《台语荒漠甘泉（汉罗版）》

 | | | 转寄

吞忍thèng-hāu

作者 陈清俊 译 林俊育 汉罗翻写 2010.02.21

listen 二月二一(二月二十一日)

「Tio̍h 静静(chēng-chēng) tī 耶和华(Iâ-hô-hoa) ê 面前(bīn-chêng)，宽心(khoan-sim) thèng-hāu 伊(i)。」(诗篇37:7)

你(lí) bat 祈祷(kî-tó)，koh 祈祷(kî-tó)，thèng-hāu koh thèng-hāu,lóng 无(bô) 得(tit) tio̍h 回应(hoê-èng) mah?
无(bô) 反应(hoán-èng)，致到(tì-kàu) 心神(sim-sîn) lóng 软(nńg) 落去(lo̍h-khì)。致到(tì-kàu) teh-beh 放弃(hòng-khì) ah?真(chin) 可能(khó-lêng)，是(sī) tī 你(lí) 所(só͘) 等(tán) ê 方式(hong-sek) 有(ū) 错误(chhò-ngō͘)，所(só͘) 等(tán) ê 所在(só͘-chāi) 无(bô) tio̍h,应该(eng-kai) 是(sī) tī 会(oē) tú-tio̍h 天父(Thiⁿ-pē) ê 所在(só͘-chāi) 来(lâi) 等(tán)，来(lâi) thèng-hāu。

圣经(sèng-keng) 讲(kóng)：「吞忍(thun-lún) thèng-hāu。」(罗马8:25)原来(goân-lâi) 吞忍(thun-lún)，á 是(sī) 忍耐(jím-nāi)，ōe-thang 克服(khek-ho̍k) 忧虑(iu-lū)。主(Chú) 基督(ki-tok) 答应(tap-èng) 伊(i) 会(oē) koh 来(lâi)，伊(i) 讲(kóng)，就(chiū) 一定(it-tēng) 实行(si̍t-hêng)。忍耐(jím-nāi)、吞忍(thun-lún) 会(oē) 克服(khek-ho̍k) 忧伤(iu-siong)。为甚么(uī-sím-mi̍h) 忧愁(iu-chhiû) 艰苦(kan-khó͘)，soah 灰心(hoe-sim) 失志(sit-chì) ah?伊(i) 比(pí) 你(lí) khah 知(chai) 你(lí) ê 需要(su-iàu)，伊(i) thèng-hāu ê 目的(bo̍k-tek) 是(sī) beh 得(tit) khah 大(toā) ê 荣耀(êng-iāu)。忍耐(jím-nāi)、吞忍(thun-lún) thang 克服(khek-ho̍k) 肉体(jio̍k-thé) ê 活动(oa̍h-tāng)。圣经(sèng-keng) 讲(kóng)：「信(sìn)，就(chiū) 是(sī) 上帝(siōng-tè) ê 工(kang)。」(约翰福音6:29)只要(chí-iàu) 信(sìn)，一切(it-chhè) 就(chiū) beh 成就(sêng-chiū)，无(bô) 靠(khò) 家己(ka-kī) ê 功劳(kong-lô)。忍耐(jím-nāi)、吞忍(thun-lún) thang 克服(khek-ho̍k) 一切(it-chhè) ê 需要(su-iàu)，你(lí) 可能(khó-lêng) 希望(hi-bōng) 为(uī) 家己(ka-kī) 所(só͘) ài ê 求(kiû) 真(chin) chōe,khah 少(chió) 求(kiû) 上帝(siōng-tè) ê 旨意(chí-ì)。

忍耐(jím-nāi)、吞忍(thun-lún) thang 补足(pó͘-chiok) 一切(it-chhè) ê 软(nńg) 弱(jio̍k)，无(bô) 将(chiong) thèng-hāu 看(khoàⁿ) 做(choè) 浪费(lōng-huì) 时间(sî-kan)，认(jīn) 清楚(chheng-chhó) tī thèng-hāu 中(tiong) 天父(Thiⁿ-pē) 有(ū) 时间(sî-kan) 预备(ī-pī) 资源(chu-goân)，加强(ka-kiông) 你(lí) ê 力量(le̍k-liōng)。忍耐(jím-nāi)、吞忍(thun-lún) thang 克服(khek-ho̍k) 一切(it-chhè) ê 徬徨(pong-hông) 不安(put-an)。圣经(sèng-keng) 讲(kóng)：「伊(i) 就(chiū) 摸(bong) 我(goá)，扶(hû) 我(goá) 起来(khí-lâi) khiā。」(但以理8:18)天父(Thiⁿ-pē) 是(sī) 坚固(kian-kò͘) ê 基石(ki-chio̍h)，只要(chí-iàu) 心(sim) 存(chûn) 伊(i) ê 忍耐(jím-nāi)，咱(lán) thang 坚定(kian-tēng) khiā-chāi thèng-hāu 伊(i)。忍耐(jím-nāi)、吞忍(thun-lún) 会(oē) thang 发(hoat) 出(chhut) 敬拜(kèng-pài) ê 心(sim)。Siōng 好(hó) ê 部分(pō͘-hūn) 是(sī) 带(toà) o-ló ê thèng-hāu,欢欢(hoaⁿ-hoaⁿ) 喜喜(hí-hí) teh 忍耐(jím-nāi)，「欢喜(hoaⁿ-hí) 吞忍(thun-lún) 宽容(khoan-iông)。」(哥罗西1:11)当(tng) 你(lí) 忍耐(jím-nāi) 吞忍(thun-lún) ê 时(sî)，「独独(to̍k-to̍k) 吞忍(thun-lún) tio̍h hō͘ 伊(i) 到(kàu) 成功(sêng-kong)，hō͘ lín 完全(oân-choân) 齐备(chiâu-pī)，无(bô) 所(só͘) 欠缺(khiàm-kheh)。」(雅各1:4)Lí 就(chiū) 有(ū) 大(toā) 大(toā) 丰丰(hong-hong) 富富(hù-hù) ê 报答(pò-tap)。-- C. H. P.

火(hé) to̍h ê 时(sî) tio̍h khiā 定(tiān)，
这(che) 是(sī) 内心(lāi-sim) 学习(ha̍k-si̍p) ê 心(sim) 声(siaⁿ)，
Chit 条(tiâu) 路(lō͘) 看(khoàⁿ) 是(sī) 无(bô) 回(hoê) 行(kiâⁿ)，
耐心(nāi-sim) 来(lâi) 完成(oân-sêng) 完美(oân-bí) ê 工程(kang-thêng)。――L. S. P.

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com