《台语荒漠甘泉（汉罗版）》

 | | | 转寄

风ê锁匙

作者 陈清俊 译 林俊育 汉罗翻写 2010.05.02

listen
五月初二(五月二日)

「耶和华(Iâ-hô-hoa) tī 天顶(thiⁿ-téng) 设立(siat-li̍p) 伊(i) ê 宝座(pó-chō)，伊(i) ê 国权(kok-koân) 管辖(koán-hat) 万项(bān-hāng) 有(ū)。」(诗篇103:19)

Tī 一个(chi̍t-ê) 早春(chá-chhun)，我(goá) 出门(chhut-mn̂g) ê 时(sî)，有(ū) 一阵(chi̍t-chūn) 东风(tang-hong) 无情(bô-chêng) teh 扫(sàu) 来(lâi)，强(kiông) koh 干燥(ta-sò)，吹(chhe) 起来(khí-lâi) 真(chin) chōe 土粉(thô͘-hún)。当(tng) 我(goá) kā 锁匙(só-sî) tùi 门(mn̂g) 里(nih) the̍h 起来(khí-lâi) ê 时(sî)，真(chin) 无奈(bû-nāi) teh 讲(kóng)：「希望(hi-bōng) chit 阵(chūn) 风(hong) 会(oē)...」忽然间(hut-jiân-kan) 我(goá) ê 思想(su-sióng) 停止(thêng-chí)，方向(hong-hiòng) 转变(choán-piàn)，chit 句(kù) 话(oē) 无(bô) koh 继续(kè-sio̍k) 续落去(soà-lo̍h-khì) lah。

我(goá) 继续(kè-sio̍k) 行(kiâⁿ)，chit-ê 事(sū) 变做(pìⁿ-choè) 我(goá) 一个(chi̍t-ê) 寓言(gū-giân) 故事(kò͘-sū)。我(goá) 想像(sióng-siōng) 有(ū) 一个(chi̍t-ê) 天使(thiⁿ-sài) hō͘ 我(goá) 一支(chi̍t-ki) 锁匙(só-sî) 讲(kóng)：「我(goá) ê 主人(chú-lâng) 送(sàng) 你(lí) 伊(i) ê 疼(thiàⁿ)，ài 我(goá) hō͘ 你(lí) chit-ê。」我(goá) 好奇(hó-kî) 问(mn̄g) 讲(kóng)：「这(che) 是(sī) 甚么(sím-mi̍h)？「是(sī) 风(hong) ê 锁匙(só-sî)。」天使(thiⁿ-sài) 回答(hoê-tap) 了(liáu)，就(chiū) 消失去(siau-sit-khì)。

我(goá) 起初(khí-chho͘) 想(siūⁿ)，「这(che) 一定(it-tēng) 是(sī) 能(oē) hō͘ 我(goá) 幸福(hēng-hok)。」我(goá) beh 到(kàu) 山顶(soaⁿ-téng) 风源(hong-goân) ê 所在(só͘-chāi) 宣布(soan-pò͘) 讲(kóng)：「我(goá) beh 消灭(siau-bia̍t) chit-ê 讨厌(thó-ià) ê 东风(tang-hong)，无(bô) koh 作弄(chok-lōng)！」将(chiong) hit-ê 无(bô) 友善(iú-siān) ê 风(hong) 吹来(chhe-lâi)，关(koaiⁿ) 起来(khí-lâi)，真(chin) 得意(tek-ì) kā 伊(i) 锁(só) 起来(khí-lâi)，kā 伊(i) 收拾(siu-si̍p) 起来(khí-lâi)。」

