《台语荒漠甘泉（汉罗版）》

 | | | 转寄

唱歌o-ló

作者 陈清俊 译 林俊育 汉罗翻写 2010.02.14

listen 二月十四(二月十四日)

「Tio̍h 常常(siông-siông) tiàm-tī 主(Chú) 来(lâi) 欢喜(hoaⁿ-hí)；我(goá) beh koh 讲(kóng) 伊(i)，tio̍h 欢喜(hoaⁿ-hí)。」 (腓立比4:4)

「靠(khò) 主(Chú) 常常(siông-siông) 欢喜(hoaⁿ-hí)」是(sī) 真(chin) súi ê 事(sū)，可能(khó-lêng) 你(lí) bat 试过(chhì-kè)，总是(chóng-sī) 无(bô) 效果(hāu-kó)。
Mái 去(khì) 想(siūⁿ) 别项(pa̍t-hāng)，继续(kè-sio̍k) 向前(hiòng-chêng) 做(choè)。甚至(sīm-chì) 当(tng) 你(lí) 人生(jîn-seng) 无(bô) 变化(piàn-hoà)，无(bô) 感觉(kám-kak) 一点(chi̍t-tiám) á 喜乐(hí-lo̍k)，生活(seng-oa̍h) 无(bô) 一点(chi̍t-tiám) á 鼓励(kó͘-lē)，iáu 是(sī) beh 喜乐(hí-lo̍k)，「tio̍h lóng 掠(lia̍h) 做(choè) 欢喜(hoaⁿ-hí)。」 (雅各1:2)。圣经(sèng-keng) án-ni 讲(kóng)：「陷落(hām-lo̍h) tī chōe-chōe 样(iūⁿ) ê 试炼(chhì-liān). 」(雅各1:2) Ài 掠(lia̍h) 做(choè) 欢喜(hoaⁿ-hí)，欢欢(hoaⁿ-hoaⁿ) 喜喜(hí-hí) 接受(chiap-siū) 伊(i)。你(lí) ê 信心(sìn-sim) 会(oē) 得(tit) tio̍h 报赏(pò-siúⁿ)。你(lí) kiám beh 相信(siong-sìn) 天父(Thiⁿ-pē) hō͘ 你(lí) giâ 伊(i) 胜利(sèng-lī) ê 大旗(toā-kî)，khiā tī 战场(chiàn-tiûⁿ) ê 头(thâu) 一(chi̍t) 线(soàⁿ)，伊(i) 恬恬(tiām-tiām) 放(pàng) 你(lí) hông 掠(lia̍h) 去(khì)，á 是(sī) hông phah 败(pāi)，却(khiok) m̄ chhap mah? 绝对(choa̍t-tuì) bōe!伊(i) ê 圣灵(sèng-lêng) 保守(pó-siú) 你(lí) hō͘ 你(lí) 勇敢(ióng-kám) 进前(chìn-chêng)，心(sim) 中(tiong) 充满(chhiong-moá) 喜乐(hí-lo̍k) kap o-ló。你(lí) lú 喜乐(hí-lo̍k)，能力(lêng-le̍k) lú 加添(ke-thiⁿ)。

主(Chú) ah!教示(kà-sī) 我(goá) 靠(khò) 你(lí) 来(lâi) 喜乐(hí-lo̍k)，koh「常常(siông-siông) 欢喜(hoaⁿ-hí)」(帖撒罗尼迦前书5:17)

Siōng 弱(jio̍k) ê 圣者(sèng-chiá) ia̍h 会(oē) 赢(iâⁿ) 撒旦(Sat-tàn)，
伊(i) ê 战术(chiàn-su̍t) 是(sī) o-ló 上帝(siōng-tè) ê 声(siaⁿ) 大(toā) tân。

