《台语荒漠甘泉（汉罗版）》

 | | | 转寄

祈祷生活

作者 陈清俊 译 林俊育 汉罗翻写 2010.06.06

listen
六月初六(六月六日)

「Tio̍h 惊醒(kéng-séng)，tio̍h 祈祷(kî-tó)，免(bián) 得(tit) 入(ji̍p) tī 迷惑(bê-he̍k)。」 (马太(Má-thài) 26:41)

朋友(pêng-iú)，m̄-thang 无(bô) 祈祷(kî-tó) 就(chiū) 入(ji̍p) tī 危险(gûi-hiám) ê 世界(sè-kài)。有(ū) 真(chin) chōe ê 诱惑(iú-he̍k) hō͘ 你(lí) ê 祈祷(kî-tó) 缩短(sok-té)。一工(chi̍t-kang) 辛辛(sin-sin) 苦苦(khó͘-khó͘) 工作(kang-chok) 了(liáu)，目睭(ba̍k-chiu) 已经(í-keng) 涩(siap)，当(tng) 你(lí) 暗暝(àm-mî) 祈祷(kî-tó) ê 时(sî)，无(bô) 因为(in-ūi) 倦(siān)、thiám，想(siūⁿ) ài 困(khùn)， 需要(su-iàu) khah 早(chá) 歇困(hioh-khùn) 做(choè) 借口(chioh-kháu)，来(lâi) 简单(kán-tan) 潦潦(ló-ló) 草草(chhó-chhó) 祈祷(kî-tó)；á 是(sī) 天光(thiⁿ-kng)，困(khùn) 过头(kè-thâu)，就(chiū) 无(bô) ài 早(chá) 时(sî) ê 祈祷(kî-tó)；á 是(sī) 紧紧(kín-kín) 祈祷(kî-tó)，简单(kán-tan) 交代(kau-tāi) 就(chiū) 好(hó)。Ài 抵抗(té-khòng) chiah-ê 诱惑(iú-he̍k)，无(bô) 时间(sî-kan) 来(lâi)「惊醒(kéng-séng) 祈祷(kî-tó)」，牺牲(hi-seng) 了(liáu) 应该(eng-kai) ê 惊醒(kéng-séng)，chit-ê 损失(sún-sit) 是(sī) 无法度(bô͘-hoat-tō͘) 补救(pó͘-kiù) ê。无(bô) 惊醒(kéng-séng) 祈祷(kî-tó)，就是(chiū-sī) 家己(ka-kī) chhē 麻烦(mâ-hoân)、受苦(siū-khó͘)。

诱惑(iú-he̍k) chhē 机会(ki-hoē) 攻击(kong-kek) 你(lí)，你(lí) 无(bô) 准备(chún-pī) 来(lâi) 抵抗(té-khòng)，你(lí) ê 灵(lêng) 是(sī) 有(ū) 罪恶感(choē-ok-kám)，你(lí) kap 上帝(siōng-tè) 渐渐(chiām-chiām) 疏远(so͘-oán)，距离(kū-lî) ná 远(hn̄g)。当(tng) 你(lí) 容允(iông-ún) 厌倦(ià-siān) 来(lâi) 干涉(kan-sia̍p) tio̍h 你(lí) ê 祈祷(kî-tó)，但是(tān-sī) 你(lí) tī 工作(kang-chok) 上(siōng) 感觉(kám-kak)，tú-tio̍h 失职(sit-chit)，是(sī) 无(bô) 甚么(sím-mi̍h) 奇怪(kî-koài) ê。

咱(lán) ǹg pîn-tōaⁿ 屈服(khut-ho̍k)，所(só͘) 失去(sit-khì) ê 祈祷(kî-tó) 时刻(sî-khek) 是(sī) the̍h bōe 倒(tó) tńg 来(lâi)。Tùi chit-ê 功课(kong-khò) beh 学(o̍h) tio̍h 祈祷(kî-tó) 所(só͘) 带(toà) 来(lâi) 丰盛(hong-sēng) kap 力量(le̍k-liōng)，也(iā) soah 无(bô) 去(khì)。――Frederick William Robertson

全能(choân-lêng) 上帝(siōng-tè) ê kiáⁿ 耶稣(Iâ-so͘)，每(múi) 透早(thàu-chá) 向(hiòng) 伊(i) ê 父(pē) 祈祷(kî-tó)，吐出(thò͘-chhut) 伊(i) ê 心声(sim-siaⁿ)。咱(lán) kiám 无(bô) koh-khah tio̍h 向(hiòng) 赐(sù)「好(hó) ê 赏赐(siúⁿ-sù) kap 完全(oân-choân) ê 恩赐(un-sù)」(雅各(Ngá-kok)1:17)，也(iā) 是(sī) 供应(kiòng-èng) 咱(lán) 所(só͘) 需要(su-iàu) 一切(it-chhè) ê 上帝(siōng-tè) 祈祷(kî-tó) mah?

咱(lán) m̄ 知(chai) 耶稣(Iâ-so͘) tùi 祈祷(kî-tó) 得(tit) tio̍h 甚物(sím-mi̍h)，总是(chóng-sī) 咱(lán) 知(chai)，无(bô) 祈祷(kî-tó) 就(chiū) 生活(seng-oa̍h) 无(bô) 力(la̍t)。无(bô) 祈祷(kî-tó)，生活(seng-oa̍h) 可能(khó-lêng) 是(sī) 真(chin) 活动(oa̍h-tāng)，充满(chhiong-moá) 声音(siaⁿ-im)，真(chin) 闹热(nāu-jia̍t)，chiâng-chiâng-kún，总是(chóng-sī) 却(khiok) 离开(lī-khui) 暝日(mî-ji̍t) 为(ūi) 咱(lán) 祈祷(kî-tó) ê 主(Chú) 远远(hn̄g-hn̄g)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com