《台语荒漠甘泉（汉罗版）》

 | | | 转寄

一粒麦

作者 陈清俊 译 林俊育 汉罗翻写 2010.11.14

listen
十一月十四(十一月十四日)

「一(chi̍t) 粒(lia̍p) 麦(be̍h) 无(bô) 落(lo̍h) tī 地(tōe) 里(nih) 来(lâi) 死(sí)，就(chiū) 犹原(iû-gôan) 一(chi̍t) 粒(lia̍p) nā-tiāⁿ；死(sí) 就(chiū) 结实(kiat-si̍t) chōe-chōe。」(约翰(iok-hān) 12：24)

Tī 美国(Bí-kok) 麻州(mâ-chiu) (Massachusetts) North Hampton ê 所在(só͘-chāi)，有(ū) 一位(chi̍t-ūi) 古老(kó͘-ló) ê 墓地(bōng-tē)，美国(Bí-kok) 开拓(khai-thok) 时期(sî-kî) ê 宣教师(soan-kàu-su) David Brainerd tâi tī hia。

Tī 主后(Chú-āu) 1747 年(nî)，hit 时(sî) 伊(i) 只有(chí-ū) 29 岁(hòe)，tio̍h-tio̍h 肺痨(hì-lô) 过身(kè-sin)。伊(i) ê 墓(bōng) ê 边(piⁿ) á，有(ū) 当时(tong-sî) 美国(Bí-kok) 清教(chheng-kàu) 神学家(sîn-ha̍k-ka) Jonathan Edwards ê cha-bó͘-kiáⁿ，Jerusha Edwards ê 墓(bōng)。David Brainerd 真爱(chin-ài) Jerusha Edwards，in 已经(í-keng) 订婚(tēng-hun)，但(tān) sì 结婚(kiat-hun) ê 期(kî) iáu-bōe 到(kàu) 伊(i) 就(chiū) 过身(kè-sin) 去(khì)。

想(siūⁿ) 看(khòaⁿ) māi，kap hit-ê 青年(chheng-liân) ê 宣教师(soan-kàu-su) ê 死体(sí-thé) 作伙(chòe-hé) tâi tī 墓(bōng) 里(nih) ê，有(ū) 甚么(sím-mi̍h) 为(ūi) 基督(ki-tok) ê 真(chin) 道(tō) 所(só͘) 发(hoat) ê 希望(hi-bōng)、期待(kî-thāi)、ǹg 望(bāng)。Tī hit 时(sî) 只有(chí-ū) 回忆(hôe-ek)，kap 几(kúi) 十(cha̍p) 个(ê) 来(lâi) 信(sìn) 归(kui) 主(chú) ê 印地安(ìn-tē-an) 人(lâng) nā-tiāⁿ！总是(chóng-sī) hit 位(ūi) 伟大(úi-tāi) ê 清教(chheng-kàu) 神学家(sîn-ha̍k-ka)，Jonathan Edwards，本(pún) 希望(hi-bōng) David Brainerd ōe-thang 做(chòe) 伊(i) ê kiáⁿ 婿(sài)，就(chiū) 将(chiong) David Brainerd chit 位(ūi) 青年人(chheng-liân-lâng) 短短(té-té) ê 一生(it-seng) 写(siá) 做(chòe) 一(chi̍t) 本(pún) 小册(sió-chheh)。Chit 本(pún) 册(chheh) 亲像(chhin-chhiūⁿ) 发(hoat) 两(nn̄g) 支(ki) 翼(si̍t)，飞(pe) 过(kè) 大(tōa) 海洋(hái-iûⁿ)，到(kàu) 剑桥(kiàm-kiô) (Cambridge) 大学(tāi-ha̍k) 一个(chi̍t-ê) 学生(ha̍k-seng) 名叫(miâ-kiò) Henry Martyn ê 书桌(chu-toh) á 顶(téng)。

可怜(khó-lîn) ê Henry Martyn!伊(i) 受(siū) 好(hó) ê 教育(kàu-io̍k)，有(ū) 才华(châi-hôa)，有(ū) 好(hó) ê 前途(chiân-tô͘)。伊(i) 看(khòaⁿ) 了(liáu) hit 本(pún) David Brainerd ê 生平(seng-pêng) 传(tōan)，受(siū) 感激(kám-kek) 到(kàu) 性命(sìⁿ-miā) lóng bōe 顾(kò͘) 得(tit)。后来(āu-lâi) tī 1812 年(nî)，伊(i) tùi 印度(ìn-tō͘) beh 回(hôe) 英国(eng-kok)，伊(i) kiám 有(ū) 甚么(sím-mi̍h) 大(tōa) ê 成就(sêng-chiū)？伊(i) ê 健康(kiān-khong) 真(chin) bái，带(tòa) 病(pīⁿ) ǹg 北(pak) 到(kàu) 土耳其(thó͘-ní-kî) (Turkey) 近(kūn) 乌海(o͘-hái) ê Tokat 城(siâⁿ)，发烧(hoat-sio)，倒(tó) tī 一(chi̍t) 堆(tui) ê 马鞍(bé-oaⁿ) 下(ē) 遮(jia) teh，就(chiū) 死(sí) tī hia，chiah 三十一(saⁿ-cha̍p-it) 岁(hòe)。

Chiah-ê「浪费(lōng-hùi) 掉(tiāu)」ê 性命(sìⁿ-miā) 有(ū) 甚么(sím-mi̍h) 目的(bo̍k-tek)？Tùi 青年(chheng-liân) ê David Brainerd ê 墓(bōng)，到(kàu) 乌海(o͘-hái) 边(piⁿ) Henry Martyn ê 墓(bōng)，soah 兴起(heng-khí) 了(liáu) 现代(hiān-tāi) 宣教师(soan-kàu-su) ê 大军(tōa-kun)。――Leonard Wo͘lsey Bacon

有(ū) 甚么(sím-mi̍h) 沙漠(soa-bô͘)，á 大(tōa) 海(hái)，你(lí) kā 我(góa) 差遣(chhe-khián)？
Hia 有(ū) 树(chhiū) ài 锉(chhò)，有(ū) 地(tōe) ài 开展(khai-tián)，
带(tòa) 你(lí) ê 一(chi̍t) 把(pé) 种子(chéng-chí)，掖(iā) tī 远远(hn̄g-hn̄g) ê 心田(sim-tiân)，
直到(ti̍t-kàu) 收成(siu-sêng) 百(pah) 倍(pē)，来(lâi) 养饲(iúⁿ-chhī) 主(chú) kiáⁿ 儿(jî) 康健(khong-kiān)。

父(pē) ah!Kā 我(góa) 讲(kóng) 沙漠(soa-bô͘) 大(tōa) 海(hái) jōa 大(tōa)？
是(sī) 你(lí) ê 工程(kang-thêng) mah?伟大(úi-tāi) ê 上帝(siōng-tè)，差(chhe) 我(góa)！
虽(sui) bóng 我(góa) ê 体(thé) 倒(tó) tī 凶猛(hiong-béng) ê 海浪(hái-lōng) 淖(nòa)，
父(pē) ah!接受(chiap-siū) 我(góa) tī 忠信者(tiong-sìn-chiá) ê 祭坛(chè-tôaⁿ)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org