《台语荒漠甘泉（汉罗版）》

 | | | 转寄

坚定ǹg上帝

作者 陈清俊 译 林俊育 汉罗翻写 2010.07.18

listen
七月十八(七月十八日)

「因为(in-ūi) 耶和华(iâ-hô-hoa) ê 目睭(ba̍k-chiu) tī 全(chôan) 地(tōe) 看(khòaⁿ) 来(lâi) 看(khòaⁿ) 去(khì)；见若(kìⁿ-nā) 专心(choan-sim) ǹg 伊(i) ê，伊(i) beh 显明(hián-bêng) 伊(i) ê 大(tōa) 气力(khùi-la̍t) 帮赞(pang-chān) 伊(i)。」 (历代志录(le̍k-tāi-chì-lio̍k) 下(ē) 16:9)

上帝(siōng-tè) chhē 求(kiû) hiah-ê 心(sim) 坚定(kian-tēng) ǹg 伊(i) ê 男女(lâm-lú)，in 将(chiong) 一切(it-chhè) 信任(sìn-jīm) 伊(i)，伊(i) 也(iā) 热切(jia̍t-chhiat) ài in 做(chòe) khah 大(tōa) ê tāi-chì。历史(le̍k-sú) ê 时钟(sî-cheng) 已经(í-keng) tī 十一(cha̍p-it) 点钟(tiám-cheng)，最后(chòe-āu) ê 时(sî) chūn lah。

全世界(chôan-sè-kài) teh 看(khòaⁿ) 上帝(siōng-tè) beh 将(chiong) hiah-ê 交托(kau-thok) 性命(sìⁿ-miā) hō͘ 伊(i) ê 人(lâng) 做(chòe) 甚么(sím-mi̍h)。M̄-nā 全世界(chôan-sè-kài)，连(liân) 上帝(siōng-tè) 本身(pún-sin) 也(iā) teh 等(tán) 甚么(sím-mi̍h) 人(lâng) siōng 完全(ôan-chôan) 将(chiong) 家己(ka-kī) 献(hiàn) hō͘ 伊(i)，甘心(kam-sim) 放(pàng) sat 一切(it-chhè)，hō͘ 基督(ki-tok) 成做(chiâⁿ-chòe) 一切(it-chhè)，完全(ôan-chôan) 照(chiàu) 上帝(siōng-tè) ê 旨意(chí-ì)行(kiâⁿ) 事(sū)，能(ōe) 接受(chiap-siū) 基督(ki-tok) ê 谦卑(khiam-pi)、信心(sìn-sim)、疼心(thiàⁿ-sim) kap 力量(le̍k-liōng)，bōe 阻碍(chó͘-gāi) tio̍h 上帝(siōng-tè) ê 计画(kè-ōe)，永远(éng-óan) hō͘ 伊(i) 继续(kè-sio̍k) 做(chòe) 伊(i) 奇妙(kî-biāu) ê 工作(kang-chok)。――C. H. P.

你(lí) 若(nā) 无(bô) 求(kiû) 家己(ka-kī) ê 荣光(êng-kng)，上帝(siōng-tè) 通过(thong-kè) 你(lí) 所(só͘) 做(chòe) ê 事(sū) 是(sī) 无限量(bû-hān-liōng) ê。