「Tio̍h hō͘ 圣神(sèng-sîn) 充满(chhiong-moá)；用(ēng) 诗(si)，用(ēng) 歌(koa)，用(ēng) 神(sîn) ê 赋(hù)，大家(tāi-ke) saⁿ 应答(ìn-tap)，用(ēng) 心(sim) 吟诗(gîm-si) 作乐(chok-ga̍k) 来(lâi) o-ló 主(Chú)；」 (以弗所5:18,19)保罗(Pó-lô) tī chit 两(nn̄g) 节(chiat) 经文(keng-bûn) 鼓励(kó͘-lē) 咱(lán) 用(ēng) 唱歌(chhiùⁿ-koa) 来(lâi) 激励(kek-lē) 灵性(lêng-sèng)，伊(i) 劝(khǹg) 读者(tho̍k-chiá) m̄ 是(sī) 追求(tui-kiû) 肉体(jio̍k-thé) ê 享受(hiáng-siū)，是(sī) 追求(tui-kiû) 心灵(sim-lêng) ê 满足(moá-chiok)；m̄ 是(sī) 身体(sin-thé) ê 刺激(chhì-khek)，是(sī) 灵魂(lêng-hûn) ê 得救(tit-kiù)。

基督徒(ki-tok-tô͘) 常常(siông-siông) 唱歌(chhiùⁿ-koa)，
好(hó) kah 无(bô) 想(siūⁿ) tio̍h ê 大(toā)。

咱(lán) 来(lâi) 唱歌(chhiùⁿ-koa)，虽然(sui-jiân) 咱(lán) 无(bô) 感觉(kám-kak) 欢喜(hoaⁿ-hí)；án-ni 会(oē) hō͘ 咱(lán) 脚(kha) khah 有(ū) 力(la̍t)，厌倦(ià-siān) 化(hoà) 做(choè) 力量(le̍k-liōng)。―― John Henry Jowett

Tī 半暝(poàⁿ-mî) 保罗(Pó-lô) kap 西拉(Se-lah) 祈祷(kî-tó)，唱歌(chhiùⁿ-koa) o-ló 上帝(siōng-tè)，众(chèng) 囚犯(kiû-hoān) 也(iā) àⁿ 耳(hīⁿ) 听(thiaⁿ)。(使徒行传16:25)

保罗(Pó-lô) ah,你(lí) hō͘ 阮(goán) 真(chin) súi,真(chin) 奇妙(kî-biāu) ê 模样(bô͘-iūⁿ)，你(lí)「身躯(sin-khu) 有(ū) 带(toà) 耶稣(Iâ-so͘) ê 痕迹(hûn-jiah)。」(加拉太6:17)用(ēng) 这(che) 荣耀(êng-iāu) o-ló 伊(i)。你(lí) ê 痕迹(hûn-jiah) tùi tó 位(uī) 来(lâi)？是(sī) 对(tuì) 你(lí) 差(chha) 一点(chi̍t-tiám) á hō͘ 石头(chio̍h-thâu) tìm 死(sí)，tùi 三(saⁿ) pái hō͘ 人(lâng) 用(ēng) 棍(kùn) phah(哥林多后书11:25)，Hō͘ 犹太(Iû-thài) 人(lâng) 鞭(piⁿ) phah 一百(chi̍t-pah) 九十(káu-cha̍p) 五(gō͘) 下(ē)，koh tī 腓立比(Hui-li̍p-pí) 监狱(kaⁿ-ga̍k) 中(tiong) Hông phah kah 流血(lâu-huih) 所得(só͘-tit) ê。确实(khak-si̍t)，你(lí) 忍受(jím-siū) chiah ê 苦楚(khó͘-chhó͘)，tī 痛苦(thòng-khó͘) 中(tiong) iáu 大声(toā-siaⁿ) 唱歌(chhiùⁿ-koa)，o-ló 主(Chú)。 ――J. Roach

咱(lán) 靠(khò) 主(Chú) 常常(siông-siông) 欢喜(hoaⁿ-hí)，
M̄ 惊(kiaⁿ) 试探者(chhì-thàm-chiá) ê 暗箭(àm-chìⁿ)，
撒旦(Sat-tàn) 所(só͘) 惊(kiaⁿ) ê,m̄ 是(sī) 大声(toā-siaⁿ) kap 伊(i) chìⁿ，
却(khiok) 是(sī) 咱(lán) ê 唱歌(chhiùⁿ-koa) kap 吟诗(gîm-si)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com