《台语荒漠甘泉（汉罗版）》

 | | | 转寄

上帝ê朋友

作者 陈清俊 译 林俊育 汉罗翻写 2010.05.09

listen
五月初九(五月九日)

「亚伯拉罕(A-pek-la̍h-hán) iáu khiā tī 耶和华(Iâ-hô-hoa) ê 面前(bīn-chêng)。」(创世记18:22)

Tī chit 章(chiuⁿ)，亚伯拉罕(A-pek-la̍h-hán) 为(ūi) 其他(kî-tha) ê 人(lâng) ê 性命(sìⁿ-miā) 求(kiû)。咱(lán) 做(choè) 上帝(siōng-tè) ê 朋友(pêng-iú) 也(iā) ōe-thang án-ni 做(choè)，不过(put-kò) 你(lí) beh 想(siūⁿ) 家己(ka-kī) ê 信心(sìn-sim) 无(bô) 亚伯拉罕(A-pek-la̍h-hán) hiah 大(toā)，kap 上帝(siōng-tè) ê 交陪(kau-poê) 也(iā) 无(bô) hiah 深(chhim)。总是(chóng-sī) m̄ 免(bián) 灰心(hoe-sim)，亚伯拉罕(A-pek-la̍h-hán) ê 信心(sìn-sim) mā m̄ 是(sī) 一步(chi̍t-pō͘) 登天(teng-thian)，是(sī) 一步(chi̍t-pō͘) 一步(chi̍t-pō͘) 行(kiâⁿ) 出来(chhut-lâi)，咱(lán) 也(iā) ōe-thang án-ni 来(lâi) 做(choè)。

有(ū) 信心(sìn-sim) 经过(keng-koè) 考验(khó-giām) 得胜(tek-sèng) ê 人(lâng)，iáu 有(ū) khah 大(toā) ê 考验(khó-giām) 会(oē) 来(lâi)。Siōng 好(hó) ê 宝石(pó-chio̍h) 是(sī) 经过(keng-koè) siōng 用(ēng) 心(sim) ê 切切(chhiat-chhiat)、割(koah)、磨(boâ)；siōng 贵重(kùi-tiōng) ê 金属(kim-sio̍k) 是(sī) 经过(keng-koè) siōng 猛烈(béng-lia̍t) ê 火(hé) ê 锻炼(toàn-liān)。你(lí) thang 确定(khak-tēng)，亚伯拉罕(A-pek-la̍h-hán) 若(nā) 无(bô) 经过(keng-koè) siōng 严格(giâm-keh) ê 考验(khó-giām)，永(éng) bōe-thang 称做(chheng-choè)「信心(sìn-sim) ê 父(pē)」。

看(khoàⁿ) 创世记(chhòng-sè-kì) 二十二(jī-cha̍p-jī) 章(chiuⁿ)，tī 第(tē) 二(jī) 节(chiat)，上帝(siōng-tè) 对(tùi) 亚伯拉罕(A-pek-la̍h-hán) 讲(kóng)：「你(lí) 带(toà) 你(lí) ê kiáⁿ，就(chiū) 是(sī) 你(lí) 独生(to̍k-siⁿ) ê kiáⁿ，你(lí) 所(só͘) 疼(thiàⁿ) ê 以撒(Í-sat)，去(khì) Mô͘-lī-a ê 地(toē)，我(goá) 所(só͘) beh 指示(chí-sī) 你(lí) ê 山(soaⁿ)；tī-hia 将(chiong) 伊(i) 献(hiàn) 做(choè) 烧祭(sio-chè)。」续落去(soà-lo̍h-khì)，看(khoàⁿ) 伊(i) 心情(sim-chêng) 沉重(tîm-tāng)，带(toà) tio̍h 渴望(khat-bōng) koh 谦卑(khiam-pi) 顺服(sūn-ho̍k) 去(khì) 上(chiūⁿ) Mô͘-lī-a 山(soaⁿ)。伊(i) 照(chiàu) 伊(i) 忠心(tiong-sim) 所(só͘) 疼(thiàⁿ) 所(só͘) 事奉(sū-hōng) ê 上帝(siōng-tè) ê 命令(bēng-lēng) 带(toà) 以撒(Í-sat) 去(khì)。

