn-khò)。

安歇(an-hioh)、平和(pêng-hô) ê 安歇(an-hioh)，
Tī 救主(kiù-chú) ê 胸前(heng-chêng) 惜(sioh)；
排列(pâi-lia̍t) 你(lí) 大(tōa) 计画(kè-ōe)，事业(sū-gia̍p) 基石(ki-chio̍h)，
伊(i)beh成就(sêng-chiū) hō͘ 你(lí) tiô koh 笑(chhiò)，
安歇(an-hioh)，koh 安歇(an-hioh)，
平和(pêng-hô) ê 安歇(an-hioh)！ ――Mercy A. Gladwin


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org