《台语荒漠甘泉（汉罗版）》

 | | | 转寄

万事交托主

作者 陈清俊 译 林俊育 汉罗翻写 2010.11.21

listen
十一月二一(十一月二十一日)

「Tio̍h 将(chiong) 你(lí) ê tāi-chì 交代(kau-tāi) 耶和华(iâ-hô-hoa)。」(诗篇(si-phian) 37：5)

不管(put-kóan) 你(lí) 有(ū) 甚么(sím-mi̍h) 事(sū)，任何(jīm-hô) ê 重担(tāng-tàⁿ) lóng 讲(kóng) hō͘ 上帝(siōng-tè) 听(thiaⁿ)，将(chiong) kui-ê tāi-chì 交托(kau-thok) tī 伊(i) ê 手中(chhiú-tiong)。Án-ni 做(chòe)，你(lí) 就(chiū) bōe 受(siū) tio̍h 世间(sè-kan) ê 纷乱(hun-lōan)、冲突(chhiong-thu̍t)，kap 挂虑(kòa-lū)。事实上(sū-si̍t-siōng)，不管(put-kóan) 甚么(sím-mi̍h) 时(sî) 准备(chún-pī) 做(chòe) 甚么(sím-mi̍h) 事(sū)，受(siū) 甚么(sím-mi̍h) 考验(khó-giām)，á 是(sī) 做(chòe) 日常(ji̍t-siông) 生活(seng-o̍ah) khang-khè，lóng 总讲(chóng-kóng) hō͘ 上帝(siōng-tè) 知(chai)。是(sī)，将(chiong) 一切(it-chhè) 向(hiòng) 伊(i) 讲明(kóng-bêng)，甚至(sīm-chì) 将(chiong) 重担(tāng-tàⁿ) 卸(sià) hō͘ 伊(i)，了后(liáu-āu) 你(lí) 就(chiū) 无(bû) koh 为(ūi) chiah-ê 事(sū) 忧虑(iu-lū) kap 烦恼(hôan-ló)。Tùi taⁿ 起(khí)，静静(chēng-chēng) 工作(kang-chok)、认真(jīn-chin)、谨慎(kín-sīn)，了解(liáu-kái) 你(lí) 是(sī) 完全(ôan-chôan) 靠(khò) 伊(i) 来(lâi) 进行(chìn-hêng) 工作(kang-chok)。将(chiong) 你(lí) ê 忧虑(iu-lū) kap 你(lí) 本身(pún-sin) 做(chòe) 一伙(chi̍t-hé)，ná 重担(tāng-tàⁿ) 交托(kau-thok) 上帝(siōng-tè)。――R. Leighton

今日(kim-ji̍t) 围(ûi) 造(chō) 一个(chi̍t-ê) 信心(sìn-sim) ê 篱笆(lî-pa) 园(hn̂g)，
疼(thiàⁿ) ê 工作(kang-chok) 充满(chhiong-móa) hit 中央(tiong-ng)，
明日(bêng-ji̍t) 莫得(bo̍h-tit) 看(khòaⁿ) 篱笆(lî-pa) gōa 远远(hn̄g-hn̄g)，
无论(bô-lūn) 喜乐(hí-lo̍k) á 忧伤(iu-siong)，伊(i) lóng 会(ōe) 担当(tam-tng)。

你(lí) beh 发现(hoat-hiān) 无(bô) 可能(khó-lêng)「将(chiong) 你(lí) ê tāi-chì 交代(kau-tāi) 耶和华(iâ-hô-hoa)」，除非(tû-hui) 你(lí) ê 事(sū) 有(ū) 符合(hû-ha̍p) tio̍h 伊(i) ê 同意(tông-ì)。只有(chí-ū) 通过(thong-kè) 信心(sìn-sim) 来(lâi) 做(chòe)，假使(ká-sú) 你(lí) ê 心内(sim-lāi) 甚至(sīm-chì) 有(ū) 一点点(chi̍t-tiám-tiám) á ê 怀疑(hôai-gî)，信心(sìn-sim) 就(chiū) bōe 发生(hoat-seng) 作用(chok-iōng)。将(chiong) tāi-chì 交托(kau-thok) 上帝(siōng-tè) 是(sī) 连续(liân-sio̍k) ê 动作(tōng-chok)，m̄ 是(sī) 孤孤(ko͘-ko͘) 一(chi̍t) pái 就(chiū) 够额(kàu-gia̍h)。不管(put-kóan) 伊(i) ê 引(ín) chhōa 是(sī) 真(chin) 意外(ì-gōa)，á 是(sī) 真(chin) 特别(te̍k-pia̍t) 无(bô) 平常(pêng-siông)，也(iā) 无管(bô-kóan) 伊(i) chhōa 到(kàu) 离(lī) 山崖(soaⁿ-gâi) jōa 近(kūn)，永远(éng-óan) m̄-thang 将(chiong) 引(ín) chhōa ê 索(só) tùi 伊(i) ê 手(chhiú) 抢(chhiúⁿ) 过(kè) 来(lâi)。

你(lí) 愿意(gōan-ì) 将(chiong) 你(lí) 一切(it-chhè) ê 事(sū) lóng 交托(kau-thok) 上帝(siōng-tè)，hō͘ 伊(i) 做(chòe) 决定(koat-tēng) mah?一个(chi̍t-ê) 基督徒(ki-tok-tô͘) 需要(su-iàu) 详细(siông-sè) 检验(kiám-giām) 伊(i) 本身(pún-sin) ê 习惯(si̍p-kòan) kap 见解(kiàn-kái) 看法(khòaⁿ-hoat)，因为(in-ūi) 咱(lán) 常常(siông-siông) 陷落(hām-lo̍h) tī 掠(lia̍h) 做(chòe) 上帝(siōng-tè) 一定(it-tēng) 同意(tông-ì)。Án-ni chiah 会(ōe) 有(ū) 一(chi̍t) kóa 基督徒(ki-tok-tô͘) 会(ōe) 着急(tio̍h-kip) kap 惊惶(kiaⁿ-hiâⁿ)。显然(hián-jiân) in 无(bô) 交代(kau-tāi) in ê 所(só͘) 做(chòe) hō͘ 主(chú)，完全(ôan-chôan) 交托(kau-thok) 伊(i)。In the̍h tāi-chì 到(kàu) 伊(i) ê 面前(bīn-chêng)，总是(chóng-sī) 离开(lī-khui) ê 时(sî)，也(iā) koh 将(chiong) tāi-chì 带(tòa) tò-tńg。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org