咱(lán) 若(nā) 怀疑(hoâi-gî) 上帝(siōng-tè) tī 咱(lán) 性命(sìⁿ-miā) ê 作为(chok-ûi) ê 时(sî)，tī chia thang 学习(ha̍k-si̍p) 教示(kà-sī)！Tùi chit-ê 怀疑(hoâi-gî) 惊(kiaⁿ) 人(lâng) ê 情况(chêng-hóng)，无论(bô-lūn) 用(ēng) 甚么(sím-mi̍h) 解说(kái-soeh) lóng 无(bô) 路用(lō͘-iōng)，因为(in-ūi) 这(che) 是(sī) 用(ēng) 事实(sū-si̍t) ê 例(lē) hō͘ 古今(kó͘-kim) ê 人(lâng) ê 教示(kà-sī)。连(liân) 天使(thiⁿ-sài) 也(iā) 敬畏(kèng-ùi) tī 边(piⁿ) á 看(khoàⁿ)。亚伯拉罕(A-pek-la̍h-hán) ê 信心(sìn-sim) 是(sī) m̄ 是(sī) khiā 能(oē)tiâu，beh 成做(chiâⁿ-choè) 对(tùi) 上帝(siōng-tè) 所有(só͘-ū) ê 子民(chú-bîn) ê 一种(chi̍t-chióng) 力量(le̍k-liōng) kap 帮赞(pang-chān)？伊(i) 受(siū) ê 考验(khó-giām) 是(sī) m̄ 是(sī) 能(oē) 证明(chèng-bêng) 用(ēng) 无(bô) 摇动(iô-tāng) ê 信心(sìn-sim)，thang 看(khoàⁿ) 出(chhut) 上帝(siōng-tè) 永远(éng-oán) 是(sī) 信实(sìn-si̍t)？

答案(tap-àn) 是(sī)「是(sī)」，亚伯拉罕(A-pek-la̍h-hán) ê 信心(sìn-sim) 通过(thong-kè) chit-ê siōng 大(toā) ê 考验(khó-giām)。主(chú) ê 天使(thiⁿ-sài) 咱(lán) ê 主(chú) 耶稣(Iâ-so͘)，耶和华(Iâ-hô-hoa) kap 伊(i)，tī 伊(i) ê 应允(èng-ún)，无论(bô-lūn) jōa-chōe，lóng 是(sī)「是(sī)」kap「实在(si̍t-chāi)」(参考哥林多后书1:20)，对(tùi) 亚伯拉罕(A-pek-la̍h-hán) 讲(kóng)：「我(goá) taⁿ 知(chai) 你(lí) 是(sī) 敬畏(kèng-ùi) 上帝(siōng-tè)。」(创世记22:12)。主(chú) 实际上(si̍t-chè-siōng) 是(sī) 对(tùi) 伊(i) 讲(kóng)，因为(in-ūi) 经过(keng-koè) chit-ê 伟大(úi-tāi) ê 考验(khó-giām)，你(lí) 相信(siong-sìn) 我(goá)，我(goá) 也(iā) 相信(siong-sìn) 你(lí)，你(lí) thang 永远(éng-oán) 做(choè)「我(goá) ê 朋友(pêng-iú)。」 (以赛亚41:8)主(chú) 应允(èng-ún) 亚伯拉罕(A-pek-la̍h-hán)「我(goá) 赐福(sù-hok) beh 赐福(sù-hok) 你(lí)，...万邦(bān-pang) beh 因为(in-ūi) 你(lí) ê 后裔(hō͘-ē) 得(tit) tio̍h 福气(hok-khì)；因为(in-ūi) 你(lí) 听(thiaⁿ) thàn 我(goá) ê 话(oē)。」(创世记22:17，18)

「可见(khó-kiàn) 见若(kìⁿ-nā) 信(sìn) ê 人(lâng) kap 有(ū) 信(sìn) ê 亚伯拉罕(A-pek-la̍h-hán) 同(tâng) 得(tit) tio̍h 福气(hok-khì)。」(加拉太3:9)Chit 句(kù) 话(oē) 是(sī) 真(chin)，是(sī) 永远(éng-oán) 真(chin) ê。

做(choè) 上帝(siōng-tè) ê 朋友(pêng-iú) m̄ 是(sī) 小(sió) khóa 事(sū)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com