然后(jiân-āu) 我(goá) 看(khoàⁿ) 周围(chiu-ûi)，问(mn̄g) 家己(ka-kī)，「我(goá) beh 用(ēng) 甚么(sím-mi̍h) 来(lâi) 代替(tāi-thè) 伊(i) ah?」我(goá) 想(siūⁿ) 温暖(un-loán) ê 南风(lâm-hong)。爽快(sóng-khoài) ê 南风(lâm-hong) 带(toà) 出来(chhut-lâi) tú 出世(chhut-sì) ê 羊羔(iûⁿ-ko)，新开(sin-khui) ê 花蕊(hoe-lúi) kap 各种(kok-chióng) ê 草木(chháu-bo̍k)。总是(chóng-sī) 当(tng) 我(goá) 将(chiong) 锁匙(só-sî) 插(chhah) 入去(ji̍p-khì) 门孔(mn̂g-khang) ê 时(sî)，锁匙(só-sî) soah 会(oē) 烫(thǹg) 我(goá) ê 手(chhiú)。我(goá) 大(toā) 叫(kiò) 讲(kóng)：「我(goá) teh 做(choè) 甚么(sím-mi̍h)？」Sáng 知(chai) 我(goá) 引起(ín-khí) jōa 大(toā) ê 损失(sún-sit)？我(goá) thái 会(oē) 知(chai) 田野(chhân-iá) 是(sī) 需要(su-iàu) 甚么(sím-mi̍h)？我(goá) chit-ê 戆想(gōng-siūⁿ) 会(oē) 引起(ín-khí) 千千(chheng-chheng) 万万(bān-bān) ê 问题(būn-tê) 出来(chhut-lâi)！]

我(goá) 家己(ka-kī) 见笑(kiàn-siàu)，giâ 头(thâu) 请求(chhéng-kiû) 主(chú) 差(chhe) 天使(thiⁿ-sài) 将(chiong) chit 支(ki) 锁匙(só-sî) the̍h tò-tńg。以后(í-āu) 我(goá) lóng 无(bô) ài koh 有(ū) 这(che) 锁匙(só-sî)。料想(liāu-sióng) 无(bô) 够(kàu)，竟然(kèng-jiân) 主(chú) 亲身(chhin-sin) 到(kàu) 我(goá) 身边(sin-piⁿ)，伊(i) 伸手(chhun-chhiú) the̍h 锁匙(só-sî)，我(goá) khǹg tī 伊(i) ê 手(chhiú) ê 时(sî)，看(khoàⁿ) tio̍h 锁匙(só-sî) 接触(chiap-chhiok) tio̍h hit-ê 神圣(sîn-sèng) ê 钉痕(teng-hûn)。

我(goá) 满心(moá-sim) 懊恼(àu-náu)，伊(i) 带(toà) hit-ê 神圣(sîn-sèng) koh 疼痛(thiàⁿ-thàng) ê 钉痕(teng-hûn)，我(goá) 竟然(kèng-jiân) iáu 嫌(hiâm) 伊(i) ê 手(chhiú) 所(só͘) 做(choè) ê 事(sū)。伊(i) 将(chiong) 锁匙(só-sî) hē tī 腰带(io-toà) ê 顶面(téng-bīn)，我(goá) 问(mn̄g) 讲(kóng)：「你(lí) 保管(pó-koán) 风(hong) ê 锁匙(só-sî) mah?」「是(sī)，我(goá) ê kiáⁿ。」伊(i) 安祥(an-siông) 回答(hoê-tap)。伊(i) 讲话(kóng-oē) ê 时(sî)，我(goá) 注意(chù-ì) tio̍h 我(goá) ê 一生(it-seng) ê 锁匙(só-sî) 也(iā) lóng 挂(koà) tī hia。伊(i) 看(khoàⁿ) 我(goá) tio̍h 一(chi̍t) 惊(kiaⁿ) ê 款(khoán)，问(mn̄g) 讲(kóng)：「Kiáⁿ ah，你(lí) kiám m̄ 知(chai)，我(goá) ê 权柄(koân-pèng) 管理(koán-lí) 万项(bān-hāng) 有(ū) mah?」

我(goá) 问(mn̄g)：「你(lí) 统治(thóng-tī) 万物(bān-mi̍h)，我(goá) 嫌(hiâm) 一(chi̍t) 两(nn̄g) 句(kù) 话(oē)，kiám 有(ū) 要紧(iàu-kín) mah?」伊(i) 温柔(un-jiû) 伸手(chhun-chhiú) hē tī 我(goá) 身上(sin-chiūⁿ) 讲(kóng)：「Kiáⁿ ah，tī 一切(it-chhè) ê 事(sū)，疼(thiàⁿ) 我(goá)，信(sìn) 我(goá)，o-ló 我(goá) 是(sī) siōng 安全(an-choân) 平安(pêng-an)。」――Mark Guy Pearse


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com