《台语荒漠甘泉（汉罗版）》

 | | | 转寄

耐心thèng候上帝

作者 陈清俊 译 林俊育 汉罗翻写 2010.07.11

listen
七月十一(七月十一日)

「后来(āu-lâi) 溪水(khoe-chúi) 干(ta)；因为(in-ūi) hit-ê 地方(tōe-hng) 无(bô) 雨水(hō͘-chúi)。」 (列王记(lia̍t-ông-kì) 上(siōng) 17:7)

以利亚(í-lī-a) 一(chi̍t) 礼拜(lé-pài) 过(kè) 一(chi̍t) 礼拜(lé-pài)，有(ū) bōe 摇动(iô-tāng) 坚定(kian-tēng) ê 信念(sìn-liām)，看(khòaⁿ) 溪水(khoe-chúi) ná 来(lâi) ná 少(chió)，到(kàu) lóng 干(ta) 去(khì)。伊(i) 可能(khó-lêng) beh 怀疑(hôai-gî)，beh 动摇(tōng-iâu)，总是(chóng-sī) 无(bô) hō͘ 环境(khôan-kéng) 挡(tòng) tī 伊(i) kap 上帝(siōng-tè) ê 中间(tiong-kan)。无(bô) 信(sìn) ê 心(sim) 是(sī) 通过(thong-kè) 环境(khôan-kéng) 去(khì) 看(khòaⁿ) 上帝(siōng-tè)，亲像(chhin-chhiūⁿ) 咱(lán) 看(khòaⁿ) 日头(ji̍t-thâu) hō͘ 云雾(hûn-bū) 所(só͘) 遮盖(jia-khàm)，soah 看(khòaⁿ) bōe-tio̍h 日头(ji̍t-thâu)。总是(chóng-sī) 有(ū) 信(sìn) ê 心(sim) 将(chiong) 上帝(siōng-tè) hē tī 环境(khôan-kéng) kap 伊(i) ê 中间(tiong-kan)，通过(thong-kè) 上帝(siōng-tè) 去(khì) 看(khòaⁿ) 环境(khôan-kéng)。

以利亚(í-lī-a) ê 细细(sòe-sòe) ê 溪(khoe)，渐渐(chiām-chiām) 干(ta)，chhun 一条(chi̍t-tiâu) 细细(sòe-sòe) ê 山(soaⁿ) 水(chúi) teh 流(lâu)，续落去(sòa-lo̍h-khì) chhun 水窟(chúi-khut)，水窟(chúi-khut) 也(iā) 干(ta) 去(khì)，飞鸟(pe-chiáu) 飞(pe) 走(cháu) 无(bô) koh 来(lâi)，田野(chhân-iá)、树林(chhiū-nâ) ê 走兽(cháu-siù) 也(iā) 无(bô) koh 来(lâi) lim。小溪(sió-khoe) 完全(ôan-chôan) 干(ta) 去(khì)，tī chit 时(sî) 上帝(siōng-tè) chiah 对(tùi) 忠诚(tiong-sêng) ê 以利亚(í-lī-a) 讲(kóng)：「你(lí) 起来(khí-lâi) 去(khì) 到(kàu) Se-tùn ê Sat-le̍k-hoat。」(列王记(lia̍t-ông-kì) 上(siōng) 17:9)

Tī 上帝(siōng-tè) iáu-bōe 开嘴(khui-chhùi) 以前(í-chêng)，咱(lán) 早(chá) 早(chá) 就(chiū) 烦恼(hôan-ló)、忧虑(iu-lū) teh 想(siūⁿ) 办法(pān-hoat) lah。溪水(khoe-chúi) 流(lâu) ê 声(siaⁿ) 无(bô) 去(khì)，咱(lán) beh 停止(thêng-chí) 唱歌(chhiùⁿ-koa)。将(chiong) 竖琴(khiā-khîm) 挂(kòa) tī 柳树(liú-chhiū) 顶(téng)，tī 枯焦(ko͘-ta) ê 草埔(chháu-po͘) 行(kiâⁿ) 来(lâi) 行(kiâⁿ) 去(khì)，为(ūi) tio̍h 咱(lán) ê 困境(khùn-kéng) teh 忧愁(iu-chhiû)。可能(khó-lêng) tī 溪水(khoe-chúi) iáu 未(bōe) 干(ta) 去(khì) 以前(í-chêng)，已经(í-keng) 有(ū) 另外(lēng-gōa) ê 计画(kè-ōe)，ǹg 望(bāng) 上帝(siōng-tè) 帮赞(pang-chān)，thang 到(kàu) 别(pa̍t) 所在(só͘-chāi) lah。

上帝(siōng-tè) 常常(siông-siông) kā 咱(lán) tùi 困境(khùn-kéng) 中(tiong) 救(kiù) 出来(chhut-lâi)，因为(in-ūi)「伊(i) ê 慈爱(chû-ài) 永远(éng-óan) tī-teh」。(历代志录(le̍k-tāi-chì-lio̍k) 上卷(siōng-kòan) 16:34)若是(nā-sī) 咱(lán) 肯(khéng) 耐心(nāi-sim) thèng 候(hāu)，就(chiū) 会(ōe) 看(khòaⁿ) tio̍h 伊(i) ê 计画(kè-ōe) 一步(chi̍t-pō͘) 一步(chi̍t-pō͘) 展开(tián-khui)，bōe 致到(tì-kàu) 围困(ûi-khùn) tī 看(khòaⁿ) 无(bô) 出路(chhut-lō͘)，bōe-thang 脱身(thoat-sin) ê 迷宫(bê-kiong) 内(lāi)。也(iā) m̄ 免(bián) 常常(siông-siông) 行(kiâⁿ) 回头(hôe-thâu)，行(kiâⁿ) chōe-chōe 冤枉(oan-óng) 错误(chhò-ngō͘) ê 路(lō͘)，流(lâu) 真(chin) chōe 见笑(kiàn-siàu) ê 目屎(ba̍k-sái)。

「Tio̍h thèng 候(hāu) 耶和华(iâ-hô-hoa)。」(诗篇(si-phian) 27:14)耐心(nāi-sim) thèng 候(hāu)！――F. B. Meyer


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org