《台语荒漠甘泉（汉罗版）》

 | | | 转寄

基督ê平安

作者 陈清俊 译 林俊育 汉罗翻写 2010.06.13

listen
六月十三(六月十三日)

「我(goá) 将(chiong) 我(goá) ê 平安(pêng-an) 赏赐(siúⁿ-sù) lín。」(约翰(iok-hān)14:27)

有(ū) 两(nn̄g) 个(ê) 美术家(bí-su̍t-ka)、画图家(oē-tô͘-ka) beh 画(oē) in 所(só͘) 想(siūⁿ) 安歇(an-hioh)、平安(pêng-an) ê 图(tô͘)。一个(chi̍t-ê) 是(sī) 画(oē) 深山(chhim-soaⁿ) 内(lāi) 平静(pêng-chēng) ê 湖(ô͘)，另外(lēng-goā) 一个(chi̍t-ê) ê 画(oē) 大(toā) 水(chúi) chhiâng，水(chúi) chhiâng 下(ē) 有(ū) 一(chi̍t) 丛(châng) lám-lám ê 树(chhiū)，垂(sûi) tī 喷(phùn) 起来(khí-lâi) 水波(chúi-pho) 顶面(téng-bīn)，树枝(chhiū-ki) hō͘ 水波(chúi-pho) 喷(phùn) tâm-tâm，安然(an-jiân) 生(siⁿ) tī hia。

第一(tē-it) 幅(pak) 图(tô͘) 是(sī) 表现(piáu-hiān) 出(chhut) 平平(pêng-pêng) 静静(chēng-chēng) 无(bô) 活气(oa̍h-khì) ê 安歇(an-hioh)，第(tē) 二(jī) 幅(pak) 图(tô͘) 却(khiok) 描写(biâu-siá) 出(chhut) 有(ū) 活气(oa̍h-khì) 真正(chin-chiàⁿ) ê 安歇(an-hioh)、平安(pêng-an)。

表面(piáu-bīn) 看(khoàⁿ)，基督(ki-tok) 所(só͘) 受(siū) ê，是(sī) 多灾(to-chai) 多难(to-lān) ê 一生(it-seng)。风暴(hong-po̍k)、困难(khùn-lân)，一波(chi̍t-pho) koh 一波(chi̍t-pho) 续接(soà-chiap) 来(lâi)，直到(ti̍t-kàu) 伊(i) 厌倦(ià-siān) ê 身体(sin-thé) hông khǹg tī 坟墓(hûn-bōng) 内(lāi)。总是(chóng-sī) 伊(i) 内心(lāi-sim) ê 生活(seng-oa̍h) 却(khiok) 是(sī) 平静(pêng-chēng) ná 镜(kiàⁿ) 一样(chi̍t-iūⁿ)，是(sī) 非常(hui-siông) 平静(pêng-chēng)。

任何(jīm-hô) 人(lâng) 任何(jīm-hô) 时(sî) chūn，来(lâi) 到(kàu) 伊(i) 面前(bīn-chêng)，lóng beh 得(tit) tio̍h 平安(pêng-an)。连(liân) 人间(jîn-kan) ê 鹰犬(eng-khián)(走狗(cháu-káu)) tī 耶路撒冷(iâ-lō͘-sat-léng) ê 街路(koe-lō͘) teh 当(tng) 等(tán)，teh chhē beh 掠(lia̍h) 伊(i) ê 时(sî)，伊(i) iáu 对(tùi) 伊(i) ê 学生(ha̍k-seng) 讲(kóng)，赐(sù) in「我(goá) ê 平安(pêng-an)」。

平安(pêng-an) m̄ 是(sī) tī 礼拜堂(lé-pài-tn̂g) 内(lāi) hit 种(chióng) 神圣(sîn-sèng) 庄严(chong-giâm) ê 感觉(kám-kak)，是(sī) tùi 内心(lāi-sim) khiā 在(chāi) tī 上帝(siōng-tè) hit 种(chióng) ê 恬静(tiām-chēng) ê 心境(sim-kéng)。――Henry Drummond

我(goá) 赐(sù) 平安(pêng-an)，当(tng) 你(lí) 悲伤(pi-siong) 烦恼(hoân-ló)，
Hō͘ 你(lí) 平静(pêng-chēng)，安慰(an-ùi) kap 信靠(sìn-khò)。

我(goá) 赐(sù) 平安(pêng-an)，当(tng) 祈祷(kî-tó) ná 亲像(chhin-chhiūⁿ) 无(bô) 听见(thiaⁿ-kìⁿ)，
知(chai) 我(goá) ê 应允(èng-ún)，我(goá) ê 话(oē)，一定(it-tēng) 会(oē) 实施(si̍t-si)。

我(goá) 赐(sù) 平安(pêng-an)，当(tng) 你(lí) 孤独(ko͘-to̍k)，
夜鹰(iā-eng) 暗暝(àm-mî) ê 歌声(koa-siaⁿ) siōng súi siōng 快乐(khoài-lo̍k)。

我(goá) 赐(sù) 平安(pêng-an)，当(tng) 死失(sí-sit) 经过(keng-koè)，
Ùi 光明(kong-bêng) ê 路(lō͘) thàng 到(kàu) 十字架(si̍p-jī-kè)。

我(goá) 赐(sù) 平安(pêng-an)，tī 对敌(tùi-te̍k) 攻击(kong-kek)、讥刺(ki-chhì)，
通过(thong-kè) 无情(bô-chêng) 侮辱(bú-jio̍k)，kap 主(chú) 交陪(kau-poê) ná 甘甜(kam-tiⁿ)。

我(goá) 赐(sù) 平安(pêng-an)，当(tng) 辛苦(sin-khó͘) 工作(kang-chok) 流汗(lâu-koāⁿ)，
因为(in-ūi) 我(goá) ê 头额(thâu-gia̍h) 也(iā) 有(ū) 血水(huih-chúi) teh chōaⁿ。

我(goá) 赐(sù) 平安(pêng-an)，tī 好(hó) 朋友(pêng-iú) 出卖(chhut-boē)，
平安(pêng-an)、疼痛(thiàⁿ-thàng)，teh 为(ūi) in 祈祷(kî-tó)、赦罪(sià-choē)。

我(goá) 赐(sù) 平安(pêng-an)，当(tng) 只有(chí-ū) 死路(sí-lō͘) 一条(chi̍t-tiâu)，
十字架(si̍p-jī-kè) 路(lō͘) 通到(thong-kàu) 我(goá) chia 了(liáu)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com