Mí-lá Jio-jí (George Mueller) tī 九十(káu-cha̍p) gōa 岁(hòe) ê 时(sî)，tùi 一阵(chi̍t-tīn) 牧师(bo̍k-su) kap 基督徒(ki-tok-tô͘) 工作者(kang-chok-chiá) 讲(kóng)：「我(góa) 是(sī) tī 1825 年(nî) 11 月(ge̍h) 信(sìn) 主(chú)，但是(tān-sī) 到(kàu) 1829 年(nî) 7 月(ge̍h) 我(góa) chiah 完全(ôan-chôan) 将(chiong) 我(góa) ê 心(sim) 交托(kau-thok) 伊(i)。到(kàu) hit 时(sî)，我(góa) chiah 知(chai)，我(góa) ài 名利(bêng-lī)、权势(kôan-sè)，kap 世间(sè-kan) 一切(it-chhè) 享乐(hióng-lo̍k) ê 心(sim) 完全(ôan-chôan) 无(bô) 去(khì)，上帝(siōng-tè) 成做(chiâⁿ-chòe) 我(góa) ê 一切(it-chhè)。Tī 伊(i) ê 内面(lāi-bīn) 我(góa) 有(ū) 一切(it-chhè) 我(góa) 所(só͘) 需要(su-iàu)ê，我(góa) 无(bô) 其他(kî-tha) ê 愿望(gōan-bōng)。靠(khò) tio̍h 伊(i) ê 恩典(un-tián)，我(góa) 明白(bêng-pe̍k) koh 得(tit) tio̍h 伊(i) ê 充足(chhiong-chiok)，直到(ti̍t-kàu) 现在(hiān-chāi)，hō͘ 我(góa) 成做(chiâⁿ-chòe) 真正(chin-chiàⁿ) 幸福(hēng-hok) ê 人(lâng)，我(góa) 所(só͘) 关心(koan-sim) ê 只是(chí-sī) 上帝(siōng-tè) ê 事(sū)。亲爱(chhin-ài) ê 信徒(sìn-tô͘) 朋友(pêng-iú)，我(góa) 问(mn̄g) lín 是(sī) m̄ 是(sī) 将(chiong) 本身(pún-sin) 完全(ôan-chôan) 交托(kau-thok) 上帝(siōng-tè)，á 是(sī)，你(lí) ê 性命(sìⁿ-miā) 中(tiong)，无(bô) chhap 上帝(siōng-tè) 对(tùi) 你(lí) ê 呼召(ho͘-tiàu)，是(sī) m̄ 是(sī) iáu 有(ū) 甚么(sím-mi̍h) 物(mi̍h) m̄ 肯(khéng) 放(pàng)，á 是(sī) 交(kau) 出来(chhut-lâi) ê mah?

Tī 我(góa) iáu-bōe 交(kau) 出(chhut) 性命(sìⁿ-miā) ê 以前(í-chêng)，我(góa) 看(khòaⁿ) 真(chin) chōe 其他(kî-tha) ê 册(chheh)，反(hóan) tńg 圣经(sèng-keng) 看(khòaⁿ) khah 少(chió)。但是(tān-sī) tùi hit tiap 起(khí)，伊(i) 藉(chià) tio̍h 圣经(sèng-keng) hō͘ 我(góa) 明白(bêng-pe̍k) 伊(i) ê 真理(chin-lí)，hō͘ 我(góa) 有(ū) 讲(kóng) bōe 出(chhut) ê 福份(hok-hūn)。我(góa) 现在(hiān-chāi) 诚实(sêng-si̍t) tùi 内心(lāi-sim) 讲(kóng) 出来(chhut-lâi)，上帝(siōng-tè) 是(sī) 无限(bû-hān) 奇妙(kî-biāu) ê 神(sîn)！」

「请(chhiáⁿ) 你(lí) 定(tiāⁿ) tio̍h 决心(koat-sim)，若(nā) 无(bô) tùi 心灵(sim-lêng) siōng 深(chhim) ê 所在(só͘-chāi) 讲(kóng) 出(chhut)，『上帝(siōng-tè) 是(sī) 无限(bû-hān) 奇妙(kî-biāu) ê 神(sîn)』，就(chiū) m̄ 放(pàng)soah。」

我(góa) 今(kin) á 日(ji̍t) ê 祈祷(kî-tó) 是(sī) 求(kiû) 上帝(siōng-tè) hō͘ 我(góa) 成做(chiâⁿ-chòe) 一个(chi̍t-ê) 特别(te̍k-pia̍t) ê 基督徒(ki-tok-tô͘)。――George Whitefield


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org